គូស្នេហ៍តារាដ៏ល្បីល្បាញរបស់កូរ៉េខាងត្បូង គឺនាង Song Hye-kyo និងលោក Song Joong-ki កំពុងតែដើរដល់ផ្លូវបំបែកហើយ ក្រោយជីវិតអាពាហ៍ពិពាហ៍រយៈពេល២ឆ្នាំ។
នៅក្នុងសេចក្តីថ្លែងការណ៍មួយចេញផ្សាយដោយទីភ្នាក់ងារ UAAរបស់នាង Song Hye-kyo បានប្រកាសឲ្យដឹងថា ពួកគេចែកផ្លូវគ្នាដើរដោយសារតែការមិនចុះសម្រុងគ្នាលើបញ្ហាផ្ទាល់ខ្លួន។
ទីភ្នាក់ងារ UAAបាននិយាយថា តារាសម្តែងស្រីរបស់ពួកយើង បច្ចុប្បន្នកំពុងលែងលះជាមួយស្វាមីរបស់នាង ក្រោយការពិចារណាយ៉ាងហ្មត់ចត់រវាងពួកគេទាំង២ ហើយមូលហេតុដែលនាំឲ្យពួកគេបែកគ្នានេះ គឺដោយសារតែការមិនចុះសម្រុងរឿងបញ្ហាផ្ទាល់ខ្លួន។
សេចក្តីថ្លែងការណ៍នោះ បានបន្តថា អ្នកទាំង២មិនអាចជំនះនូវការខ្វែងគំនិតគ្នាបាន ដែលនាំឲ្យមានការសម្រេចចិត្តបែបនេះ។ ពួកយើងសូមស្នើសុំការយោគយល់ និងអធ្យាស្រ័យពីអ្នករាល់គ្នា ដូចដែលយើងមិនអាចបញ្ជាក់រឿងរ៉ាវលំអិតច្រើនជាងនេះបាន ដោយសារតែវាគឺជាបញ្ហាជីវិតផ្ទាល់ខ្លួនរបស់ប្តីប្រពន្ធតារាទាំង២។
តាមការដឹងពីកាសែត Daily Star បានឲ្យដឹងថា Song Joong Ki តម្លៃខ្លួនរបស់លោក បានកើនឡើង តាំងពីមុនរៀបការជាមួយ Song Hye Kyo មកម្ល៉េះ ហើយជាទូទៅ លោកអាចរកបាន ៤០ លានវ៉ុន (ប្រហែលជាង ៣៤លានដុល្លារអាមេរិក) មកពីការផ្សព្វផ្សាយពាណិជ្ជកម្មក្នុងពេលម្ដង។ តារាប្រុសរូបនេះ ក៏អាចទិញអចលនទ្រពជាច្រើន ជាមួយលុយដែលអាចរកបានតាំងពីប្រឡូកចូលសិល្បៈជាលើកដំបូង។
ជាមួយគ្នានេះផងដែរ Song Joong Ki បានចំណាយលុយទិញវិឡាមួយកន្លែង ក្នុងភូមិ Seorae សង្គាត់់Seocho ដែលមានតម្លៃប្រហែលជាង ២.២ លានដុល្លារអាមេរិក ហើយបានទិញភូមិគ្រឹះនៅក្នុងតំបន់ Itaewon សង្កាត់Yongsan ដែលមានតម្លៃប្រហែលជាង ៨.៦ លានដុល្លារ ដែលត្រូវបានគេដឹងថាជាកន្លែងប្ដីប្រពន្ធត្រកូល Song រស់នៅជាមួយគ្នា ក្រោយរៀបការរួច។
ចំណែកឯតារាស្រី Song Hye Kyo វិញ ក្លាយជាកំពូលតារាយូរជាង Song Joong Ki ដូច្នេះហើយទើបបានជានាងមានទ្រពសម្បត្តិច្រើន។ តារាស្រីវ័យ ៣៧ ឆ្នាំរូបនេះ មានអចលទ្រពចំនួន ៣កន្លែង នៅក្នុងទីក្រុងសេអ៊ូល។ ផ្ទះដែលនាងចំណាយប្រាក់ទិញកាលពីឆ្នាំ ២០០៤ មានតម្លៃប្រហែលជាង៤.៤ លានដុល្លារអាមេរិក បច្ចុប្បន្នកើនឡើងដល់ជាង ៨.៦ លានដុល្លារអាមេរិក ហើយនាងបានទិញវិឡាទំនើបមួយ ដែលមានតម្លៃប្រហែលជាង ២.៦ លានដុល្លារអាមេរិក។ តារាស្រីរូបនេះ ក៏ទិញផ្ទះមួយ មានតម្លៃប្រហែលជាង ៧.៩ លានដុល្លារ នៅឆ្នាំ២០១៧។ អចលទ្រពទាំង ០៣ កន្លែងរបស់តារាស្រីរូបនេះ ស្ថិតនៅក្នុងតំបន់ Samseong មានតម្លៃសរុបប្រហែល ១៧.៨ លានដុល្លារអាមេរិក។
គួរបញ្ជាក់ដែរថា នេះជារឿងមួយដែលដែលធ្វើឲ្យមហាជនមានការភ្ញាក់ផ្អើលយ៉ាងខ្លាំងបន្ទាប់ពីគូរស្នេហ៍
ដ៏ល្អូកល្អិនទាំងពីរនេះ បានជ្រើសរើសយកផ្លូវបំបែករៀងខ្លួនបែបនេះ កាលពីពេលមុនគេនៅចាំបានថា លោក Song Joong-ki បានតស៊ូខ្លាំងណាស់ទម្រាំបានសុំស្រឡាញ់ពីនាង Song Hye-kyo បាន រហូតដល់ថ្នាក់ទឹកភ្នែករៀងខ្លួន ៕
Home សិល្បៈកម្សាន្ត គូស្នេហ៍តារាកូរ៉េខាងត្បូងនាង Song Hye-kyo និងលោក Song Joong-ki ប្រកាសចែកទ្រព្យគ្នា