បញ្ហាកកស្ទះចរាចរណ៍ក្នុងរាជធានីភ្នំពេញ ដែលកើតមានឡើងដដែលៗនោះហាក់ដូចជាមិនទាន់មានដំណោះស្រាយដែលមានប្រសិទ្ធភាពនៅឡើយនោះទេ។ ក្រសួងសាធារណការ និងដឹកជញ្ជូន កំពុងសិក្សាអំពីលទ្ធភាពបង្កើតគន្លងផ្លូវសម្រាប់រថយន្តក្រុង ដើម្បីឲ្យការដឹកជញ្ជូនអ្នកដំណើរកាន់តែឆាប់រហ័សជាងសព្វថ្ងៃ។ នេះបើតាមការលើកឡើងរបស់លោករដ្ឋមន្ត្រី ស៊ុន ចាន់ថុល ប្រាប់អ្នកសារព័ត៌មានក្រោយវេទិកាសំណេះសំណាលស្ដីពីចល័តភាពក្នុងទីប្រជុំជនដែលបានរៀប ចំឡើងនៅ សណ្ឋាគារ Raffles Hotel Le Royal នៅថ្ងៃទី៥ខែធ្នូ ។
លោកទេសរដ្ឋមន្ត្រី ស៊ុន ចាន់ថុល បានលើកឡើងថា ដើម្បីជាការចូលរួមកាត់បន្ថយភាពកកស្ទះចរាចរណ៍ក្នុងរាជធារីភ្នំពេញ JICA បានជួយបំពាក់ភ្លើងស្តុបឆ្លាតវៃ ជាច្រើនរួចមកហើយ។ ដោយភ្លើងស្តុបនេះ វាអាចដឹងខ្លួនវាថា បើមានការកកស្ទះខ្លាំងនៅកន្លែងណា វាអាចជួយពន្យារពេលបន្ថែមដោយខ្លួនឯង។
ដើម្បីកាត់បន្ថយការកកស្ទះចរាចរណ៍នេះដែរ សាលារាជធានីភ្នំពេញ ក៏បានបង្កើនរថយន្តក្រុងរហូតដល់ ២៣៥គ្រឿង ដែលមានមនុស្សជិះបាន ១៥,០០០នាក់ក្នុងមួយថ្ងៃ។ មានខ្សែរថយន្តក្រុងរត់ឡើងដល់ ១៣ខ្សែ ដើម្បីជាការផ្តល់ភាពកាន់តែងាយស្រួល ឱ្យប្រជាពលរដ្ឋបានប្រើប្រាស់សេវារថយន្តក្រុងនេះបានកាន់តែច្រើន។
ជុំវិញបញ្ហានេះដែរ លោកឧត្ដមសេនីយ៍ទោចេវ ហាក់ ស្នងការរងនគរបាលរាជធានីភ្នំពេញទទួលផែនចរាចរណ៍ បានឲ្យដឹង ថា កត្តាដែលបណ្ដាលឲ្យមានការកកស្ទះចរាចរណ៍ នៅរាជធានីភ្នំពេញរួមមាន៖ កត្តាកំណើនមនុស្ស និងមធ្យោបាយធ្វើដំណើរ បានកើនឡើងយ៉ាងគំហុក។ កត្តាផ្លូវថ្នល់ ដោយបរិមាណផ្លូវថ្នល់ មិនតុល្យភាពជាមួយកំណើនយានយន្ត។ កត្តាអ្នកប្រើប្រាស់ផ្លូវថ្នល់ ដោយអ្នកបើកបរមួយចំនួន មិនគោរពសញ្ញាចរាចរណ៍ឲ្យបានត្រឹមត្រូវ និងបើកបរទៅតាមទម្លាប់ជាដើម។ ក្នុងនោះក៏មានកត្តាការដ្ឋានជួសជុល និងកែលម្អបន្ថែមនូវប្រព័ន្ធហេដ្ឋារចនាសម្ព័ន្ធផងដែរ។
លោកឧត្ដមសេនីយ៍ទោចេវ ហាក់ ស្នងការរងនគរបាលរាជធានីភ្នំពេញទទួលផែនចរាចរណ៍ បានថ្លែង ថា នគរបាលចរាចរណ៍ជិត១ពាន់នាក់ ត្រូវបានដាក់ពង្រាយតាមបណ្ដាផ្លូវនានាក្នុងរាជធានីភ្នំពេញ ដើម្បីសម្រួលដល់ការកកស្ទះចរាចរណ៍ ហើយប្រសិនបើគ្មាននគរបាលចរាចរណ៍ទេ នោះរាជធានីភ្នំពេញនឹងជួបបញ្ហាកកស្ទះចរាចរណ៍កាន់តែខ្លាំង៕
បញ្ហាកកស្ទះចរាចរណ៍ក្នុងរាជធានីភ្នំពេញ ដែលកើតមានឡើងដដែលៗនោះហាក់ដូចជាមិនទាន់មានដំណោះស្រាយដែលមានប្រសិទ្ធភាពនៅឡើយនោះទេ។ ក្រសួងសាធារណការ និងដឹកជញ្ជូន កំពុងសិក្សាអំពីលទ្ធភាពបង្កើតគន្លងផ្លូវសម្រាប់រថយន្តក្រុង ដើម្បីឲ្យការដឹកជញ្ជូនអ្នកដំណើរកាន់តែឆាប់រហ័សជាងសព្វថ្ងៃ។ នេះបើតាមការលើកឡើងរបស់លោករដ្ឋមន្ត្រី ស៊ុន ចាន់ថុល ប្រាប់អ្នកសារព័ត៌មានក្រោយវេទិកាសំណេះសំណាលស្ដីពីចល័តភាពក្នុងទីប្រជុំជនដែលបានរៀប ចំឡើងនៅ សណ្ឋាគារ Raffles Hotel Le Royal នៅថ្ងៃទី៥ខែធ្នូ ។
លោកទេសរដ្ឋមន្ត្រី ស៊ុន ចាន់ថុល បានលើកឡើងថា ដើម្បីជាការចូលរួមកាត់បន្ថយភាពកកស្ទះចរាចរណ៍ក្នុងរាជធារីភ្នំពេញ JICA បានជួយបំពាក់ភ្លើងស្តុបឆ្លាតវៃ ជាច្រើនរួចមកហើយ។ ដោយភ្លើងស្តុបនេះ វាអាចដឹងខ្លួនវាថា បើមានការកកស្ទះខ្លាំងនៅកន្លែងណា វាអាចជួយពន្យារពេលបន្ថែមដោយខ្លួនឯង។
ដើម្បីកាត់បន្ថយការកកស្ទះចរាចរណ៍នេះដែរ សាលារាជធានីភ្នំពេញ ក៏បានបង្កើនរថយន្តក្រុងរហូតដល់ ២៣៥គ្រឿង ដែលមានមនុស្សជិះបាន ១៥,០០០នាក់ក្នុងមួយថ្ងៃ។ មានខ្សែរថយន្តក្រុងរត់ឡើងដល់ ១៣ខ្សែ ដើម្បីជាការផ្តល់ភាពកាន់តែងាយស្រួល ឱ្យប្រជាពលរដ្ឋបានប្រើប្រាស់សេវារថយន្តក្រុងនេះបានកាន់តែច្រើន។
ជុំវិញបញ្ហានេះដែរ លោកឧត្ដមសេនីយ៍ទោចេវ ហាក់ ស្នងការរងនគរបាលរាជធានីភ្នំពេញទទួលផែនចរាចរណ៍ បានឲ្យដឹង ថា កត្តាដែលបណ្ដាលឲ្យមានការកកស្ទះចរាចរណ៍ នៅរាជធានីភ្នំពេញរួមមាន៖ កត្តាកំណើនមនុស្ស និងមធ្យោបាយធ្វើដំណើរ បានកើនឡើងយ៉ាងគំហុក។ កត្តាផ្លូវថ្នល់ ដោយបរិមាណផ្លូវថ្នល់ មិនតុល្យភាពជាមួយកំណើនយានយន្ត។ កត្តាអ្នកប្រើប្រាស់ផ្លូវថ្នល់ ដោយអ្នកបើកបរមួយចំនួន មិនគោរពសញ្ញាចរាចរណ៍ឲ្យបានត្រឹមត្រូវ និងបើកបរទៅតាមទម្លាប់ជាដើម។ ក្នុងនោះក៏មានកត្តាការដ្ឋានជួសជុល និងកែលម្អបន្ថែមនូវប្រព័ន្ធហេដ្ឋារចនាសម្ព័ន្ធផងដែរ។
លោកឧត្ដមសេនីយ៍ទោចេវ ហាក់ ស្នងការរងនគរបាលរាជធានីភ្នំពេញទទួលផែនចរាចរណ៍ បានថ្លែង ថា នគរបាលចរាចរណ៍ជិត១ពាន់នាក់ ត្រូវបានដាក់ពង្រាយតាមបណ្ដាផ្លូវនានាក្នុងរាជធានីភ្នំពេញ ដើម្បីសម្រួលដល់ការកកស្ទះចរាចរណ៍ ហើយប្រសិនបើគ្មាននគរបាលចរាចរណ៍ទេ នោះរាជធានីភ្នំពេញនឹងជួបបញ្ហាកកស្ទះចរាចរណ៍កាន់តែខ្លាំង៕
