សារព័ត៌មាន News Week បានចេញផ្សាយនៅថ្ងៃទី៤ មករា ២០១៩នេះថា ក្រុមហ៊ុនការពារជាតិឈានមុខមួយរបស់ប្រទេសចិន បានធ្វើការសាកល្បងគ្រាប់បែកដ៏ធំមួយ។ វាត្រូវបានគេនិយាយយ៉ាងទូលំទូលាយថា គឺជាចម្លើយរបស់ប្រទេសនេះ ឆ្លើយទៅនឹងការផលិតអាវុធ Mother of all bomb របស់សហរដ្ឋអាមេរិក។
ក្រុមហ៊ុនចិន Ordnance Industries Group Corporation Corporation Limited ដែលគ្រប់គ្រងដោយរដ្ឋចន ឬគេហៅកាត់ថា Norinco បានចែករំលែកនូវវីដេអូនៃការសាកល្បងកាលពីដើមសប្តាហ៍នេះ ដែលបានទម្លាក់ចេញពីយន្តហោះទម្លាក់គ្រាប់បែក Xian H-6K។ កាសែតរបស់គណបក្សកុម្មុយនីស្តចិន Global Times បាននិយាយថា អាវុធនេះមានទម្ងន់រាប់សិបតោន ហើយត្រូវបានគេចាត់ទុកថា គឺជាគ្រាប់បែកមិនមែននុយក្លេអ៊ែរ ដ៏មានកម្លាំងខ្លាំងមហិមារ។
យោងតាមអ្នកវិភាគយោធាចិន ដែលមានមូលដ្ឋាននៅទីក្រុងប៉េកាំង លោក Wei Dongxu បាននិយាយថា ទំហំគ្រាប់បែកនេះបើប្រៀបធៀបទៅនឹងគ្រាប់បែករបស់ H-6K អាចមានប្រវែងពី ៥ទៅ ៦ ម៉ែត្រ ឬ។ លោក Wei បាននិយាយថា កម្លាំងផ្ទុះរបស់វា អាចកម្ទេចទៅលើទីតាំងនៅលើដីដូចជាអាចកម្ទេចរបាំងអាគារការពារ ឬខែលការពារផ្សេងៗ។ លោកបានធ្វើការកត់សម្គាល់ថា គ្រាប់បែកនេះអាចបោសសម្អាតឧបសគ្គ និងអាចបង្កើតបានជាបន្ទប់សម្រាប់ធ្វើជាតំបន់ចុះចតយន្តហោះចម្បាំងបាន។
សហរដ្ឋអាមេរិកបានអភិវឌ្ឍន៍គ្រាប់បែកដែលមានកម្លាំងផ្ទុះដ៏ខ្លាំងប្រភេទ GBU-43/B ឬគេស្គាល់ថា ម្តាយគ្រាប់បែក Mother of all Bombs បន្ទាប់ពីប្រទេសនេះបានចូលឈ្លានពានប្រទេសអ៊ីរ៉ាក់នៅឆ្នាំ ២០០៣ ប៉ុន្តែមិនបានប្រើប្រាស់អាវុធនេះរហូតដល់ឆ្នាំ ២០១៧ នៅពេលដែលយន្តហោះក្រុមហ៊ុន ឡុកឃីតម៉ាធីន MC-130 Hercules បានទម្លាក់គ្រាប់បែកទម្ងន់ ១១តោនទៅលើរូងក្រោមដីរបស់ក្រុមភេរវករអាយស៊ីស នៅភាគខាងត្បូងនៃខេត្តណាហ្កាហា។
ការវាយប្រហារនោះត្រូវបានគេនិយាយថា បានទទួលជោគជ័យ ប៉ុន្តែក្រោយមករដ្ឋមន្ត្រីការពារជាតិអាមេរិកលោក ជីម ម៉ាទីសបានបដិសេធអំពីតួលេខអ្នកស្លាប់ ប៉ុន្តែក្រុមមន្ត្រីអាហ្កានីសា្ថនបាននិយាយថា ក្រុមអាយស៊ីសចន្លោះពី ៣៦ ដល់ ៩២នាក់បានស្លាប់។
មានពាក្យចរចាមអារាមមកថា រុស្ស៊ីក៏បានប្រើអាវុធដូចគ្នាទៅនឹងអាវុធម្តាយគ្រាប់បែក ដើម្បីកម្ចាត់ក្រុមអាយស៊ីសផងដែរ៕
ក្រុមហ៊ុនចិន Ordnance Industries Group Corporation Corporation Limited ដែលគ្រប់គ្រងដោយរដ្ឋចន ឬគេហៅកាត់ថា Norinco បានចែករំលែកនូវវីដេអូនៃការសាកល្បងកាលពីដើមសប្តាហ៍នេះ ដែលបានទម្លាក់ចេញពីយន្តហោះទម្លាក់គ្រាប់បែក Xian H-6K។ កាសែតរបស់គណបក្សកុម្មុយនីស្តចិន Global Times បាននិយាយថា អាវុធនេះមានទម្ងន់រាប់សិបតោន ហើយត្រូវបានគេចាត់ទុកថា គឺជាគ្រាប់បែកមិនមែននុយក្លេអ៊ែរ ដ៏មានកម្លាំងខ្លាំងមហិមារ។
យោងតាមអ្នកវិភាគយោធាចិន ដែលមានមូលដ្ឋាននៅទីក្រុងប៉េកាំង លោក Wei Dongxu បាននិយាយថា ទំហំគ្រាប់បែកនេះបើប្រៀបធៀបទៅនឹងគ្រាប់បែករបស់ H-6K អាចមានប្រវែងពី ៥ទៅ ៦ ម៉ែត្រ ឬ។ លោក Wei បាននិយាយថា កម្លាំងផ្ទុះរបស់វា អាចកម្ទេចទៅលើទីតាំងនៅលើដីដូចជាអាចកម្ទេចរបាំងអាគារការពារ ឬខែលការពារផ្សេងៗ។ លោកបានធ្វើការកត់សម្គាល់ថា គ្រាប់បែកនេះអាចបោសសម្អាតឧបសគ្គ និងអាចបង្កើតបានជាបន្ទប់សម្រាប់ធ្វើជាតំបន់ចុះចតយន្តហោះចម្បាំងបាន។
សហរដ្ឋអាមេរិកបានអភិវឌ្ឍន៍គ្រាប់បែកដែលមានកម្លាំងផ្ទុះដ៏ខ្លាំងប្រភេទ GBU-43/B ឬគេស្គាល់ថា ម្តាយគ្រាប់បែក Mother of all Bombs បន្ទាប់ពីប្រទេសនេះបានចូលឈ្លានពានប្រទេសអ៊ីរ៉ាក់នៅឆ្នាំ ២០០៣ ប៉ុន្តែមិនបានប្រើប្រាស់អាវុធនេះរហូតដល់ឆ្នាំ ២០១៧ នៅពេលដែលយន្តហោះក្រុមហ៊ុន ឡុកឃីតម៉ាធីន MC-130 Hercules បានទម្លាក់គ្រាប់បែកទម្ងន់ ១១តោនទៅលើរូងក្រោមដីរបស់ក្រុមភេរវករអាយស៊ីស នៅភាគខាងត្បូងនៃខេត្តណាហ្កាហា។
ការវាយប្រហារនោះត្រូវបានគេនិយាយថា បានទទួលជោគជ័យ ប៉ុន្តែក្រោយមករដ្ឋមន្ត្រីការពារជាតិអាមេរិកលោក ជីម ម៉ាទីសបានបដិសេធអំពីតួលេខអ្នកស្លាប់ ប៉ុន្តែក្រុមមន្ត្រីអាហ្កានីសា្ថនបាននិយាយថា ក្រុមអាយស៊ីសចន្លោះពី ៣៦ ដល់ ៩២នាក់បានស្លាប់។
មានពាក្យចរចាមអារាមមកថា រុស្ស៊ីក៏បានប្រើអាវុធដូចគ្នាទៅនឹងអាវុធម្តាយគ្រាប់បែក ដើម្បីកម្ចាត់ក្រុមអាយស៊ីសផងដែរ៕
