ពេលដែលតារាសម្តែងស្រីចិន Fan Bingbing មិនបានបង្ហាញខ្លួនជាសាធារណៈអស់រយៈពេលជាច្រើនខែ កាលពីឆ្នាំមុន ស្របពេលមានពាក្យចចាមអារាម បានលេចឮពីជោគវាសនារបស់នាង។
ចាប់តាំងពីពេលនោះមក នាងត្រូវបានតុលាការស៊ើបអង្កេតលើករណីលួចបន្លំពន្ធ និងការជជែកដេញដោលជាហេតុនាំឲ្យគេនិយាយថា នាងទំនងជាត្រូវបានចាប់ខ្លួន ឬក៏ត្រូវរត់ភៀសខ្លួនទៅជ្រកកោនបណ្តោះអាសន្ននៅសហរដ្ឋអាមេរិក ដើម្បីបញ្ចៀសផុតពីការដាក់ទោសទាំងអស់នេះ។
ទោះបីជាយ៉ាងណាក៏ដោយ ក្រោយមក នាងបានចេញមុខជួសជុលរូបភាពលាបពណ៌របស់នាង ក្រោយពីកាលពីខែតុលា ក្រុមអាជ្ញាធរ បានបញ្ជាឲ្យដឹងបង់ប្រាក់១៧៧លានដុល្លារ លើករណីមិនបានបង់ពន្ធ និងការផាកពិន័យ។
ប៉ុន្តែពេលនេះ ពាក្យចចាមអារាម ចាប់ផ្តើមផ្ទុះម្តងទៀតហើយ ដែលលើកនេះ គឺជាប់ពាក់ព័ន្ធជីវិតស្នេហាររបស់នាង។
លោក Fiance Li Chen អាយុ៤០ឆ្នាំ ដែលធ្លាប់ឈរខាងនាង ពេលដែលនាងជួបបញ្ហា ហើយនិងនាង Fan បានប្រកាសកាលពីថ្ងៃទី២៧ ខែមិថុនា តាម Weibo ថា ពួកគេនឹងចែកផ្លូវគ្នាដើរហើយ ក្រោយរួមរស់ជាមួយគ្នា បានរយៈពេល៤ឆ្នាំ។
ប៉ុន្តែក្រុមអ្នកលេងអ៊ីនធឺណេតមួយចំនួន មិនជឿលើការបែកបាក់របស់អ្នកទាំង២នោះទេ ដោយពួកគេចាត់ទុកថា វាគ្រាន់តែជាព័ត៌មានក្លែងក្លាយប៉ុណ្ណោះ ហើយភាពមន្ទិលសង្ស័យរបស់ពួកគេ កាន់តែលេចចេញច្បាស់ឡើងថែមមួយកម្រិតទៀត ក្រោយពេលសារព័ត៌មានចិន បានរាយការណ៍ថា គូស្នេហ៍ទាំង២ ត្រូវបានគេឃើញទទួលទានអាហារនៅភោជនីយដ្ឋានថៃជាមួយគ្នា រយៈពេល៣ថ្ងៃប៉ុន្ណោះ ក្រោយការប្រកាសការបែកបាក់ស្នេហ៍របស់ពួកគេ៕
Home សិល្បៈកម្សាន្ត ការបែកបាក់ស្នេហ៍របស់តារាសម្តែងស្រី Fan Bingbing ដោយសារមានមូលហេតុបែបនេះសោះ !