សោធននិវត្តន៍វ័យចំណាស់ម្នាក់ ត្រូវបានទ័ពស្វា នាំគ្នាយកដុំឥដ្ឋ និងដុំថ្មដែលពួកវាលាក់ទុកលើដើមឈើ គប់មកលើគាត់រហូតដល់ដាច់ខ្យល់ស្លាប់ ពេលបញ្ជូនដល់មន្ទីរពេទ្យ។
លោកតា Dharampal Singhវ័យ៧២ឆ្នាំ បានដើររើសអុស ពេលដែលទ័ពស្វាទាំងនេះ បានចាប់ផ្តើមចោលដុំថ្មមកលើរូបលោក ដែលករណីនេះបានកើតឡើងនៅក្នុងភូមិមួយកន្លែង ស្ថិតនៅក្នុងទីក្រុង Tikri រដ្ឋ Uttar Pradesh ប្រទេសឥណ្ឌា ។
ប្រភពព័ត៌មានពីគ្រូសាររបស់លោកតារងគ្រោះបានឱ្យដឹងថា លោកតា Dharampal Singh បានជួបទ័ពស្វាទាំងនេះ ខណៈដែលលោកតា កំពុងដើររើសឈើស្ងួតដើម្បីធ្វើអុសដុត ស្រាប់តែទ័ពស្វាមួយហ្វូងបានប្រើដុំថ្ម ដុំឥដ្ឋគប់មកលើលោកតាប្រមាណជាង២០ដុំ ធ្វើឱ្យលោកតារបួសយ៉ាងធ្ងន់ធ្ងរ មុនពេលដែលលោកតា ដាច់ខ្យល់ស្លាប់នៅក្នុងមន្ទីរពេទ្យ ដោយសារតែស្ថានភាពរបួសធ្ងន់ធ្ងរត្រង់ក្បាល និងដើមទ្រូង។
ក្រោយកើតហេតុ គ្រួសារជនរងគ្រោះបានប្ដឹងដល់សមត្ថកិច្ចទាក់ទងនឹងសកម្មភាពរបស់ទ័ពស្វាទាំងនេះ ប៉ុន្តែសមត្ថកិច្ចពុំបានយកចិត្តទុកដាក់ឡើយ ព្រោះតែគិតថានេះជាករណីគ្រោះថ្នាក់ជាយថាហេតុ ម្យ៉ាងគ្មានច្បាប់ឯណា ត្រូវយកសត្វស្វាមកកាត់ទោសឡើយ ។
ជាងនេះទៅទៀត ក្រុមសមត្ថកិច្ចបាននិយាយថា ចំពោះពាក្យបណ្ដឹងរបស់គ្រួសារជនរងគ្រោះចោទប្រកាន់ទៅលើសត្វស្វាជារឿងអស់សំណើចខ្លាំងណាស់ ព្រោះថាវាគឺជាករណីលើកដំបូងហើយដែល មានជនរងគ្រោះប្តឹងផ្តល់ជាមួយសត្វស្វាបែបនេះ ។
ទោះបីជាយ៉ាងណាក៏ដោយ ក្រុមអ្នកស្រុកខាងលើ តែងតែត្អូញត្អែថា ពួកគាត់តែងតែរងនូវការយាយីពីសំណាក់ទ័ពស្វាដ៏អត់មាយាទទាំងនេះ ដូច្នេះហើយពួកគេ សូមធ្វើការអំពាវនាវដល់មន្ត្រីគ្រប់លំដាប់ថ្នាក់ សូមមេត្តាបើកភ្នែកមើលផង និងចាត់វិធានការការពារណាមួយ ដើម្បីទប់ទល់ជាមួយនឹងភាពអាណាធិបតេយ្យរបស់ទ័ពស្វាទាំងអស់នេះ៕កំហឹងទ័ពស្វាបានឆក់យកជីវិតតាចាស់ដ៏កំសត់ម្នាក់នៅឥណ្ឌា
សោធននិវត្តន៍វ័យចំណាស់ម្នាក់ ត្រូវបានទ័ពស្វា នាំគ្នាយកដុំឥដ្ឋ និងដុំថ្មដែលពួកវាលាក់ទុកលើដើមឈើ គប់មកលើគាត់រហូតដល់ដាច់ខ្យល់ស្លាប់ ពេលបញ្ជូនដល់មន្ទីរពេទ្យ។
លោកតា Dharampal Singhវ័យ៧២ឆ្នាំ បានដើររើសអុស ពេលដែលទ័ពស្វាទាំងនេះ បានចាប់ផ្តើមចោលដុំថ្មមកលើរូបលោក ដែលករណីនេះបានកើតឡើងនៅក្នុងភូមិមួយកន្លែង ស្ថិតនៅក្នុងទីក្រុង Tikri រដ្ឋ Uttar Pradesh ប្រទេសឥណ្ឌា ។
ប្រភពព័ត៌មានពីគ្រូសាររបស់លោកតារងគ្រោះបានឱ្យដឹងថា លោកតា Dharampal Singh បានជួបទ័ពស្វាទាំងនេះ ខណៈដែលលោកតា កំពុងដើររើសឈើស្ងួតដើម្បីធ្វើអុសដុត ស្រាប់តែទ័ពស្វាមួយហ្វូងបានប្រើដុំថ្ម ដុំឥដ្ឋគប់មកលើលោកតាប្រមាណជាង២០ដុំ ធ្វើឱ្យលោកតារបួសយ៉ាងធ្ងន់ធ្ងរ មុនពេលដែលលោកតា ដាច់ខ្យល់ស្លាប់នៅក្នុងមន្ទីរពេទ្យ ដោយសារតែស្ថានភាពរបួសធ្ងន់ធ្ងរត្រង់ក្បាល និងដើមទ្រូង។
ក្រោយកើតហេតុ គ្រួសារជនរងគ្រោះបានប្ដឹងដល់សមត្ថកិច្ចទាក់ទងនឹងសកម្មភាពរបស់ទ័ពស្វាទាំងនេះ ប៉ុន្តែសមត្ថកិច្ចពុំបានយកចិត្តទុកដាក់ឡើយ ព្រោះតែគិតថានេះជាករណីគ្រោះថ្នាក់ជាយថាហេតុ ម្យ៉ាងគ្មានច្បាប់ឯណា ត្រូវយកសត្វស្វាមកកាត់ទោសឡើយ ។
ជាងនេះទៅទៀត ក្រុមសមត្ថកិច្ចបាននិយាយថា ចំពោះពាក្យបណ្ដឹងរបស់គ្រួសារជនរងគ្រោះចោទប្រកាន់ទៅលើសត្វស្វាជារឿងអស់សំណើចខ្លាំងណាស់ ព្រោះថាវាគឺជាករណីលើកដំបូងហើយដែល មានជនរងគ្រោះប្តឹងផ្តល់ជាមួយសត្វស្វាបែបនេះ ។
ទោះបីជាយ៉ាងណាក៏ដោយ ក្រុមអ្នកស្រុកខាងលើ តែងតែត្អូញត្អែថា ពួកគាត់តែងតែរងនូវការយាយីពីសំណាក់ទ័ពស្វាដ៏អត់មាយាទទាំងនេះ ដូច្នេះហើយពួកគេ សូមធ្វើការអំពាវនាវដល់មន្ត្រីគ្រប់លំដាប់ថ្នាក់ សូមមេត្តាបើកភ្នែកមើលផង និងចាត់វិធានការការពារណាមួយ ដើម្បីទប់ទល់ជាមួយនឹងភាពអាណាធិបតេយ្យរបស់ទ័ពស្វាទាំងអស់នេះ៕
