គ្រោះរញ្ជួយដីក្រោមបាតសមុទ្រកម្រិត៦.១រ៉ិចទ័រ បានអង្រួនតំបន់ភាគខាងត្បូងកោះបាលី ជាហេតុធ្វើឲ្យមនុស្សម្នានាំគ្នាស្លន់ស្លោយ៉ាងខ្លាំង ទាំងអ្នកស្រុក និងភ្ញៀវទេសចរ ប្រញាប់ប្រញាល់រត់ចេញពីអគារ។
ទីភ្នាក់ងារតាមដានការរញ្ជួយដីអឺរ៉ុប ឬហៅកាត់ថា EMSCបានរាយការណ៍ថា គ្រោះរញ្ជួយដីក្រោមបាតសមុទ្រក្នុងកម្រិត៦.១រ៉ិចទ័រ បានអង្រួនតំបន់ភាគខាងត្បូងកោះបាលី ប្រទេសឥណ្ឌូនេស៊ី នៅថ្ងៃអង្គារនេះ ។
នៅមិនទាន់មានសេចក្តីរាយការណ៍ភ្លាមៗនោះទេ ពីផលខូចខាត ឬគ្រោះថ្នាក់ដល់អាយុជីវិត និងរបួស បង្កឡើងដោយសារតែការរញ្ជួយដីមួយនេះ ហើយក៏មិនមានការចេញសេចក្តីប្រកាសអាសន្នពីរលកយក្សស៊ូណាមិដោយមន្ទីរប្រកាសអាសន្នរលកយក្សស៊ូណាមិប៉ាស៊ីហ្វិក ដែលមានមូលដ្ឋាននៅកោះហាវ៉ៃនោះដែរ។
ទីភ្នាក់ងារដដែលបានរាយការណ៍ទៀតថា កំណុំនៃការរញ្ជួយដីនេះស្ថិតនៅចម្ងាយ១០២គ.មភាគនិរតីនៃរដ្ឋធានីដេនប៉ាសា កោះបាលី ហើយនិងស្ថិតនៅក្នុងជម្រៅដី១០០គ.ម។
ដោយឡែក មន្ទីរវាស់ភូគព្ភសាស្ត្រសហរដ្ឋអាមេរិក បានកត់ត្រាការរញ្ជួយដីកម្រិតដំបូង៥.៧រ៉ិចទ័រ។
ពលរដ្ឋមួយរូប បាននិយាយថា មនុស្សម្នានៅក្នុងទីក្រុងដេនប៉ាសា បានរត់ចេញពីផ្ទះរបស់ពួកគេ ទាំងសម្លៀកបំពាក់ដេកយប់ ក្រោយការរញ្ជួយដីនេះកើតឡើង។
អ្នកលេង Twitterម្នាក់ បាននិយាយផងដែរថា ការរញ្ជួយដីលើកនេះ មានកម្លាំងល្មមធ្វើឲ្យលោកទប់ខ្លួនមិនជាប់ និងប្រឹងដើម្បីរស់រានពីការរញ្ជួយដីនេះ។
ខណៈនោះដែរ ទីភ្នាក់ងារកាត់បន្ថយគ្រោះមហន្តរាយឥណ្ឌូនេស៊ី បានចែកចាយរូបភាពជាច្រើន នៃការខូចខាតនៅឯព្រះវិហារ Lokanatha ស្ថិតនៅក្នុងទីក្រុងដេនប៉ាសា ឃើញឥដ្ឋស៊ីម៉ង់ត៍ រាយប៉ាយនៅលើដី៕
គ្រោះរញ្ជួយដីក្រោមបាតសមុទ្រកម្រិត៦.១រ៉ិចទ័រ បានអង្រួនតំបន់ភាគខាងត្បូងកោះបាលី ជាហេតុធ្វើឲ្យមនុស្សម្នានាំគ្នាស្លន់ស្លោយ៉ាងខ្លាំង ទាំងអ្នកស្រុក និងភ្ញៀវទេសចរ ប្រញាប់ប្រញាល់រត់ចេញពីអគារ។
ទីភ្នាក់ងារតាមដានការរញ្ជួយដីអឺរ៉ុប ឬហៅកាត់ថា EMSCបានរាយការណ៍ថា គ្រោះរញ្ជួយដីក្រោមបាតសមុទ្រក្នុងកម្រិត៦.១រ៉ិចទ័រ បានអង្រួនតំបន់ភាគខាងត្បូងកោះបាលី ប្រទេសឥណ្ឌូនេស៊ី នៅថ្ងៃអង្គារនេះ ។
នៅមិនទាន់មានសេចក្តីរាយការណ៍ភ្លាមៗនោះទេ ពីផលខូចខាត ឬគ្រោះថ្នាក់ដល់អាយុជីវិត និងរបួស បង្កឡើងដោយសារតែការរញ្ជួយដីមួយនេះ ហើយក៏មិនមានការចេញសេចក្តីប្រកាសអាសន្នពីរលកយក្សស៊ូណាមិដោយមន្ទីរប្រកាសអាសន្នរលកយក្សស៊ូណាមិប៉ាស៊ីហ្វិក ដែលមានមូលដ្ឋាននៅកោះហាវ៉ៃនោះដែរ។
ទីភ្នាក់ងារដដែលបានរាយការណ៍ទៀតថា កំណុំនៃការរញ្ជួយដីនេះស្ថិតនៅចម្ងាយ១០២គ.មភាគនិរតីនៃរដ្ឋធានីដេនប៉ាសា កោះបាលី ហើយនិងស្ថិតនៅក្នុងជម្រៅដី១០០គ.ម។
ដោយឡែក មន្ទីរវាស់ភូគព្ភសាស្ត្រសហរដ្ឋអាមេរិក បានកត់ត្រាការរញ្ជួយដីកម្រិតដំបូង៥.៧រ៉ិចទ័រ។
ពលរដ្ឋមួយរូប បាននិយាយថា មនុស្សម្នានៅក្នុងទីក្រុងដេនប៉ាសា បានរត់ចេញពីផ្ទះរបស់ពួកគេ ទាំងសម្លៀកបំពាក់ដេកយប់ ក្រោយការរញ្ជួយដីនេះកើតឡើង។
អ្នកលេង Twitterម្នាក់ បាននិយាយផងដែរថា ការរញ្ជួយដីលើកនេះ មានកម្លាំងល្មមធ្វើឲ្យលោកទប់ខ្លួនមិនជាប់ និងប្រឹងដើម្បីរស់រានពីការរញ្ជួយដីនេះ។
ខណៈនោះដែរ ទីភ្នាក់ងារកាត់បន្ថយគ្រោះមហន្តរាយឥណ្ឌូនេស៊ី បានចែកចាយរូបភាពជាច្រើន នៃការខូចខាតនៅឯព្រះវិហារ Lokanatha ស្ថិតនៅក្នុងទីក្រុងដេនប៉ាសា ឃើញឥដ្ឋស៊ីម៉ង់ត៍ រាយប៉ាយនៅលើដី៕
