[wai id="8"]
[wai id="7"]
គួររកស៊ីមុនរៀបការ ឬរៀបការរួចចាំរកស៊ី បានក្លាយជាសំណួរក្នុងផ្នត់គំនិតរបស់មនុស្សភាគច្រើន។ អ្នកខ្លះតែងគិតថា គួររកស៊ីមុនរៀបការទើបល្អ ចំណែកអ្នកខ្លះគិតថារៀបការចាំរៀបការទើបល្អ ដោយផ្អែកលើការយល់ឃើញរៀងៗខ្លួន។ ចុះចំណែកអ្នកមានបទពិសោធន៍ជាក់ស្ដែងវិញ តើរកស៊ីមុនរៀបការ ឬក្រោយរៀបការ?
ពាណិជ្ជកម្ម
បើនិយាយអំពីជីវិតគូជាមួយនឹងការតស៊ូ ប្រឹងប្រែងរកស៊ីវិញ ក៏មានគូស្នេហ៍ខ្លះចាប់ដៃគ្នាតាំងពីមិនទាន់រៀបការ រហូតបានជោគជ័យនៅពេលដែលពួកគេរៀបការរួចក៏មានរបររកស៊ីដ៏នឹងនរមួយ ។ ប៉ុន្តែក្នុងនោះក៏អាចមានហានិភ័យមួយប្រសិនបើអ្នកទាំងពីរមានបញ្ហាបែកបាក់ ឬបញ្ហារកាំរកូសណាមួយនោះ វាក៏អាចបាត់បង់ទាំងស្នេហា ឯការរកស៊ីក៏អាចមានបញ្ហា ។
លោកបណ្ឌិត គីម ហ៊ាង ជាម្ចាស់ក្រុមហ៊ុន Khmer Real Estate បានចែករំលែកបទពិសោធន៍ផ្ទាល់ខ្លួនថា លោកបានចាប់ ផ្ដើមប្រថុយរកស៊ីតាំងពីនៅកំលោះ នៅខ្លួនមួយ ក្នុងវ័យប្រហែល ២៥ទៅ ២៦ឆ្នាំ ។ លោកផ្ដល់យោបល់ទៅយុវជនថា ប្រសិនបើមានគំនិតរកស៊ីកុំរង់ចាំដល់ពេលមានប្រពន្ធ រៀបការហើយ គួរតែសាកល្បងប្រថុយនៅពេលដែលខ្លួននៅ កំលោះជារឿងល្អបំផុត ព្រោះហេតុផលដ៏សំខាន់មួយនោះ គឺថាប្រសិនបើបរាជ័យលើមុខជំនួញ គឺមានតែខ្លួនមួយ មិនទាន់មានបន្ទុកដើម្បីទទួលខុសត្រូវ ។
លោកបន្តទៀតថា ប្រសិនបើរៀបការហើយទើបចាប់ផ្ដើមរកស៊ី ករណីមុខជំនួញមានបញ្ហា ក្ស័យធន បរាជ័យ តើប្រពន្ធកូន បានអ្វីហូបចុក បានលុយពីណាចាយ? ដូច្នេះហើយពេលនៅកំលោះនេះ ជាពេលដ៏ល្អក្នុងការចាប់ផ្ដើមរកស៊ីទោះ មានបញ្ហាអីចង់ដេកតាមរបងវត្តក៏បាន ព្រោះមានតែខ្លួនមួយ មិននាំអ្នកណាមកលំបាកជាមួយយើង។
សហគ្រិនកំពុងជោគជ័យក្នុងអាជីវកម្មរូបនេះ បញ្ជាក់ទៀតថា ពេលដែលមានគ្រួសារមុនធ្វើមួយគឺត្រូវប្រយ័ត្នណាស់ មិនមែនអាជីវកម្មដួលហើយនាំគ្រួសារទៅស្នាក់នៅក្នុងវត្តនោះទេ។ លោកប្រាប់ថា បុគ្គលដែលជោគជ័យក្នុងអាជីវកម្មគឺ បុគ្គលដែលហ៊ានដូចនេះជារួមគួររកស៊ីពេលនៅលីវកុំចាំដល់មានគ្រួសារ៕
[wai id="5"]
