សម្ដេចតេជោ ហ៊ុន សែន នាយករដ្ឋមន្ដ្រី នៃកម្ពុជា នៅល្ងាចថ្ងៃទី១៤ ខែកក្កដា ឆ្នាំ២០១៩ ម្សិលមិញនេះ បានបើកឡានប្រើអាគុយដោយខ្លួនឯង ដើម្បីមើលដំណាំក្នុងបន្ទាយទាហាន និងការធ្វើដំណើររបស់ប្រជាពលរដ្ឋ នៅតាមផ្លូវលេខ២១ ចន្លោះក្រុងតាខ្មៅ និងស្រុកស្អាង ខេត្តកណ្ដាល។
បើយោងតាមផេករបស់សម្តេចបានបង្ហោះយ៉ាងដូចច្នេះថា ៖ «អផ្សុកខ្លាំងណាស់ ដោយមិនបានហាត់ប្រាណដូចពេលមុន។ ពេទ្យមិនបានហាម មិនឲ្យបើកកូនឡានទេ ដូចនេះបើកឡានមើលដំណាំ មើលបន្ទាយទាហាន និងមើលប្រជាជនធ្វើដំណើរតាមផ្លូវលេខ២១ ចន្លោះតាខ្មៅ និងស្រុកស្អាង ជាការល្អម្យ៉ាងដែរ។ ប្រជាជនបើកឡាន និងជិះម៉ូតូមិនដឹងថាខ្ញុំ នៅលើកូនរថយន្តនេះទេ ពួកគាត់នាំគ្នា ជិះវ៉ារថយន្តយ៉ាងសប្បាយ»៕
