ក្រមុំចាស់ម្នាក់របស់អង់គ្លេស បានសម្រេចចិត្តរៀបការជាមួយនឹងសត្វឆ្កែសំណព្វចិត្តរបស់នាង អំឡុងពិធីមួយមានការផ្សាយផ្ទាល់នៅលើកញ្ចក់ទូរទស្សន៍អង់គ្លេស។
អំឡុងបទសម្ភាសន៍កាលពីថ្ងៃអង្គារ ក្រមុំចាស់វ័យ៤៩ឆ្នាំម្នាក់នេះ ឈ្មោះ Elizabeth Hoad បាននិយាយប្រាប់ម្ចាស់កម្មវិធី 'This Morning'របស់ទូរទស្សន៍ ITV ថា ក្រោយការណាត់ជួបប្រុសស្នេហ៍២២០លើក និងការភ្ជាប់ពាក្យបរាជ័យ៤លើករួចមក នាងក៏សម្រេចចិត្តបោះបង់ចោលគំនិតស្វែងរកប្តី ហើយចុងបញ្ចប់នាងក៏សម្រេចចិត្តរៀបការជាមួយសត្វឆ្កែ របស់នាង។
នាងបាននិយាយថា “វាបានសង្គ្រោះជីវិតខ្ញុំ ហើយខ្ញុំបានជួយសង្គ្រោះជីវិតរបស់វា”។ នាងគ្មានសស់អ្វីទេ មុនពេលបានវា។
នាងបានបន្តថា វាគឺជាសត្វឆ្កែដ៏សែនចេះមួយក្បាល វាស្រលាញ់នាងណាស់ វាមិនទៅណាចោលនាងនោះទេ បើទោះបីជានាងជួបបញ្ហាអ្វីក៏ដោយ។
ទីបញ្ចប់ពិធីរៀបមង្គលការដ៏អស្ចារ្យមួយបានធ្វើឡើង ដោយគេមើលឃើញ នាង Hoadរៀបការជាមួយកូនកម្លោះឆ្កែ ដែលស្លៀកពាក់ខោអាវកូនកម្លោះ និងមានពាក់មួយ ហើយនិងមានការផ្សាយផ្ទាល់តាមកញ្ចក់ទូរទស្សន៍ទៀតផង។
ថ្វីត្បិតតែពិធីមង្គលការរវាងមនុស្ស និងឆ្កែលើកនេះ បានធ្វើមនុស្សមួយចំនួនគ្រវីក្បាលដូចគោត្រូវស្រាំងទិចយ៉ាងណាក្តី ក៏វាមិនមែនជាលើកដំបូងនោះដែរ ដែលមនុស្សទៅរៀបការជាមួយសត្វឆ្កែបែបនេះ៕