ខ្សែអាត់វីដេអូមួយ ឃើញក្មេងស្រីអាយុ៤ឆ្នាំម្នាក់ ត្រូវបានគេជំរុញឲ្យប៉ះពាល់ខ្លួនស្រាតននលគោករបស់បុរសម្នាក់ អំឡុងការសម្តែង ជាហេតុធ្វើឲ្យផ្ទុះកំហឹងយ៉ាងខ្លាំងនៅក្នុងប្រទេសប្រេស៊ីល។
ក្មេងស្រីម្នាក់នេះ បានលូនជុំវិញបុរសស្រាតម្នាក់នោះ នៅក្នុងសារមន្ទីរ Modern Art ស្ថិតនៅក្នុងទីក្រុង Sao Paulo ប្រទេសប្រេស៊ីល ពេលដែលគាត់ដេកផ្ងារ ចោមរោមដោយមនុស្សម្នាជុំវិញខ្លួន កំពុងតែសំឡឹងមើលពួកគេសម្តែង។
ម្តាយរបស់ក្មេងស្រី ជាអ្នកជំរុញឲ្យកូនស្រីរបស់ខ្លួនប៉ះប្រអប់ជើង ជើង និងប្រអប់ដៃរបស់តារាសម្តែង Wagner Schwartz ពេលដែលលោកសម្តែងរឿង‘La Bete’ ។
ទោះបីជាយ៉ាងណាក៏ដោយ ក្រុមដឹកនាំការងារសម្តែងនេះ បាននិយាយថា ការសម្តែងស្រាតរបស់លោក Schwartz គ្មានភាពស្រើបស្រាលនោះទេ ប៉ុន្តែអ្នកនយោបាយស្តាំនិយម បានអំពាវនាវឲ្យចាប់ខ្លួនតារាសម្តែងម្នាក់នេះ។
កាសែត Daily Mail បានរាយការណ៍ថា ពួកគេបានចាត់ទុកការសម្តែងនេះ ថាគួរឲ្យស្អប់ខ្ពើមជាទីបំផុត ហើយវាគឺជាឧក្រិដ្ឋកម្មមួយមកលើកុមារ។
លោក Schwartz បានសម្តែងរឿងដ៏ជម្លោះមួយនេះ នៅទូទាំងប្រទេសប្រេស៊ីល ដែល ពីដំបូងឡើយសម្តែងដោយលោក Lydia Clark កាលពីទសវត្សរ៍ឆ្នាំ១៩៦០។
លោក Schwartz បាននិយាយថា លោកក្លាយជាមនុស្សម្នាក់ក្នុងចំណោមមនុស្សជាច្រើននាក់ទៀត ធ្វើត្រាប់តាមលោក Clark ពេលដែលគាត់សម្តែងរឿង‘La Bete’។
ដោយឡែក អ្នកនាំពាក្យម្នាក់របស់ម្តាយក្មេងស្រី បាននិយាយថា ក្មេងស្រីមិនស្ថិតក្នុងគ្រោះថ្នាក់នោះទេ។ ក្មេងស្រីម្នាក់នេះ នៅជាមួយម្តាយរបស់នាង ដែលជាតារាសម្តែងដូចគ្នា។ កូនស្រីរបស់គាត់ បានសុំចូលមើលការសម្តែងមួយនេះ ។ ក្មេងស្រីចង់ចូលរួម ហើយស្ថិតក្រោមការណែនាំពីម្តាយរបស់នាងទៀត៕
Home ព្រឹត្តិការណ៍ថ្មីៗ ផ្ទុះកំហឹងខ្លាំង ក្រោយក្មេងស្រីអាយុ៤ឆ្នាំម្នាក់ ចូលរួមសម្តែងជាមួយបុរសស្រាតននលគោក