កាលពីពេលថ្មីៗនេះ ក្នុងសន្និសីទសារព័ត៌មាន ក្រោយបញ្ចប់កិច្ចប្រជុំកំពូល G20 នៅទីក្រុងអូសាកា ប្រទេសជប៉ុន លោក ដូណាល់ ត្រាំ ប្រធានាធិបតីអាមេរិកបានអះអាងថា ក្រុមហ៊ុនអាមេរិកនានានឹងទទួលការអនុញ្ញាតឲ្យធ្វើពាណិជ្ជកម្មជាមួយក្រុមហ៊ុនចិន Huawei ឡើងវិញ ដែលនេះមានន័យថា Huawei នឹងអាចត្រូវដកពីបញ្ជីខ្មៅនៃបម្រាមពាណិជ្ជកម្មក្នុងពេលឆាប់ៗ។ នេះបើតាមការចេញផ្សាយពីសារព័ត៌មានអាមេរិក Bloomberg នាល្ងាចថ្ងៃសៅរ៍ ទី២៩ ខែមិថុនា ឆ្នាំ២០១៩។
លោក ត្រាំ បានថ្លែងច្បាស់ៗនៅក្នុងសន្និសីទសារព័ត៌មានមួយ នៅទីក្រុងអូសាកាយ៉ាងដូច្នេះថា «ខ្ញុំបាននិយាយហើយ វាគឺគ្មានបញ្ហាទេ! វាធ្វើឲ្យយើងអាចបន្តលក់ផលិតផលរបស់យើង... ពួកគេគឺជាក្រុមហ៊ុនរបស់អាមេរិក ដែលបានផលិតផលិតផលទាំងនេះ (បរិក្ខាបំពាក់ឲ្យ Huawei)។ វាពិតជាស្មុគស្មាញណាស់ចំពោះរឿងនេះ។ ខ្ញុំយល់ព្រមអនុញ្ញាតឲ្យពួកគេបន្តលក់ផលិតផលនោះ នោះទើបក្រុមហ៊ុនអាមេរិកអាចបន្តដំណើរទៅមុខទៀតបាន...»។
ជុំវិញបញ្ហានេះដែរបើយោងតាមការចុះផ្សាយរបស់ BBC បានឲ្យដឹងថា លោក ដូណាល់ ត្រាំ បញ្ជាក់ទៀតថា បញ្ហា Huawei នៅតែជាផ្នែកមួយនៃកិច្ចពិភាក្សាពាណិជ្ជកម្មដែលកំពុងបន្តរវាងក្រុងវ៉ាស៊ីនតោន និងក្រុងប៉េកាំង ប៉ុន្តែខណៈពេលនេះ លោក នឹងចេញបញ្ជាឲ្យបន្តការធ្វើអាជីវកម្មឡើងវិញរវាងក្រុមហ៊ុនបច្ចេកវិទ្យាអាមេរិកនិងក្រុមហ៊ុនចិន។
កិច្ចប្រជុំ G20 ហាក់ផ្តល់លទ្ធផលល្អច្រើនរវាងប្រទេសមហាអំណាទាំងពីរ ខណៈដែលអាមេរិកពន្យាពេលការដំឡើងពន្ធបន្ថែមលើផលិតចិន ចំណែកចិនបានជួយទិញផលិតផលកសិកម្មពីអាមេរិកមួយភាគធំ ទោះបីជាការសម្របសម្រួលនេះមិនបានជួយហ៊ុនបច្ចេកវិទ្យាធំៗមែន ប៉ុន្តែវាបានជួយកាត់បន្ថយសម្ភាធខ្លះដែលក្រុមហ៊ុនទាំងនោះ បានខ្លះៗដែរ។
គួរម្លឹកដែរថា ក្រុមហ៊ុន Huawei បន្ទាប់ពីសហរដ្ឋអាមេរិក ប្រកាសឲ្យក្រុមហ៊ុនផ្ដាច់ទំនាក់ទំនងរកស៊ីជាមួយ Huawei ពិសេស គឺបញ្ឈប់ការផ្គត់ផ្គង់ប្រព័ន្ធប្រតិបត្តិការ Android សម្រាប់ស្មាតហ្វូន និងថេប្លេត Huawei រួចមក ខាងក្រុមហ៊ុន Huawei ក៏បានចេញមុខប្រកាសដែរថា ខ្លួនបានក៏បានត្រៀមគម្រោងបន្ទាប់របស់ខ្លួនរួចមុនជាស្រេចហើយ ក្នុងការអភិវឌ្ឍប្រព័ន្ធប្រតិបត្តិការថ្មីផ្ទាល់ខ្លួន ដែលមានឈ្មោះថា Hongmeng OS ។ មិនតែប៉ុណ្ណោះ CEO របស់ក្រុមហ៊ុននេះក៏ធ្លាប់បានលើកឡើងដែរថា អ្នកដែលត្រូវខាតបង់មិនមែនចិនឡើយ តែជាសហរដ្ឋអាមេរិក ៕
ទីបំផុត ! ការព្យាករណ៍របស់ CEO ក្រុមហ៊ុន Huawei ពិតជាឆុតមែន សហរដ្ឋអាមេរិកចាប់ផ្តើមប្តូរឥរិយាបថហើយ
កាលពីពេលថ្មីៗនេះ ក្នុងសន្និសីទសារព័ត៌មាន ក្រោយបញ្ចប់កិច្ចប្រជុំកំពូល G20 នៅទីក្រុងអូសាកា ប្រទេសជប៉ុន លោក ដូណាល់ ត្រាំ ប្រធានាធិបតីអាមេរិកបានអះអាងថា ក្រុមហ៊ុនអាមេរិកនានានឹងទទួលការអនុញ្ញាតឲ្យធ្វើពាណិជ្ជកម្មជាមួយក្រុមហ៊ុនចិន Huawei ឡើងវិញ ដែលនេះមានន័យថា Huawei នឹងអាចត្រូវដកពីបញ្ជីខ្មៅនៃបម្រាមពាណិជ្ជកម្មក្នុងពេលឆាប់ៗ។ នេះបើតាមការចេញផ្សាយពីសារព័ត៌មានអាមេរិក Bloomberg នាល្ងាចថ្ងៃសៅរ៍ ទី២៩ ខែមិថុនា ឆ្នាំ២០១៩។
លោក ត្រាំ បានថ្លែងច្បាស់ៗនៅក្នុងសន្និសីទសារព័ត៌មានមួយ នៅទីក្រុងអូសាកាយ៉ាងដូច្នេះថា «ខ្ញុំបាននិយាយហើយ វាគឺគ្មានបញ្ហាទេ! វាធ្វើឲ្យយើងអាចបន្តលក់ផលិតផលរបស់យើង... ពួកគេគឺជាក្រុមហ៊ុនរបស់អាមេរិក ដែលបានផលិតផលិតផលទាំងនេះ (បរិក្ខាបំពាក់ឲ្យ Huawei)។ វាពិតជាស្មុគស្មាញណាស់ចំពោះរឿងនេះ។ ខ្ញុំយល់ព្រមអនុញ្ញាតឲ្យពួកគេបន្តលក់ផលិតផលនោះ នោះទើបក្រុមហ៊ុនអាមេរិកអាចបន្តដំណើរទៅមុខទៀតបាន...»។
ជុំវិញបញ្ហានេះដែរបើយោងតាមការចុះផ្សាយរបស់ BBC បានឲ្យដឹងថា លោក ដូណាល់ ត្រាំ បញ្ជាក់ទៀតថា បញ្ហា Huawei នៅតែជាផ្នែកមួយនៃកិច្ចពិភាក្សាពាណិជ្ជកម្មដែលកំពុងបន្តរវាងក្រុងវ៉ាស៊ីនតោន និងក្រុងប៉េកាំង ប៉ុន្តែខណៈពេលនេះ លោក នឹងចេញបញ្ជាឲ្យបន្តការធ្វើអាជីវកម្មឡើងវិញរវាងក្រុមហ៊ុនបច្ចេកវិទ្យាអាមេរិកនិងក្រុមហ៊ុនចិន។
កិច្ចប្រជុំ G20 ហាក់ផ្តល់លទ្ធផលល្អច្រើនរវាងប្រទេសមហាអំណាទាំងពីរ ខណៈដែលអាមេរិកពន្យាពេលការដំឡើងពន្ធបន្ថែមលើផលិតចិន ចំណែកចិនបានជួយទិញផលិតផលកសិកម្មពីអាមេរិកមួយភាគធំ ទោះបីជាការសម្របសម្រួលនេះមិនបានជួយហ៊ុនបច្ចេកវិទ្យាធំៗមែន ប៉ុន្តែវាបានជួយកាត់បន្ថយសម្ភាធខ្លះដែលក្រុមហ៊ុនទាំងនោះ បានខ្លះៗដែរ។
គួរម្លឹកដែរថា ក្រុមហ៊ុន Huawei បន្ទាប់ពីសហរដ្ឋអាមេរិក ប្រកាសឲ្យក្រុមហ៊ុនផ្ដាច់ទំនាក់ទំនងរកស៊ីជាមួយ Huawei ពិសេស គឺបញ្ឈប់ការផ្គត់ផ្គង់ប្រព័ន្ធប្រតិបត្តិការ Android សម្រាប់ស្មាតហ្វូន និងថេប្លេត Huawei រួចមក ខាងក្រុមហ៊ុន Huawei ក៏បានចេញមុខប្រកាសដែរថា ខ្លួនបានក៏បានត្រៀមគម្រោងបន្ទាប់របស់ខ្លួនរួចមុនជាស្រេចហើយ ក្នុងការអភិវឌ្ឍប្រព័ន្ធប្រតិបត្តិការថ្មីផ្ទាល់ខ្លួន ដែលមានឈ្មោះថា Hongmeng OS ។ មិនតែប៉ុណ្ណោះ CEO របស់ក្រុមហ៊ុននេះក៏ធ្លាប់បានលើកឡើងដែរថា អ្នកដែលត្រូវខាតបង់មិនមែនចិនឡើយ តែជាសហរដ្ឋអាមេរិក ៕
