[wai id="8"]
[wai id="7"]
សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃបានប្រកាសថា នឹងនៅតែរក្សាជំហររឹត បន្ដឹងការអនុវត្តច្បាប់ចរាចរណ៍ ហើយមិនអាចដកថយឡើយ ពី ព្រោះនេះជាវិធីតែមួយគត់ដើម្បីកែប្រែឥរិយាបថ ដល់អ្នកបើកបរដែលមិនគោរពច្បាប់ដើម្បី ឈានទៅកាត់បន្ថយគ្រោះថ្នាក់ អ្នកស្លាប់ និងអ្នករងរបួស ។
ថ្លែងនៅក្នុងកិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោកប្រចាំឆមាសទី១ និងទិសដៅការងារឆមាសទី២ ឆ្នាំ២០២០ នាព្រឹកថ្ងៃទី០៧ ខែកក្កដា ឆ្នាំ២០២០ នៅទីស្ដីការក្រសួងមហាផ្ទៃ សម្ដេចក្រឡាហោម ស ខេង បានមានប្រសាសន៍ថា ការ អនុវត្តច្បាប់ចរាចរណ៍នេះ នឹងមិនអាចដកថយឡើយ ពីព្រោះនេះជាវិធីតែមួយគត់ដើម្បីកែប្រែឥរិយាបថអ្នកបើកបរដែលមិនគោរពច្បាប់ ដើម្បីឈានទៅកាត់បន្ថយគ្រោះថ្នាក់ ដល់អ្នកស្លាប់ និងអ្នករងរបួស ស្របពេលក្នុងរយៈពេល២ខែចុងក្រោយនៃការរឹតបន្តឹងការអនុវត្តច្បាប់ចរាចរណ៍ផ្លូវគោក ប្រជាពលរដ្ឋបានចូលរួមគាំទ្រ យ៉ាងសកម្ម និងមានការប្រុងប្រយ័ត្នក្នុងការធ្វើដំណើរ ដោយប្រកាន់ខ្ជាប់នូវការគោរពច្បាប់ បើទោះបីជាមិនបាន១០០ភាគរយក៏ដោយ។
ពាណិជ្ជកម្ម
សម្ដេចក្រឡាហោមស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និង ជាប្រធានគណៈកម្មាធិការជាតិសុវត្ថិភាពចរាចរណ៍ ផ្លូវគោកបានគូស បញ្ជាក់ថា ការរឹតបន្តឹងច្បាប់ចរាចរណ៍ដោយបន្ថែមទឹកប្រាក់ពិន័យ គឺមិនមែនជាដាក់បន្ទុក គាបសង្កត់ ឬ ធ្វើបាបប្រជាពល រដ្ឋក្នុងអំឡុងពេលមានវិបត្តិជំងឺកូវីដ១៩នោះទេ ប៉ុន្តែជាការធ្វើឡើង ដើម្បីការពារអាយុជីវិត និងទ្រព្យសម្បត្តិ របស់ប្រជាពលរដ្ឋ ។ ការពារ គឺនៅពេលដែលពលរដ្ឋគោរពច្បាប់បានត្រឹមត្រូវ គឺមិនមានគ្រោះថ្នាក់ចរាចរណ៍ដែលអាច បណ្តាលឱ្យស្លាប់ រងរបួស និងខូតខាតទ្រព្យសម្បត្តិឡើយ។ សម្រាប់សម្តេចបន្តថា ការរឹតបន្តឹងច្បាប់នេះ គឺជាការអប់រំសង្គម និយាយឱ្យចំជាការកែប្រែទម្លាប់ និងផ្នត់គំនិតពលរដ្ឋឱ្យមកគោរពច្បាប់ចរាចរណ៍។
អាជ្ញាធរកម្ពុជាបានចាប់ផ្តើមរឹតបន្តឹងច្បាប់ចរាចរណ៍ដោយបន្ថែមទឹកប្រាក់ផាកពិន័យចាប់តាំងពីដើមខែឧសភាមក។ ការរឹតបន្តឹងនេះ បានរងនូវការរិះគន់ពីមជ្ឈដ្ឋានមួយចំនួនថាជាការដាក់បន្ទុកបន្ថែមដល់ពលរដ្ឋដែលកំពុងជួបបញ្ហាដោយសារតែជំងឺកូវីដ១៩ ហើយថា ការបន្ថែមទឹកប្រាក់ពិន័យនេះ គឺច្រើនហួសហេតុពេកហើយ។ ប៉ុន្តែ សម្តេច ស ខេង បានហៅការ រិះគន់នេះថា ជាការប្រឆាំងដោយមិនបានពិចារណាឱ្យបានគ្រប់ជ្រុងជ្រោយ ដោយហេតុថា បើពលរដ្ឋបើកបរដោយ គោរព ច្បាប់ គឺមិនត្រូវបានផាកពិន័យអស់លុយនោះឡើយ។ ម្យ៉ាងវិញទៀត ជំងឺកូវីដ១៩មិនទាន់បណ្តាលឱ្យពលរដ្ឋខ្មែរស្លាប់ ម្នាក់ ឡើយ តែគ្រោះថ្នាក់ចរាចរណ៍វិញ គឺធ្វើឱ្យស្លាប់ពលរដ្ឋជារៀងរាល់ថ្លៃ។ ដូច្នេះហើយ សម្តេចថាអ្នកដែល រិះគន់ពីបញ្ហានេះ គឺហាក់មានចេតនាចង់ទុកឱ្យប្រជាពលរដ្ឋស្លាប់បន្តទៀតដោយសារបញ្ហាគ្រោះថ្នាក់ចរាចរណ៍នេះ៕
[wai id="5"]