នាង VICTORIA Beckham ទំនងជាខូចចិត្តស្អិតទ្រូវមិនតិចទេ ក្រោយពេលដែលស្វាមីរបស់នាង គឺលោក David Beckham បានរៀបការជាមួយតារាម៉ូដែលចិន Angela Baby នៅតាមផ្លូវ ស្ថិតក្នុងទីក្រុងឡុងដ៍ ចក្រភអង់គ្លេសបែបនេះ។
នៅក្នុងរូបភាព និងវីដេអូដែលបានបង្ហោះតាមអនឡាញ ឃើញលោក Beckham វ័យ៤៤ឆ្នាំ ស្លៀកពាក់ឈុតកូនកម្លោះ យ៉ាងស្រស់សង្ហា កាន់ដៃតារាម៉ូដែលចិនវ័យ៣០ឆ្នាំ Angela Baby ។
ចំណែកឯនាង Angela Baby ដែលមានឈ្មោះពិត Angela Yeung Wing គ្រងឈុតកូនក្រមុំពណ៌ស យ៉ាងស្រស់ស្អាត ហើយមានមនុស្សម្នាជាច្រើន បានចោមរោមមើលពួកគេរៀបការនៅជិតរថយន្តក្រុងពណ៌ក្រហម ។
ពិធីរៀបការនេះដែរ អ្នកដែលចូលរួមបានស្លៀកពាក់ចម្រុះពណ៌ ហើយពួកគេនាំគ្នារាំរែកយ៉ាងសប្បាយរីករាយផងដែរ ក៏ដូចជាថតរូបអនុស្សាវរីយ៍ជាមួយក្រុមអ្នកគាំទ្រ។
លោក Davidហាក់ដូចជាស្រស់ស្រាយខ្លាំងណាស់ ពេលបានរៀបការជាមួយនឹង Angela Baby ហើយលោកបានចែករំលែករូបភាព និងវីដេអូទាំងនេះជាមួយនាង Angela Baby នៅលើបណ្តាញសង្គម Instagram។
ទោះបីជាយ៉ាងណាក៏ដោយ អាពាហ៍ពិពាហ៍នេះ គ្រាន់តែជាផ្នែកមួយនៃការថតស្ប៉តពាណិជ្ជកម្ម សម្រាប់ក្រុមហ៊ុនសណ្ឋាគារ Londoner Macao Hotel ប៉ុណ្ណោះ។
សូមបញ្ជាក់ថា ទំនាក់ទំនងស្នេហាររបស់គូស្នេហ៍រវាងនាង VICTORIA និងលោក Beckham បានរងភាពរង្គោះរង្គើរអស់រយៈពេលជាច្រើនឆ្នាំមកហើយ ក្រោយពីជំនួយការផ្ទាល់ខ្លួនរបស់លោក គឺនាង Rebecca Loosបានអះអាងថា នាងធ្លាប់មានទំនាក់ទំនងស្នេហាជាមួយនឹងវិរបុរសបាល់ទាត់ម្នាក់នេះ ចាប់តាំងពីឆ្នាំ២០០៤មកម្ល៉េះ៕
Home សិល្បៈកម្សាន្ត David Beckhamរៀបការជាមួយតារាម៉ូដែលចិន Angelababy ក្រោយបែកធ្លាយទំនងទំនងលើគ្រែជាមួយជំនួយការផ្ទាល់ខ្លួន