សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានប្រកាសឲ្យដឹងថា ការវះកាត់ដូរក្រលៀន និងសរីរាង្គមួយចំនួនរបស់មនុស្ស អាចធ្វើបានដោយសុវត្ថិភាព នៅមន្ទីរពេទ្យយោធា ឬហៅថា មន្ទីរពេទ្យព្រះកេតុមាលា នៅរាជធានីភ្នំពេញ ដោយមិនចាំបាច់ចំណាយថវិកាច្រើន ចេញទៅព្យាបាលនៅពេទ្យក្រៅប្រទេសឡើយ។ ថ្លែងបែបនេះ នៅថ្ងៃទី១៦ ខែធ្នូ ឆ្នាំ២០១៩ នៅក្នុងពិធីប្រគល់សញ្ញាបត្រ បានធ្វើឡើងមជ្ឈមណ្ឌលសន្និបាត និងពិព័រណ៍កោះពេជ្រ ។
ការដូរក្រលៀន ឬសរីរាង្គក្នុងមួយចំនួននៅពេលនេះ គឺអាចធ្វើបានប្រកបដោយសុវត្ថិភាព នៅមន្ទីរពេទ្យព្រះកេតុមាលា (ពេទ្យទាហាន)។ សម្តេច បានលើកទឹកចិត្តឲ្យបងប្អូនដែលកំពុងជួបបញ្ហាដូរក្រលៀនកុំអស់សង្ឃឹមឲ្យសោះ ទោះបីគ្មានប្រាក់ គឺឲ្យតែមានសាច់ញាតិបងប្អូនកូនចៅ ឬគ្រួសារអ្នកជំងឺមានក្រលៀនប្រភេទដូចគ្នាគឺអាចមកពិភាក្សា ព្យាបាលនិងដោះដូរនៅមន្ទីរពេទ្យនេះបានដែលមានគុណភាពល្អដូចមន្ទីរពេទ្យនៅក្រៅប្រទេសផងដែរ។ ទន្ទឹមនឹងនេះដែរ សម្តេច បានហាមឃាត់ដាច់ខាតចំពោះអំពើជួញដូរក្រលៀន និងគ្រឿងក្នុងមនុស្សដោយខុសច្បាប់ដែលនឹងត្រូវផ្តន្ទារទោសយ៉ាងធ្ងន់ធ្ងរមិនលើកលែងឡើយ។
បន្ថែមពីនោះទៀត សម្តេចតេជោ ហ៊ុន សែន បានជំរុញដល់ការអភិវឌ្ឍវិស័យសុខាភិបាល ឲ្យកាន់តែមានគុណភាព ប្រសិទ្ធភាពខ្ពស់ ជាមួយបច្ចេកវិទ្យាទំនើបថ្មីៗ ដើម្បីឲ្យសក្តិសមជាកន្លែងព្យាបាលរបស់ជាតិ ក្នុងការបម្រើសេវាសុខភាពជូន ដល់បងប្អូនប្រជាពលរដ្ឋខ្មែរ៕មន្ទីរពេទ្យព្រះកេតុមាលា ការវះកាត់ដូរក្រលៀន និងសរីរាង្គមួយចំនួនរបស់មនុស្ស អាចធ្វើបានដោយសុវត្ថិភាព
សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានប្រកាសឲ្យដឹងថា ការវះកាត់ដូរក្រលៀន និងសរីរាង្គមួយចំនួនរបស់មនុស្ស អាចធ្វើបានដោយសុវត្ថិភាព នៅមន្ទីរពេទ្យយោធា ឬហៅថា មន្ទីរពេទ្យព្រះកេតុមាលា នៅរាជធានីភ្នំពេញ ដោយមិនចាំបាច់ចំណាយថវិកាច្រើន ចេញទៅព្យាបាលនៅពេទ្យក្រៅប្រទេសឡើយ។ ថ្លែងបែបនេះ នៅថ្ងៃទី១៦ ខែធ្នូ ឆ្នាំ២០១៩ នៅក្នុងពិធីប្រគល់សញ្ញាបត្រ បានធ្វើឡើងមជ្ឈមណ្ឌលសន្និបាត និងពិព័រណ៍កោះពេជ្រ ។
ការដូរក្រលៀន ឬសរីរាង្គក្នុងមួយចំនួននៅពេលនេះ គឺអាចធ្វើបានប្រកបដោយសុវត្ថិភាព នៅមន្ទីរពេទ្យព្រះកេតុមាលា (ពេទ្យទាហាន)។ សម្តេច បានលើកទឹកចិត្តឲ្យបងប្អូនដែលកំពុងជួបបញ្ហាដូរក្រលៀនកុំអស់សង្ឃឹមឲ្យសោះ ទោះបីគ្មានប្រាក់ គឺឲ្យតែមានសាច់ញាតិបងប្អូនកូនចៅ ឬគ្រួសារអ្នកជំងឺមានក្រលៀនប្រភេទដូចគ្នាគឺអាចមកពិភាក្សា ព្យាបាលនិងដោះដូរនៅមន្ទីរពេទ្យនេះបានដែលមានគុណភាពល្អដូចមន្ទីរពេទ្យនៅក្រៅប្រទេសផងដែរ។ ទន្ទឹមនឹងនេះដែរ សម្តេច បានហាមឃាត់ដាច់ខាតចំពោះអំពើជួញដូរក្រលៀន និងគ្រឿងក្នុងមនុស្សដោយខុសច្បាប់ដែលនឹងត្រូវផ្តន្ទារទោសយ៉ាងធ្ងន់ធ្ងរមិនលើកលែងឡើយ។
បន្ថែមពីនោះទៀត សម្តេចតេជោ ហ៊ុន សែន បានជំរុញដល់ការអភិវឌ្ឍវិស័យសុខាភិបាល ឲ្យកាន់តែមានគុណភាព ប្រសិទ្ធភាពខ្ពស់ ជាមួយបច្ចេកវិទ្យាទំនើបថ្មីៗ ដើម្បីឲ្យសក្តិសមជាកន្លែងព្យាបាលរបស់ជាតិ ក្នុងការបម្រើសេវាសុខភាពជូន ដល់បងប្អូនប្រជាពលរដ្ឋខ្មែរ៕
