ជាការពិតខ្លាំងណាស់ថា វាមិនចេះខ្លះនោះទេចំពោះរឿងអាស្រូវសម្រាប់ជនល្បី ហើយលើកនេះ តារាសម្តែងតៃវ៉ាន់ Lin Chi-ling ត្រូវបានពាក្យចចាមអារាមលើកឡើងថា នាងមានផ្ទៃពោះ ក្រោយរូបថតនាងនៅព្រលានយន្តហោះឃើញក្បាលពោះលយចេញមកក្រៅ ត្រូវបានចុះផ្សាយដោយសារព័ត៌មានហុងកុង ក្នុងសប្តាហ៍នេះរួចមកនោះ។
វាមិនមែនជាលើកដំបូងនោះទេ ដែលតារាស៊ូពើម៉ូដែល និងជាតារាសម្តែងវ័យ៤៤ឆ្នាំម្នាក់នេះ ត្រូវបានញាំញីដោយសារតែពាក្យចចាមអារាមទាំងនេះ។
ពេលដែលព័ត៌មានផ្ទុះឡើងពីអាពាហ៍ពិពាហ៍របស់នាងជាមួយសមាជិកក្នុងក្រុមតារាចម្រៀងជប៉ុន Exile គឺលោក Akira កាលពីខែមិថុនាកន្លងទៅ មាននូវពាក្យចចាមអារាមថា វាគ្រាន់តែជាអាពាហ៍ពិពាហ៍ក្លែងក្លាយប៉ុណ្ណោះ ដែលត្រូវបានរៀបចំឡើងដើម្បីបញ្ចៀសផុត ឬបិតបាំងភាពអាម៉ាស់របស់ពួកគេ។ ប៉ុន្តែពាក្យចចាមអារាមទាំងអស់នោះ ត្រូវបានលប់បំបាត់ចោលទៅវិញដោយបងប្រុសរបស់នាង។
ទោះបីជាយ៉ាងណាក៏ដោយ រូបថតជាច្រើនសន្លឹក ដែលបានចេញផ្សាយកាលពីពេលថ្មីៗនេះ បានធ្វើឲ្យផ្ទុះពាក្យចចាមអារាមជាថ្មីម្តងទៀត ថានាងទំនងជាមានផ្ទៃពោះពិតមែន ប៉ុន្តែត្រូវបានច្រានចោលម្តងទៀត ដោយអ្នកនាំពាក្យរបស់នាង៕
