ក្រោយពីប្លន់ធនាគារបានប្រាក់ប្រមាណ២០លានដុល្លារពួកអាចោរខ្លាឃ្លានអត់ញញើតប៉ូលីសក៏ស្ពាយបាវលុយរត់គេចជាបន្ទាន់ប៉ុន្តែដោយសភាពការណ៍ប្រថុចញ៉ុចពេកត្រូវតែដោះខ្លួនឲ្យរួចមួយគ្រាសិនទើបពួកចោរបោះបាវលុយធំមហាសាលនោះទៅក្នុងធុងសំរាម។ប៉ុន្តែពិតជារឿងគួរឲ្យាំភ្ញាក់ផ្អើលខ្លាំងណាស់ដ្បិតអីបាវលុយទាំងនោះត្រូវបានក្មេងប្រុសច្រម៉ក់ម្នាក់អាយុ៧ឆ្នាំប្រទះឃើញហើយប្រាប់ឪពុកក៏មានចិត្តទៀងត្រង់ដូចគ្នា ប្រគល់ទៅឲ្យប៉ូលេស។
កុមារាម្នាក់អាយុ ៧ ឆ្នាំ រស់នៅរដ្ឋ South Sarolina អាមេរិក ត្រូវបានទទួលនូវពានរង្វាន់បរិសុទ្ធស្មោះត្រង់ ព្រោះបានប្រគល់ប្រាក់ដល់សមត្ថកិច្ចនូវកាបូបមួយដែលមានផ្ទុកប្រាក់សុទ្ធ ២០ លានដុល្លារ ។ហេតុការណ៍នេះបានកើតឡើង គ្រាកុមារារូបនេះត្រូវបានឪពុកនាំទៅរកទិញប្រដាប់ក្មេងលេង ។ នៅពេលដែលលោក Steele ដែលជាឪពុកកំពុងចូលស្ថានីយ៍ចាក់សាំង រួចសប់កង់ឡាន ហើយកុមារាអាយុ ៧ ឆ្នាំ រូបនេះ ដើរយកសំរាមទៅចោល ក៏បានសម្លឹងឃើញដោយចៃដន្យនូវកាបូបមួយ ហើយមើលខាងក្នុងឃើញសុទ្ធតែក្រដាសប្រាក់ ។គ្រាឃើញភ្លាម លោក Steele ពុំជឿលើភ្នែករបស់ខ្លួន ហើយក៏ចូលទៅក្នុងស្ថានីយ៍លក់សាំង ដើម្បីសួរថាវាជាលុយពិតមែនដែរ ឬទេ ។ក្រោយពេលដឹងថា រឿងពិត ភ្លាមៗនោះ លោក Steel បានទូរស័ព្ទហៅប៉ូលីស ។ លោកឲ្យដឹងថា ការរកឃើញ ហើយប្រគល់ត្រឡប់វិញនូវទឹកប្រាក់ ២០ លានដុល្លារ ជាមេរៀនដ៏ថ្លៃថ្លាមួយសំរាប់កូនប្រុសរបស់លោក ។
លោកពោលថាៈ «នេះជាមេរៀនសីលធម៌ប្រាប់ឲ្យវាដឹងថា ធ្វើអ្វីដែលត្រូវ ហើយក៏ជាទង្វើរមួយគត់ដែលស្របសីលធម៌មនុស្ស» ។ លោកប្រាប់ទៀតថា កូនរបស់លោកវាមានអារម្មណ៍មោទនៈភាពចំពោះទង្វើនេះ ។កុមារាវ័យ ៧ ឆ្នាំ រូបនេះ បានប្រាប់ឆាណែលទូរទស្សន៍ WBMF ថា រូបគេពុំមាននឹកដល់បំណងរក្សាទុកលុយនេះទេ ។ប៉ូលីសអាមេរិកកំពុងរុករក Brian Humphries Jr ៣៥ ឆ្នាំ -ជនដែលត្រូវចោទប្រកាន់ថា បានប្រព្រឹត្តអំពើប្លន់២លើក នៅធនាគារកាលពីថ្ងៃទី២៣ និង ២៨ ខែមករា កន្លមក ៕
Home សង្គមប្លែកៗ គួរឲ្យសរសើរណាស់ដុះពន្លកចិត្តទៀងត្រង់តាំងពីវ័យនៅច្រម៉ក់…ឃើញប្រាក់២០លានដុល្លារ..គ្មានចិត្តចង់បាន