បុរសជនជាតិនេប៉ាល់ Raja Thapa អាយុ១៩ឆ្នាំម្នាក់ បានបង្កើតកំណត់ត្រាកាលពីពេលថ្មីៗនេះ ដោយញាត់ខ្មៅដៃរាប់សិបដើមចូលទៅក្នុងមាត់របស់គាត់។
យុវជនរូបនេះ បានអះអាងថា រូបលោកនឹងមិនសម្រាកនោះទេហូតដល់លោក ត្រូវបានគេទទួលស្គាល់ជាសកលថាជាវិរបុរសតាមផ្លូវរបស់ប្រទេសនេប៉ាល់។
យុវជន Raja Thapa ចូលចិត្តធ្វើអ្វីដែលប្លែក ហើយក៏បានថតវីដេអូរបស់ខ្លួនដាក់នៅក្នុងបណ្តាញសង្គម ហើយបានបញ្ចេញសម្ថភាពពិសេសរបស់ខ្លួន ដោយយុវជនម្នាក់នេះបានស៊កខ្មៅដៃចំនួន ១៣៨ ដើមចូលក្នុងមាត់របស់ខ្លួន ដើម្បីបំបែកកំណត់ត្រាពិភពលោកជាបុរសមានមាត់ចម្លែកជាងគេបំផុតនៅលើពិភពលោក។
យុវជន Raja Thapa បានប្រាប់ថាការថតវីដេអូមួយនេះដោយសារលោកចង់បញ្ចេញសម្ថភាពរបស់ខ្លួនទៅកាន់ពិភពលោកឲ្យបានដឹងថាមាត់របស់ខ្លួនធំជាងគេបង្អស់។
លោកនិយាយថាប្រសិនជាត្រូវបញ្ចប់កំណត់ត្រាពិភពលោក នោះខ្លួននឹងឈរលំដាប់ថ្នាក់លេក១ ជាមិនខានព្រោះថារូបគេអាចស៊កខ្មៅដៃចូលទៅក្នុងមាត់បានរហូតទៅដល់១៣៨ដើម ។
សូមបញ្ជាក់ថា បច្ចុប្បន្ននេះ លោក Dinesh Shivnath គឺជាគ្រូបង្រៀនម្នាក់ រស់នៅក្នុងប្រទេសឥណ្ឌា ដោយលោកអាចស៊កខ្មៅដៃចូលក្នុងមាត់បានត្រឹមតែចំនួន៩២ដើមប៉ុណ្ណោះ ប៉ុន្តែសម្រាប់យុវជន Raja Thapa នេះវិញអាចស៊កខ្មៅដៃបានរហូតដល់ទៅ១៣៨ដើមឯណោះ ហេតុដូច្នេះហើយវាគឺជារឿងមួយដ៏ប្លែកមែនព្រោះថាមិនមានអ្នកណាអាចស៊កខ្មៅដៃចូលក្នុងមាត់របស់ខ្លួនបានរច្រើនដល់ថ្នាក់នេះឡើយ។
ដោយសារតែមានចំណាប់អារម្មណ៍ខ្លាំងពីសារព័ត៌មាន យុវជន Raja Thapa ចង់លាឈប់ពីការងាររបស់លោកជាសន្តិសុខហាង ហើយលោកមានផែនការសម្តែងតាមផ្លូវ ។ លោកមានគោលដៅមួយទៀត គឺចង់បំបែកកំណត់ត្រាពិភពលោក៥បន្ថែមទៀត តាមរយៈមាត់ដ៏ចម្លែករបស់លោកនេះ៕
Home ព្រឹត្តិការណ៍ថ្មីៗ យុវជននេប៉ាល់ជាប់កំណត់ត្រាពិភពលោកជាបុរសមានមាត់ចម្លែកជាងគេបំផុតនៅលើពិភពលោក