យុវជន ម្នាក់បានស្ពាយកាំភ្លើង ចូល បើកការបាញ់ប្រហារទាំងកម្រោលទៅលើហ្វូងមនុស្សនៅក្នុងហាងលក់ទំនិញ Walmart Store នៅរដ្ឋ តិចសាស សហរដ្ឋអាមេរិក ហេតុការនេះបានកើតឡើងនៅថ្ងៃអាទិត្យ ទី០៤ ខែសីហានេះ គឺមានយុវជនម្នាក់ឈ្មោះpatrick crusius អាយុ២១ឆ្នាំ បានស្ពាយកាំភ្លើង មិនដឹងជាមកពីណាទេ បានមកដល់បាញ់ដំបូងនៅចំណាតឡាននៃម៉ាតEl paso រួចចូលទៅក្នុងបាញ់រះគ្មានញញើតដៃ បណ្តាលអោយមនុស្សចំនួន២០នាក់បានបាត់បង់ជីវិត និង២៦នាក់ផ្សេងទៀតបានរងរបួស ។
យោងតាមប្រភពសារព័ត៌ BBC ខ្មាន់កាំភ្លើងមានឈ្មោះPATRICK CRUSIUS មានដើមកំណើតមកពីជាយក្រុងដាឡាស់។ តាមអេក្រង់កាម៉ារ៉ាត្រួតពិនិត្យសន្តិសុខ ដែលចាក់ផ្សាយតាមទូរទស្សន៍ KTSM គេឃើញជននោះដើរចូលក្នុងផ្សារទំនើប ដោយកាន់កាំភ្លើងមួយដើមហើយត្រចៀករបស់គេពាក់កាស់ទប់សំឡេង។ យោងតាមប៉ូលិសថាមានភ្ញៀវរវាងពី១០០០ទៅ៣០០០នាក់បានលើកគ្នាមកកាន់ផ្សារទំនើបនេះ ពេលកើតមានសោកនាដកម្ម។ សាក្សីម្នាក់និយាយថា ខ្ញុំបានឃើញបុរសម្នាក់ពាក់អាវយឺតពណ៌ខ្មៅកាន់កាំភ្លើងមួយដើម។ គេបានបាញ់សំដៅលើមនុស្សម្នាដោយផ្ទាល់តែម្ដង ហើយឃើញមនុស្សច្រើននាក់ដួលដេកលើដី។
លោក Greg Allen បានបន្ថែមថា ប៉ូលីសបានចាប់ខ្លួនខ្មាន់កាំភ្លើងហើយ និងកំពុងសួរចម្លើយរកមូលហេតុពិត ដែលនាំអោយមានការបាញ់ប្រហារសម្លាប់មនុស្សដែលគ្មានកំហុសបែបនេះ ៕
Home Uncategorized ប៉ូលីស បានកំណត់អត្តសញ្ញាណខ្មាន់កាំភ្លើង ដែលបានបាញ់រះ មនុស្សចំនួន២០នាក់បានស្លាប់បាត់បង់ជីវិត នឹងជាង២០នាក់បានរងរបួសហាងលក់ទំនិញ Walmart Store