លោក Ricardo Caté គឺជាអ្នកស្រុករស់នៅក្នុងតំបន់ Santo Domingo Pueblo ស្រុក Sandoval រដ្ឋ New Mexico សហរដ្ឋអាមេរិក ហើយសព្វថ្ងៃ លោកគឺជាអ្នកធ្វើការងារលើការគូរូបត្លុកដ៏លេចធ្លោបំផុតរបស់អាមេរិក។ គំនូររូបត្លុកដ៏មានប្រជាប្រិយភាពបំផុតរបស់លោក “Without Reservations” ត្រូវបានចុះផ្សាយជារៀងរាល់ថ្ងៃនៅលើទំព័រកាសែត Santa Fe New Mexican និងកាសែត Taos News ហើយលោកតែងតែរិះរកគំនិតនូវរឿងបែបកំប្លុកកំប្លែងដ៏ចាក់ដោត និងបែបចំអកឡកឡើយដែលត្រូវបានគេជួបប្រទះនៅក្នុងចំណោមជនជាតិដើមអាមេរិក។
លោក Caté គឺជាអ្នកគូរូបត្លុកជនជាតិដើមអាមេរិកម្នាក់គត់ ដែលការងាររបស់លោកត្រូវបានយកទៅចុះផ្សាយដោយកាសែតជ្រុលនិយមប្រចាំថ្ងៃ។ ភាគច្រើននៃរឿងកំប្លែងរបស់លោក រួមមានទាំងសៀវភៅរឿង “Without Reservations: The Cartoons of Ricardo Caté” ផងដែរ។
បន្ថែមពីលើការងារជាអ្នកគូរូបត្លុក លោក Caté ក៏ជាសកម្មជន អ្នកកំប្លែង អ្នកនិពន្ធសៀវភៅ គ្រូបង្រៀន ទាហានជើងចាស់ អតីតអត្តពលិកមហាវិទ្យាល័យ មន្ត្រីកុលសម្ព័ន្ធ បាតុករតវ៉ានឹងបំពង់បង្ហូរប្រេង Dakota Access Pipeline ៤លើកនៅតំបន់អភិរក្ស Standing Rock និងជាអ្នកផលិតករខ្សែភាពយន្តម្នាក់ផងដែរ។
អ្នកគាំទ្រជាជនល្បីរបស់លោក Caté រួមមានទាំងលោក Wes Studi, Jackie Chan, Winona LaDuke, Nick Nolte, Denzel Washington និងលោក Dennis Banks ដែលជាសហស្ថាបនិកបង្កើតចលនា American Indian Movement ។
លោក Caté មានកូន៣នាក់ ហើយបច្ចុប្បន្នលោករស់នៅក្នុងតំបន់ Santo Domingo Pueblo ជាកន្លែងដែលោកចូលរួមព្រឹត្តការណ៍វប្បធម៌ និងកម្មវិធីរបាំប្រពៃណី៕
Home ព្រឹត្តិការណ៍ថ្មីៗ ជីវប្រវត្តិរូបសង្ខេបរបស់លោក Ricardo Caté អ្នកគូរូបត្លុកដ៏លេចធ្លោបំផុតរបស់អាមេរិក