អង្គការអវកាសសហរដ្ឋអាមេរិក NASA កំពុងតែរៀបចំគម្រោងរបស់ពួកគេ ក្នុងការវិលត្រឡប់ទៅកាន់ឋានព្រះចន្ទ័មួយនេះម្តងទៀត នៅខួបលើកទី៥០នៃការឡើងទៅឋានព្រះចន្ទ័របស់យានអវកាស Apollo 11 ហើយនិងចូលទៅក្នុងឋានព្រះចន្ទ័ឲ្យជ្រៅជាងមុន។
តំបន់ The Lunar Orbital Platform-Gateway ដែលជាបុស្តិ៍មុខដ៏សំខាន់មួយសម្រាប់បេសកកម្មរបស់ក្រុមអវកាសសហរដ្ឋអាមេរិក ដើម្បីបណ្តាក់ក្រុមអវកាសចរទៅកាន់ឋានព្រះចន្ទ័នៅក្នុងឆ្នាំ២០២៤ខាងមុខ មាននូវការចាប់ផ្តើមយឺតយ៉ាវ ប៉ុន្តែយន្តការដំបូងកំពុងតែសិក្សាហើយ។
បច្ចុប្បន្ន អង្គការ NASAកំពុងសិក្សាផងដែរលើការបញ្ជូនក្រុមអវកាសចរទៅកាន់តំបន់ប៉ូលខាងត្បូងនៃឋានព្រះចន្ទ័នៅឆ្នាំ២០២៤ខាងមុខនេះ គឺជាតំបន់មួយដែលពួកគេគិតថា មាននូវសក្តានុពលសំខាន់ៗជាច្រើន ជាប្រភពដ៏ចាំបាច់ សម្រាប់ការរុករកតំបន់ជ្រៅៗនៅលើទីអវកាស។
នៅពេលដែលលោកប្រធានាធិបតីសហរដ្ឋអាមេរិក លោកJohn F. Kennedy បាននិយាយថា “យើងជ្រើសរើសឡើងទៅឋានព្រះចន្ទ័”នៅក្នុងឆ្នាំ១៩៦២ លោកចង់ធ្វើវាឲ្យសម្រេចនៅដំណាច់ទសវត្សរ៍នោះ។
នៅពេលនោះ គម្រោង Project Mercury ដែលជាប្រឹងប្រែងរបស់អង្គការ NASAដើម្បីនាំយកក្រុមអវកាសចរទៅកាន់គន្លងតារាវិថី ត្រូវបានអនុវត្តន៍រួចទៅហើយ ប៉ុន្តែភាគច្រើននៃជំនាញការ និងយន្តការដែលនឹងអនុញ្ញាតឲ្យមនុស្សដើរលើឋានព្រះចន្ទ័ នៅមិនទាន់មាននោះទេ។
កាលនោះ លោក Kennedy បាននិយាយថា យើងគួរតែត្រូវបានបញ្ជូនទៅកាន់ឋានព្រះចន្ទ័...... គឺជាដុំថ្មមួយមានកម្ពស់ជាង៣០០ហ្វ៊ូត បណ្តោយប៉ុនទីលានបាល់ទាត់ ធ្វើពីលោហធាតុផ្សំ ដែលអាចទប់ទល់នឹងកម្តៅ និងស្ត្រេសច្រើនជាងអ្វីដែលយើងធ្លាប់ជួបប្រទះ....៕
