....នៅក្នុងព្រះបដិមាករបានផ្ទុកនូវគម្ពីរជាច្រើនធ្វើឲ្យក្រុមបូរាណវិទូរដេកមិនលក់បក់មិនល្ហើយសោះ ព្រះតែចង់ដឹងថា តើបានកត់ត្រាអ្វីខ្លះនៅក្នុងគម្ពីរទាំងនោះ..ប៉ុន្តែពួកបូរាណវិទូទាំងនោះបានត្រឹមតែងឿងឆ្ងល់ប៉ុណ្ណោះ ពីព្រោះមិនហ៊ានពុះបំបែកយកគម្ពីរនោះចេញ។ព្រះបដិមាករ ព្រះពោធិសត្វម៉ានូជីរីប៊ូដា (Manjushri Bodhisattva) បានតំកល់ទុកនៅក្នុងអារាម Hokkeji នាទីក្រុង Nara ប្រទេសជប៉ុនដែលជាអារាមបុរាណសាងសង់នៅសតវត្សរ៍៨គ្រាដែលព្រះពុទ្ធសាសនាស្ថិតក្នុងសម័យកាលរុងរឿងបំផុត។
ក្រុមអ្នកបូរាណវិទូនៃសកលវិទ្យាល័យជាតិ Nara បានធ្វើការត្រួតពិនិត្យព្រះបដិមាករនេះ ដោយម៉ាស៊ីនស្កែន CT។ លទ្ធផលបង្ហាញថា ខាងក្នុងមានលំហមួយដែលមានផ្ទុកវត្ថុចំនួន ១៨០ ។រូបភាពស្កែន CT បង្ហាញឲ្យឃើញថា មានបុរាណវត្ថុ តែភាគច្រើនគឺជាគម្ពីរ។ ពួកគេជឿថា វត្ថុទាំងនេះពុំមានការប៉ះពាល់អ្វីឡើយហើយបានស្ថិតក្នុងនោះជាង៧០០ឆ្នាំមកហើយ។របកគំហើញនេះ ពិតជាមានអត្ថន័យដ៏ធំធេងលើវិស័យប្រវត្តិសាស្ត្រ បុរាណសាស្ត្រ និងអបិយជំនឿ។
បញ្ហាចោទឡើងពេលនេះ គឺតើត្រូវធ្វើបែបណា ដើម្បីអាចដឹងបានពីឯកសារក្នុងនោះ ព្រោះពួកគេរារែកចិត្ត មិនហ៊ានកាត់បំបែក។ព្រោះជាបុរាណវត្ថុដែលមានវ័យយ៉ាងចំណាស់ ហើយប្រសិនហ៊ានធ្វើផ្តេសផ្តាសនោះ អ្នកគោរពបូជាទាំងឡាយ តើគេយល់ព្រមដែរឬទេ?៕
