កាលពីពេលកន្លងទៅនេះ មានហេតុការណ៍ដ៏រន្ធត់មួយបានកើតមានឡើង ដោយកុមារីម្នាក់អាយុប្រហែលជាង២ឆ្នាំបានធ្លាក់ចូលក្នុងអាងចិញ្ចឹមក្រពើនៅខាងក្រោយផ្ទះរបស់ម្តាយ ហើយត្រូវក្រពើនាំគ្នាខាំហែកស៊ីស្លាប់ភ្លាមៗយ៉ាងអាណោចអាធ័មបំផុត ដោយបន្សល់ទុកតែឆ្អឹងលលាដ៍ក្បាលឱ្យឪពុកម្តាយបានត្រឹមតែអង្គុយយំអោបលលាដ៍ក្បាលកូនប៉ុណ្ណោះ បង្កឱ្យមានការភ្ញាក់ផ្អើលពេញភូមិរហូតដល់សមត្ថកិច្ចនៃហេតុការណ៍គួរឱ្យរន្ធត់នេះដែលកើតឡើងនៅចន្លោះម៉ោង១០ដល់ម៉ោង១១ព្រឹក ថ្ងៃទី៣០ ខែមិថុនា ឆ្នាំ២០១៩នេះ ត្រង់ចំណុចអាងចិញ្ចឹមក្រពើខាងក្រោយផ្ទះកុមារីរងគ្រោះ ស្ថិតក្នុងភូមិពោធិ៍បន្ទាយជ័យ សង្កាត់សៀមរាប ក្រុងសៀមរាប ខេត្តសៀមរាប។
សមត្ថកិច្ចមូលដ្ឋានបានឲ្យដឹងថា ឪពុក ក្មេងរងគ្រោះមានឈ្មោះរ៉ែម រដ្ឋ អាយុ៣៥ឆ្នាំ និងម្តាយ នល់សុលី អាយុ៣២ឆ្នាំ។ កុមារីរងគ្រោះឈ្មោះ រ៉ម រដ្ឋនារី កើតថ្ងៃទី១៧ខែមេសា ឆ្នាំ២០១៧ អាយុជាង២ឆ្នាំ។
សមត្ថកិច្ចបន្តថា តាមការសាកសួរឪពុកកុមារីរងគ្រោះបានប្រាប់មកថា នៅវេលាម៉ោង១០គាត់បានជិះម៉ូតូទៅក្នុងភូមិ ដោយទុកកុមារីរងគ្រោះនៅជាមួយម្ដាយ ដែលទើបសម្រាលកូនរួច(សរសៃខ្ចី)មើលនៅផ្ទះរហូតដល់ម៉ោង១០ជាងបានត្រលប់មកវិញ សួររកកូនស្រាប់តែបាត់រកមិនឃើញ ហើយព្យាយាមដើររកជុំវិញផ្ទះនៅតែរកមិនឃើញ ក៏ឡើងទៅមើលក្នុងទ្រុងក្រពើ ស្រាប់តែឃើញលលាដ៍ក្បាល១នៅក្នុងទ្រុងក្រពើ ទើបឪពុកកុមាររងគ្រោះដឹងថាកូនគាត់បានធ្លាក់ចូលទ្រុងក្រពើហើយត្រូវក្រពើស៊ីនៅសល់តែលលាដ៍ក្បាលតែប៉ុណ្ណោះ។
Home ព្រឹត្តិការណ៍ថ្មីៗ ត្រឹមមួយពព្រិចភ្នែកសោះ កូនស្រីជាទីស្រឡាញ់បានត្រូវហ្វូងក្រពើនាំគ្នាខាំហែកស៊ីស្លាប់ភ្លាមៗយ៉ាងអាណោចអាធ័មបំផុត