កងទ័ពសហរដ្ឋអាមេរិក កំពុងតែពន្លឿនផែនការផលិតអាវុធឡាស៊ែរដ៏មានអនុភាពខ្លាំងបំផុតមិនធ្លាប់ដែលមានគិតមកទល់នឹងពេលនេះ ដែលអាវុធនេះ អាចមានសតម្ថភាពបាញ់ទម្លាក់មីស៊ីល ICBMរយៈចម្ងាយមធ្យមរបស់កូរ៉េខាងជើងឯណោះ។
អាវុធឡាស៊ែរ IFPC-HEL នឹងក្លាយជាអាវុធថ្មីប្រើថាមពលអគ្គិសនីពី២៥០ ទៅ៣០០គីឡូវ៉ាត់ ពោលគឺមានកម្លាំងខ្លាំងជាងប្រព័ន្ធអាវុធឡាស៊ែកងទ័ពជើងទឹកសហរដ្ឋអាមេរិក ដល់ទៅ១០ដង។ កម្លាំងដ៏ខ្លាំងក្លានេះ វាមានន័យ អាវុធមួយនេះ មានសមត្ថភាពគ្រប់គ្រាន់ក្នុងការបំផ្លាញគោលដៅធំៗដូចជាមីស៊ីលរយៈចម្ងាយមធ្យមជាដើម។
តាមផែនការដែលបានលើកឡើង អាវុធនេះ នឹងប្រើប្រាស់នៅលើវិស័យយោធាសំខាន់ៗទាំង៣របស់អាមេរិក ទាំងនៅកងទ័ពជើងគោក កងទ័ពជើងទឹក និងកងទ័ពជើងអាកាស ហើយវានឹងមានសមត្ថភាពបាញ់បានច្រើនលើកក្នុងកម្រិតខ្ពស់បំផុត ដោយមិនចាំបាច់ស្តុកគ្រាប់ គ្រាប់កាំភ្លើងធំ ឬក៏មីស៊ីល។
ផ្ទុយទៅវិញ អាវុធឡាស៊ែរនេះ ពឹងផ្អែកទាំងស្រុងលើកម្លាំងអគ្គិសនី ហើយដរាបណាវាមានចរន្តអគ្គិសនី វានឹងអាចបាញ់ដោយគ្មានទីបញ្ចប់ ដោយគ្រាន់តែចំណាយលុយ១០ដុល្លារលើថ្លៃប្រេងចាក់ម៉ាស៊ីនភ្លើង រាល់ពេលបាញ់ម្តងតែប៉ុណ្ណោះ។
យោងតាមសេចក្តីរាយការណ៍ពីកាសែត Breaking Defense បានឲ្យដឹងថា នៅដើមឆ្នាំនេះ កងទ័ពអាមេរិក កំពុងពិនិត្យមើលលើការអភិវឌ្ឍន៍អាវុធឡាស៊ែរដើរដោយកម្លាំងចរន្តអគ្គិសនី១០០គីឡូវ៉ាត់។
មកទល់នឹងពេលនេះ កងទ័ពអាមេរិក ចាប់អារម្មណ៍ខ្លាំងលើអាវុធដែលចូលរួមទប់ទល់ជាមួយដ្រូនគូសត្រូវ ហើយអាវុធឡាស៊ែរ IFPC-HELមានសមត្ថភាពគ្រប់គ្រាន់ក្នុងការតទល់ជាមួយសត្រូវទាំងអស់នេះ ហើយសូម្បីតែមីស៊ីលរបស់កូរ៉េខាងជើង៕
Home ព្រឹត្តិការណ៍ថ្មីៗ អាមេរិកផលិតអាវុធឡាស៊ែរដែលអាចបាញ់ទម្លាក់មីស៊ីល ICBMរបស់កូរ៉េខាងជើង