នាពេលប៉ុន្មានឆ្នាំនេះ តារាសម្តែងនិង ចម្រៀងមួយចំនួននៅប្រទេសកូរ៉េបានស្លាប់បាត់បង់ជីវិតជាបន្តបន្ទាប់យ៉ាងអាថ៌កំបាំង គេនៅពុំទាន់រកឃើញមូលហេតុពិតយ៉ាងណានៅឡើយនោះទេ ។ ថ្មីៗនេះករណីចាស់រកមូលហេតុពុំទាន់ឃើញផង ស្រាប់ករណីថ្មីបានកើតឡើងលើតារាសម្តែងនិងសមាជិកជាក្រុម SURPRISE U លោក Cha In Ha ត្រូវបានរាយការណ៍បានស្លាប់បាត់បង់ជីវិតទាំងនៅវ័យក្មេងក្នុងវ័យ២៧ឆ្នាំ នេះបើយោងតាមការចុះផ្សាយរបស់គេហទំព័រ dailystar បានចុះផ្សាយនៅរសៀលថ្ងៃទី០៣ ខែធ្នូ ឆ្នាំ២០១៩។ បច្ចុប្បន្នប៉ូលិសកំពុងតែស៊ើបអង្កេតរកមូលហេតុនៃការស្លាប់របស់តារាសម្តែងរូបនេះ ហើយមិនមានព័ត៌មានលំអិត ណាមួយត្រូវបានបង្ហាញឡើយរួមទាំងទីតាំងពេលវេលា។
Fantagio ភ្នាក់ងាររបស់ Cha បានចេញសេចក្តីថ្លែងការ បង្ហាញពីការសោកស្តាយយ៉ាងខ្លាំង ក្រោយទទួលបានព័ត៌មាន ពីការស្លាប់របស់តារាក្នុងផលិតកម្មខ្លួន។ ដោយចាត់ទុកថា វាសឹងតែមិនគួរឲ្យជឿដែល Cha In Ha បានបាត់បង់ជីវិតបែបនេះ។
បច្ចុប្បន្ន ប៉ូលិសកំពុងស៊ើបអង្កេតរកមូលហេតុនៃការស្លាប់ ហើយសម្រាប់ព័ត៌មានលម្អិតបន្ថែមទាក់ទងនឹងពេលវេលា រួមនឹងទីកន្លែង គឺមិនទាន់បានគេបញ្ជាក់ឱ្យច្បាស់លាស់នៅឡើយទេ ។ ជាមួយគ្នានេះដែរ ខាងផលិតកម្ម Fantagio ក៏បានធ្វើការឆ្លើយតបទៅកាន់អ្នកសារព័ត៌មានដែរថា «ពួកយើងកំពុងធ្វើការវិនិច្ឆ័យ ហើយបច្ចុប្បន្នកំពុងពិនិត្យលើរឿងហេតុមួយនេះ » ។
គួរជម្រាបថា តារាចម្រៀង និងសម្ដែង Cha In Ha បានចាប់ផ្ដើមឈានជើងចូលវិថីសិល្បៈជាតារាចម្រៀង ក្រោមផលិតកម្ម Fantagio ក្នុងឆ្នាំ ២០១៧ ។ បច្ចុប្បន្ន លោកក៏មានវត្តមានក្នុងខ្សែភាពយន្តថ្មីរបស់ MBC ដែលមានចំណងជើងថា “Love With Flaws” ៕
