អង្គការអវកាស NASAនឹងធ្វើការប្រកាសដ៏សំខាន់របស់ខ្លួនពីបេសកកម្មរបស់ពួកគេ ក្នុងការបញ្ជូនស្ត្រីលើកដំបូងគេ ទៅកាន់ឋានព្រះចន្ទ័។
នៅថ្ងៃសុក្រ ទី១៦ ខែសីហានេះ រដ្ឋបាល Jim Bridenstine នឹងដឹកនាំគណៈគ្រប់គ្រង នៅឯមជ្ឈមណ្ឌល Marshall Space Flight ស្ថិតនៅក្នុងទីក្រុង Huntsville រដ្ឋ Alabama សហរដ្ឋអាមេរិក ដើម្បីពិភាក្សាលើព័ត៌មានចុងក្រោយគេស្តីពីគម្រោង Artemis របស់អង្គការ NASA។
លោកនឹងប្រកាសឲ្យដឹងពីការរីកចម្រើនរបស់រ៉ុក្កែតដែលគេហៅឈ្មោះថា Space Launch System និងកិច្ចខិតខំជាច្រើនទៀត ដែលសំខាន់ចំពោះការបញ្ជូនស្ត្រីលើកដំបូង និងបុរសបន្ទាប់ ទៅកាន់ឋានព្រះច័ន្ទ
ក្នុងរយៈពេល៥ឆ្នាំទៀត។
អង្គការ NASAបានសរសេរថា លោក Bridenstine នឹងពិភាក្សាលើការរួមចំណែករបស់មជ្ឈមណ្ឌល Marshall Space Flight ក្នុងការបញ្ជូនក្រុមអវកាសចរទៅកាន់ឋានព្រះចន្ទ័ និងការចុះចតពួកគេដោយសុវត្ថិភាពនៅលើផ្ទៃព្រះច័ន្ទ។
កាលពីដើមឆ្នាំនេះ លោក Bridenstine បានសន្យាថា នឹងបញ្ជូនស្ត្រីលើកដំបូងគេទៅកាន់ឋានព្រះចន្ទ័ក្នុងរយៈពេល៥ឆ្នាំទៀត ដែលជាផ្នែកមួយនៃកម្មវិធីថ្មីឈ្មោះ Artemis ។ លោកបាននិយាយថា ការមើលឃើញស្ត្រីលើកដំបូងគេជាន់ដីឋានព្រះចន្ទ័ នឹងធ្វើឲ្យចាប់អារម្មណ៍ដល់ក្មេងស្រីជំនាន់ក្រោយ ដើម្បីធ្វើការនៅក្នុងឧស្សាហកម្មអវកាស។
លោក Bridenstine បាននិយាយថា ប្រវត្តិសាស្ត្រនៃការឡើងដល់ឋានព្រះចន្ទ័ បង្ហាញឱកាសតិចតួចប៉ុណ្ណោះ ផ្តល់ជូនសម្រាប់ស្ត្រី ប៉ុន្តែលោកបានរៀបរាប់ថា ការសាបព្រួសក្រុមអវកាសចរបច្ចុប្បន្ន មានច្រើនចម្រុះខ្លាំងណាស់។
រដ្ឋបាលអវកាសចរណ៍ Bridenstine បាននិយាយបែបនេះ ក្រោយប្រធានាធិបតីសហរដ្ឋអាមេរិក លោកដូណាល់ ត្រាំ ប្រកាសឲ្យដឹងពីថវិកា១.៦ពាន់លានដុល្លារបន្ថែមទៀត សម្រាប់ពន្លឿនកម្មវិធីឡើងឋានព្រះចន្ទ័។
សូមបញ្ជាក់ថា ការឡើងឋានព្រះចន្ទ័លើកចុងក្រោយរបស់មនុស្ស បានកើតឡើងនៅឆ្នាំ១៩៧២ ដែលជាផ្នែកមួយនេះបេសកកម្ម Apollo 17 ។ មានតែ៦លើកគត់ ដែលក្រុមអវកាសចរបានដើរលើដីឋានព្រះចន្ទ័ ដែលការឡើងឋានព្រះចន្ទ័ទាំងអស់នោះ ធ្វើឡើងដោយអង្គការ NASA គឺជាផ្នែកមួយនៃកម្មវិធី Apollo របស់ពួកគេ៕
Home ព្រឹត្តិការណ៍ថ្មីៗ ការបញ្ជូនស្ត្រីលើកដំបូងទៅកាន់ឋានព្រះច័ន្ទរបស់អង្គការ NASAស្ថិតនៅក្នុងដំណាក់កាលសំខាន់