ហ្វូស៊ីលឆ្អឹងភ្លៅដែលត្រូវបានគេរកឃើញនៅក្នុងរូងភ្នំនៅតំបន់គ្រីមេ ជាប់នឹងរុស្ស៊ី គឺជាឆ្អឹងរបស់ពពួកបក្សីយក្សដ៏ធំម្យ៉ាងមានទម្ងន់៤៥០គ.ក ធ្ងន់ស្មើនឹងសត្វខ្លាឃ្មំទឹកកកមួយក្បាល។
ឆ្អឹងហ្វូស៊ីល ដែលត្រូវបានគេរកឃើញនៅតាមតំបន់ឆ្នេរភាគខាងជើងសមុទ្រខ្មៅ នេះ មានអាយុកាលចន្លោះពី១.៥ទៅ១.៨លានឆ្នាំមុន ជាពេលដែលមនុស្សស្វា Homo រុករានទ្វីបអឺរ៉ុប។
ដោយគេស្គាល់ថាជាប្រភេទបក្សី Pachystruthio Dmanisensis វាគឺជាសត្វបក្សីដែលមិនអាចហើរបាន ពោលគឺវាមានមាឌធំជាងសត្វមាន់អូទ្រីសបច្ចុប្បន្នរហូតដល់ទៅ៣ដង វាមានកម្ពស់៣ម៉ែត្រកន្លះ ហើយអាចរត់បានយ៉ាងលឿនទៀតផង។
ពពួកសត្វប្រភេទនេះដែរ ពួកវាបានផ្តល់ឲ្យបុព្វបុរសយើងនូវប្រភពសាច់ជាច្រើន ឆ្អឹង ស្លាប និងស៊ុតផងដែរ។
លោក Nikita Zelenkov គឺជាបុរាណវិទូ មកពីបណ្ឌិតសភាវិទ្យាសាស្ត្រអាមេរិក បាននិយាយថា មិនធ្លាប់ដែលមានបក្សីមាឌធំបែបនេះ ត្រូវបានរាយការណ៍ថា មាននៅអឺរ៉ុបនោះទេ។
លោកបាននិយាយថា យើងមិនដឹងថាតើវាបានផុតពូជតាំងពីពេលណានោះទេ ប៉ុន្តែច្បាស់ណាស់ថា វាមិនអាចរស់នៅរហូតដល់១.២លានឆ្នាំមុននោះទេ។ ពួកវាអាចនឹងរស់នៅជាមួយក្រុមមនុស្សស្វា Homo ដែលជាមនុស្សដំបូងគេនៅលើផែនដី៕