តាមការបញ្ជាក់ពីក្រសួងការពារជាតិរុស្ស៊ីបានឲ្យដឹងថា សមាជិកក្រុមនាវឹកនៅក្នុងនាវាមុជទឹកទាំង១៤នាក់ របស់រុស្ស៊ីបានស្លាប់ទាំងអស់ ដោយសារតែ គ្រោះថ្នាក់ផ្ទុះឆេះនៅខាងក្នុងនាវាមុជទឹកសម្រាប់ស្រាវជ្រាវនៅសមុទ្រទឹកជ្រៅ បណ្តាលឲ្យនាវឹកថប់ដង្ហើមស្លាប់ ។
ប្រព័ន្ធផ្សព្វផ្សាយរដ្ឋរុស្ស៊ី បានដកស្រង់ប្រសាសន៍របស់មន្ត្រីក្រសួងការពារជាតិ បានបញ្ជាក់កាលពីថ្ងៃទី២ ខែកក្កដា ឆ្នាំ២០១៩ថា អគ្គិភ័យបានកើតឡើងទៅលើនាវាមុជទឹករបស់រុស្ស៊ីមួយគ្រឿង នៅក្រោមទឹកសមុទ្រ បណ្តាលឲ្យស្លាប់សមាជិកនាវិកសរុប១៤នាក់ ។
យ៉ាងណាក្តី កាសែត Novaya Gazeta បានលើកឡើងប្រភពនានាដែលបាននិយាយថា គ្រោះថ្នាក់នេះបានកើតឡើងនៅលើនាវាមុជទឹកខ្នាតតូចដើរដោយថាមពលនុយក្លេអ៊ែរប្រភេទ AS-12 ដែលមានសមត្ថភាពចូលទៅបាតសមុទ្រជ្រៅបំផុតហើយអាជ្ញាធរវិទ្យុសកម្មរបស់ប្រទេសន័រវែសបានបង្ហាញថា ប្រទេសរុស្ស៊ីបានជូនដំណឹងដល់ខ្លួនថាមានការផ្ទុះឧស្ម័នមួយនៅក្នុងនាវានេះប៉ុន្តែការអះអាងនេះត្រូវបានបដិសេធយ៉ាងឆាប់រហ័សដោយទីក្រុងមូស្គូ។
ជុំវិញបញ្ហានេះដែរ លោក ពូទីន បាននិយាយថា មានមេបញ្ជាការថ្នាក់ទីមួយចំនួន ០៧រូប និងមានមន្ត្រីយោធាជាន់ខ្ពស់រុស្សីពីររូប បានបាត់បង់ជីវិតក្នុងហេតុការណ៍នេះ ក្នុងចំណោមមនុស្សដែលបានបាត់បង់ជីវិតទាំងអស់ ១៤នាក់។ លោក ពូទីន ក៏បានសង្កត់ធ្ងន់ផងដែរថា «វាជាការខាតបង់យ៉ាងធំធេងសម្រាប់រុស្សី»។
លោកប្រធានាធិបតី ពូទីន បានសម្តែងអារម្មណ៍សោកស្តាយ និងបានចូលរួមរំលែកទុក្ខដល់ក្រុមគ្រួសារសពនាយទាហានជើងទឹក ដែលបានបាត់បង់ជីវិតទាំងអស់ ក្នុងគ្រោះអគ្គីភ័យក្នុងនាវាមុជទឹកយោធា សម្រាប់ស្រាវជ្រាវក្រោមសមុទ្រនោះ។ លោកបានណែនាំឲ្យក្រសួងការពារជាតិ ឲ្យផ្តល់ជំនួយ និងការគាំទ្រដល់គ្រួសារជនរងគ្រោះផងដែរ ដោយស្នើសុំឱ្យរដ្ឋមន្ត្រីការពារជាតិ ទៅមើលកន្លែងកើតហេតុដោយផ្ទាល់ ហើយពិនិត្យមើលកំណត់ហេតុអំពីមូលហេតុ ដែលបានបង្កទៅជាសោកនាដកម្មនេះ។លោក ពូទីន សោកស្តាយយ៉ាងខ្លាំងបន្ទាប់ពីឆេះនាវាមុជទឹក បានធ្វើឲ្យមេបញ្ជាការទ័ពឆ្នើមជាច្រើនស្លាប់បាត់បង់ជីវិត
តាមការបញ្ជាក់ពីក្រសួងការពារជាតិរុស្ស៊ីបានឲ្យដឹងថា សមាជិកក្រុមនាវឹកនៅក្នុងនាវាមុជទឹកទាំង១៤នាក់ របស់រុស្ស៊ីបានស្លាប់ទាំងអស់ ដោយសារតែ គ្រោះថ្នាក់ផ្ទុះឆេះនៅខាងក្នុងនាវាមុជទឹកសម្រាប់ស្រាវជ្រាវនៅសមុទ្រទឹកជ្រៅ បណ្តាលឲ្យនាវឹកថប់ដង្ហើមស្លាប់ ។
ប្រព័ន្ធផ្សព្វផ្សាយរដ្ឋរុស្ស៊ី បានដកស្រង់ប្រសាសន៍របស់មន្ត្រីក្រសួងការពារជាតិ បានបញ្ជាក់កាលពីថ្ងៃទី២ ខែកក្កដា ឆ្នាំ២០១៩ថា អគ្គិភ័យបានកើតឡើងទៅលើនាវាមុជទឹករបស់រុស្ស៊ីមួយគ្រឿង នៅក្រោមទឹកសមុទ្រ បណ្តាលឲ្យស្លាប់សមាជិកនាវិកសរុប១៤នាក់ ។
យ៉ាងណាក្តី កាសែត Novaya Gazeta បានលើកឡើងប្រភពនានាដែលបាននិយាយថា គ្រោះថ្នាក់នេះបានកើតឡើងនៅលើនាវាមុជទឹកខ្នាតតូចដើរដោយថាមពលនុយក្លេអ៊ែរប្រភេទ AS-12 ដែលមានសមត្ថភាពចូលទៅបាតសមុទ្រជ្រៅបំផុតហើយអាជ្ញាធរវិទ្យុសកម្មរបស់ប្រទេសន័រវែសបានបង្ហាញថា ប្រទេសរុស្ស៊ីបានជូនដំណឹងដល់ខ្លួនថាមានការផ្ទុះឧស្ម័នមួយនៅក្នុងនាវានេះប៉ុន្តែការអះអាងនេះត្រូវបានបដិសេធយ៉ាងឆាប់រហ័សដោយទីក្រុងមូស្គូ។
ជុំវិញបញ្ហានេះដែរ លោក ពូទីន បាននិយាយថា មានមេបញ្ជាការថ្នាក់ទីមួយចំនួន ០៧រូប និងមានមន្ត្រីយោធាជាន់ខ្ពស់រុស្សីពីររូប បានបាត់បង់ជីវិតក្នុងហេតុការណ៍នេះ ក្នុងចំណោមមនុស្សដែលបានបាត់បង់ជីវិតទាំងអស់ ១៤នាក់។ លោក ពូទីន ក៏បានសង្កត់ធ្ងន់ផងដែរថា «វាជាការខាតបង់យ៉ាងធំធេងសម្រាប់រុស្សី»។
លោកប្រធានាធិបតី ពូទីន បានសម្តែងអារម្មណ៍សោកស្តាយ និងបានចូលរួមរំលែកទុក្ខដល់ក្រុមគ្រួសារសពនាយទាហានជើងទឹក ដែលបានបាត់បង់ជីវិតទាំងអស់ ក្នុងគ្រោះអគ្គីភ័យក្នុងនាវាមុជទឹកយោធា សម្រាប់ស្រាវជ្រាវក្រោមសមុទ្រនោះ។ លោកបានណែនាំឲ្យក្រសួងការពារជាតិ ឲ្យផ្តល់ជំនួយ និងការគាំទ្រដល់គ្រួសារជនរងគ្រោះផងដែរ ដោយស្នើសុំឱ្យរដ្ឋមន្ត្រីការពារជាតិ ទៅមើលកន្លែងកើតហេតុដោយផ្ទាល់ ហើយពិនិត្យមើលកំណត់ហេតុអំពីមូលហេតុ ដែលបានបង្កទៅជាសោកនាដកម្មនេះ។
