លោក Elon Musk ប្រធានប្រតិបត្តិរបស់ទីភ្នាក់ងារអវកាស SpaceX មានជំនឿជាយូរមកហើយថា ការប្រើគ្រាប់បែកនុយក្លេអ៊ែរកម្ទេចភពព្រះអង្គារ នោះនឹងអាចឲ្យមនុស្សរស់នៅបាននៅលើភពដីក្រហមមួយនេះ។
ការលើកឡើងបែបនេះ គឺវាប្រៀបបាននឹងឈុតមួយនៅក្នុងរឿង “Total Recall”កាលពីឆ្នាំ១៩៩០ ប៉ុន្តែការផ្លាស់ប្តូរបរិយាកាសនៅលើភពព្រះអង្គារ ប្រើប្រាស់គ្រាប់បែកនុយក្លេអ៊ែរ កម្ទេចវា គឺជាទស្សនៈមួយដែលបានលើកឡើងអស់រយៈពេលជាច្រើនឆ្នាំមកហើយ។
លោក Elon Musk បាននិយាយថា ការបំផ្ទុះគ្រាប់បែកនុយក្លេអ៊ែរនៅលើភពព្រះអង្គារ នឹងធ្វើឲ្យរលាយផ្ទាំងទឹកកក ធ្វើឲ្យកើនឡើងនូវបរិមាណដ៏ច្រើនលើសលប់នៃសារធាតុកាបូនឌីអុកស៊ីត ចូលទៅក្នុងបរិយាកាស និងបង្កើតបានជាឥទ្ធិពលនៃការកើនឡើងនៃកម្តៅភព។
ដោយសារតែហេតុផលមួយនេះហើយ ទើបបានជាធ្វើឲ្យមានការលើកឡើងពីកត្តាសីតុណ្ហភាព និងសំពាធខ្យល់ ធ្វើឲ្យភពដីក្រហមមួយនេះ អាចឲ្យមនុស្សរស់នៅបាន។
វាគឺជារឿងដែលលោក Elon Musk ធ្លាប់និយាយជាសាធារណៈកាលពីមុនផងដែរ ដែលរួមទាំងអំឡុងកម្មវិធីជជែកកម្សាន្តជាមួយពិធីករ Stephen Colbert កាលពីឆ្នាំ២០១៥ ពេលដែលលោកបានចាត់ទុកភពព្រះអង្គារ ថាជាភពស្រទាប់បរិយាកាសខាងលើ។
លោក Elon Muskបាននិយាយតាម Twitterកាលពីថ្ងៃទី១៦ ខែសីហានេះថា “ប្រើគ្រាប់បែកនុយក្លេអ៊ែរកម្ទេចភពព្រះអង្គារ បន្ទាប់មកមនុស្សនឹងអាចរស់នៅបាន”៕
