ម្ចាស់ក្សត្រី Diana ត្រូវបានគេអះអាងថា បានចាប់ជាតិថ្មីហើយនៅលើក្មេងប្រុសអាយុ៤ឆ្នាំម្នាក់ ដែលអាចនិយាយរៀបរាប់ពីជីវិតរបស់ព្រះនាងនៅក្នុងសេចក្តីលំអិតដ៏គួរឲ្យភ្ញាក់ផ្អើលមួយ។
ក្មេងប្រុស Billy Campbell ដែលមិនដឹងអ្វីសោះពីគ្រួសាររាជវង្ស បានចាប់ផ្តើមនិយាយថា រូបគេ បានចាប់ជាតិជាម្ចាស់ក្សត្រី Diana តាំងពីរូបគេមានអាយុ២ឆ្នាំមកម្ល៉េះ។ ក្មេងប្រុសអូស្ត្រាលីម្នាក់នេះ បានអះអាងពីក្មេងប្រុសរបស់គេ គឺព្រះអង្គម្ចាស់ Harry និង William ក៏ដូចជាបាននិយាយរៀបរាប់ត្រូវឥតខ្ចោះដ៏គួរភ្ញាក់ផ្អើលពីប្រាសាទ Balmoral ។
លោក David Campbell គឺជាអ្នកអត្ថាធិប្បាយទូរទស្សន៍អូស្ត្រាលី និងជាឪពុកក្មេងប្រុស បានប្រកាសឲ្យដឹងពីការសម្តីដ៏ចម្លែងរបស់ Billy ។
លោកបាននិយាយថា ការនិយាយដឹងជាតិបានចាប់ផ្តើមឡើងតាំងពី Billyមានអាយុ២ឆ្នាំមកម្ល៉េះ ដោយនៅពេលនោះ រូបគេ បានចង្អុររូប Diana និងបាននិយាយថា “មើល វាគឺជារូបខ្ញុំ ពេលដែលខ្ញុំនៅជាម្ចាស់ក្សត្រី”។
លោក Campbell បាននិយាយថា កូនប្រុសរបស់លោកចាប់ផ្តើមនិយាយបែបនេះ ពេលដែលនរណាម្នាក់ បានឲ្យភរិយា Lisaរបស់គាត់នូវកាតមានពាក្យ Lady Di នៅលើនោះ។
ក្មេងប្រុស Billyបាននិយាយប្រាប់គ្រួសាររបស់គាត់ថា គាត់មានបងប្រុសម្នាក់ឈ្មោះ John គឺជាព្រះរាមរបស់ម្ចាស់ក្សត្រី Diana ដែលបានសោយទីវង្គត មុនពេលព្រះនាងប្រសូត្រទៅទៀត។ ក្រោយមកទៀត ក្មេងប្រុស Billy បានរៀបរាប់យ៉ាងច្បាស់ពីប្រាសាទ ជាកន្លែងដែលម្ចាស់ក្សត្រីស្នាក់នៅអំឡុងរដូវកាលបុណ្យគ្រិស្តស្មាស់ ដោយគេបានរៀបរាប់ថា ប្រាសាទនេះ មានរូបសេះដុះស្នែងនៅលើជញ្ជាំង ចឹងហើយបានជាគេហៅវាថាជាប្រាសាទ Balmoral ។
លោក Campbell បាននិយាយថា សេះដុះស្នែងគឺជាសត្វនិមិត្តរូបរបស់ស្កុតលែន ហើយនិងមានសេះដុះស្នែងនៅលើជញ្ជាំងប្រាសាទ តើគេអាចដឹងតាមរបៀបណាទៅ?
ការចាំជាតិច្បាស់បំផុតរបស់ Billy គឺពេលដែលគេចាំច្បាស់គ្រោះថ្នាក់ចរាចរណ៍របស់ម្ចាស់ក្សត្រី Diana នៅទីក្រុងប៉ារីសកាលពីឆ្នាំមុន១៩៩៧៕
Home ព្រឹត្តិការណ៍ថ្មីៗ ម្ចាស់ក្សត្រី Diana បានចាប់ជាតិជាក្មេងប្រុសអាយុ៤ឆ្នាំនៅអូស្ត្រាលី