សភាសហរដ្ឋអាមេរិក បានបញ្ចេញពង្រាយច្បាប់ថ្មីដែលទាមទារឲ្យមន្ទីរបច្ចកោណ បង្ហាញការពិសោធន៍សង្គ្រាមជីវសាស្ត្រដ៏គ្រោះថ្នាក់បំផុតមួយ។
ពង្រាងច្បាប់នេះ ដែលត្រូវបានអនុម័តឡើងដោយសភាតំណាងរាស្ត្រ ត្រូវការឲ្យក្រុមប្រធានមន្ទីរបច្ចកោណ បង្ហាញថាតើការស្រាវជ្រាវនេះ ធ្វើឲ្យប៉ះពាល់ដល់សត្វល្អិតដូចកាលពីទសវត្សរ៍ឆ្នាំ១៩៧០ ឬក៏អត់។
ការធ្វើវិសោធនកម្មនេះ បានកើតមានឡើង ក្រោយការព្យាករណ៍ថា ការពិសោធន៍ចោទប្រកាន់របស់មន្ទីរបច្ចកោណ បានជួយឲ្យមានការរីករាលដាលនៃជំងឺបាក់តេរី Lyme ចន្លោះឆ្នាំ១៩៥០ និងឆ្នាំ១៩៧០។
ពង្រាងច្បាប់នេះដែរ នឹងបង្ខំឲ្យក្រុមមន្ត្រីពិនិត្យផងដែរថាតើក្រសួងការពារជាតិមានបានពិសោធន៍ជាមួយសត្វចៃ និងសត្វល្អិតដ៏ទៃទៀត ដែលគេប្រើប្រាស់ជាអាវុធជីវសាស្ត្រ ចន្លោះឆ្នាំ១៩៥០ និងឆ្នាំ១៩៧០ដែរ ឬទេ។
លោក Chris Smith គឺជាសមាជិកសភាអាមេរិកមួយរូប បាននិយាយថា “ពួកយើងត្រូវការចម្លើយ ហើយយើងត្រូវការវានៅពេលឥឡូវនេះ”។
ជាងនេះទៅទៀត បើសិនជាការពិសោធន៍ពិតជាបានធ្វើឡើងមែន មន្ទីរបច្ចកោណ ត្រូវតែប្រកាសឲ្យដឹងថាតើ សត្វចៃ ឬសត្វល្អិតដែលប្រើប្រាស់ក្នុងការពិសោធន៍ទាំងនោះ បានរួចមកក្រៅមន្ទីរពិសោធន៍ដោយចៃដន្យ ឬយ៉ាងណា។
សូមបញ្ជាក់ថា បន្ទាប់ពីការចេញផ្សាយរឿង Bitten: The Secret History of Lyme Disease and Biological Weapons គំនិតនៃការសាកល្បងអាវុធជីវសាស្ត្រ បានក្លាយជាចំណាប់អារម្មណ៍យ៉ាងខ្លាំងនៅក្នុងចំណោមសាធារណជន។
ប្រធានសមាគមជំងឺ Lyme លោក Pat Smith បាននិយាយថា “យើងត្រូវការស្វែងរកឲ្យឃើញថាតើ មាននូវអ្វីមួយនៅក្នុងការស្រាវជ្រាវមួយនេះ ដែលបានធ្វើរួច អាចជួយយើងក្នុងការស្វែងរកព័ត៌មានដែលទាក់ទិននឹងសុខភាពអ្នកជំងឺ និងការប្រយុទ្ធប្រឆាំងនឹងការរីករាលនៃជំងឺដែរឬអត់”។
ថ្វីត្បិតតែពង្រាងច្បាប់នេះ ត្រូវបានអនុម័តដោយសភាតំណាងរាស្ត្រយ៉ាងណាក្តី ក៏វាត្រូវការការអនុម័តនៅព្រឹទ្ធសភាផងដែរ មុនពេលដែលលោកប្រធានាធិបតីដូណាល់ ត្រាំ អាចចុះហត្ថលេខាបាន៕
