…ជាងថតរូបម្នាក់នេះមានបំណងល្អទេ ចង់ពញាក់អារម្មណ៍ទៅដល់ពលរដ្ឋថៃឲ្យប្រើម៉ាស់ដើម្បីការពារខ្យល់អាក្រក់ពិសេសកុំឲ្យឆ្លងវិរុសកូរ៉ូណាប៉ុន្តែដោយសារតែជាងថតរូបម្នាក់នេះបានយកម៉ាស់ទៅពាក់លើរូបសំណាកផ្សេងៗក្នុងវត្តហើយថតបង្ហោះក៏ទទួលរងនូវការចោទប្រកាន់ធ្វើឲ្យរូបគេ ភ័យបុកពោះយ៉ាងខ្លាំងទម្រាំបកស្រាយរួចខ្លួន។ដោយសារតែវិបត្តិខ្យល់ពុលផង និងវីរុសកូរ៉ូណាកើតឡើងផងនោះ ធ្វើឱ្យការពាក់ម៉ាស់ គឺជាវិធានការដ៏ពេញនិយមមួយដើម្បីការពារខ្លួន និងសុខភាពទូទៅនៅក្នុងពេលបច្ចុប្បន្ន។
ហើយព្រោះតែចង់ផ្សព្វផ្សាយនៃការការពារខ្លួនដោយការពាក់ម៉ាក់ លោក Chub Nokkaew ដែលជាជាងថតរូបដ៏ល្បីនៅក្នុងប្រទេសថៃ បានផ្តិតទិដ្ឋភាពរូបសំណាកនៅទីវត្តអារាមដ៏ល្បី គឺ វត្តអារុណ ដោយរូបសំណាកទាំងនោះសុទ្ធតែមានពាក់ម៉ាស់ការពារទាំងអស់ធ្វើឱ្យមានការចាប់អារម្មណ៍ជាខ្លាំង ដោយសារតែរូបភាពថែមទាំងឆ្លងការកែច្នៃរូបភាពឱ្យល្អទាក់ទាញផងដែរ។តែក្រោយពីបានបង្ហោះរូបភាពនៅលើបណ្តាញសង្គម រូបភាពរបស់លោក Chub Nokkaew ត្រូវបានប៉ូលីសក្នុងតំបន់ចោទថាជាការបំពុលសង្គម ហើយសូម្បីតែព្រះសង្ឃនៅវត្តអារាមចោទថាធ្វើឱ្យប៉ះពាល់ដល់ពុទ្ធសាសនា និងរូបសំណាកជាទីគោរពបូជាទៀតផង។លោក Chub Nokkaew ក៏ចេញមុខបកស្រាយថា នេះគ្រាន់តែជាសិល្បៈនៃការថតរូបរបស់លោកតែប៉ុណ្ណោះ ជាពិសេសការថតរូបនេះជាការជួយផ្សព្វផ្សាយលើកកំពស់សុខភាពសារធារណៈឱ្យប្រជាជនថៃចេះការពារខ្លួនតែប៉ុណ្ណោះ។
បន្ទាប់ពីបានបកស្រាយ និងដោះស្រាយប្រាប់សមត្ថកិច្ច រួមទាំងព្រះសង្ឃដែលគ្រប់គ្រងទីវត្តអារាម លោក Chub Nokkaew ក៏បានប្រកាសលើបណ្តាញសង្គមថា លោកបានរួចខ្លួនពីការចោទប្រកាន់ហើយគ្មានអ្វីគួរឱ្យបារម្ភទៀតឡើយ៕
