....រាល់លើក ក្រោយពេលចប់ការងារ...ហើយវិលត្រឡប់មកផ្ទះវិញបុរសជនជាតិអាមេរិកTobiasបានធ្វើដំណើរលើផ្លូវដែលមានចរាចរណ៍ទៅមកប៉ុន្តែនៅក្នុងថ្ងៃមួយក្រោយចប់ការងារស្រាប់តែគាត់មានចិត្តរសេះរសោះចង់វិលត្រឡប់មកដល់ផ្ទះឆាប់ៗក៏ធ្វើដំណើរលើផ្លូវកាត់ក្នុងព្រៃតែម្នាក់ឯងយ៉ាងស្ងាត់ជ្រងំគឺប្រៀបបានជាសំណាងបង្ហាញផ្លូវមែនបុរសនេះប្រទះកំណប់ធ្លាក់ពីពិភពផ្កាយ។នៅតាមផ្លូវឆ្លងកាត់ទីវាលរហោស្ថានលោកTobiasពិតជាមានការបារម្ហហើយខំប្រឹងធ្វើដំណើរយ៉ាងប្រញាប់ ចៃដន្យគ្រវាសភ្នែកឃើញវត្ថុបញ្ចេញពន្លឺមួយនៅក្បែរផ្លូវ។
Tobiasងឿងឆ្ងល់ក៏ខិតបន្តិចម្តងៗចូលទៅកៀកហើយក៏ឃើញថានោះជាដុំថ្មមួយធំបញ្ចេញពន្លឺពណ៌លឿងពេលដែលរស្មីព្រះអាទិត្យបញ្ចាងចំ។ពេលសង្កេតមើលម៉ត់ចត់ទៅវាមានរន្ធជាច្រើនដូចជាសំបុកឃ្មុំអង្រួនសាកមើលពុំនឹកស្មានថាវាស្រាលសោះ។លោកកាន់តែឆ្ងល់ហើយពិតជាចង់ដឹងថាតើវាជាថ្មអ្វីក៏ប្រញាប់យកវាមកផ្ទះ។បន្ទាប់មកលោកក៏ស្វះស្វែងរកអ្នកជំនាញការដើម្បីពិនិត្យថ្មចម្លែកនេះ។ពួកអ្នកជំនាញការក្រោយពេលឃើញវាក៏និយាយលែងចេញតែម្តង។វាគឺជាដុំអាចម៍ផ្កាយមកពីភពដទៃគេបានដាក់ឈ្មោះថាFukangរួចក្រោយមកក៏ត្រូវបានកាត់ចេញជាច្រើនផ្នែកដើម្បីលក់ដេញថ្លៃ។គេក៏រកឃើញថាFukangដែលចាំងពន្លឺពណ៌លឿងបែបនេះព្រោះវាមានធាតុរ៉ែម្យ៉ាងហៅថាolivineហើយក្នុងរចនាសម្ព័ន្ធនៃដុំថ្មមានលាយជាមួយនឹងសារធាតុចម្លែកnickel។អាស្រ័យហេតុនេះវាត្រូវបានវាយតម្លៃថាជាដុំអាចម៍ផ្កាយស្អាតបំផុតដែលមនុស្សធ្លាប់ឃើញ។ចំណែកមួយផ្នែកនៃដុំអាចម៍ផ្កាយFukangត្រូវបានលក់ដេញថ្លៃក្នុងតម្លៃចាប់ផ្តើម២លានដុល្លារនៅញូវយ៉កសហរដ្ឋអាមេរិក។
លទ្ធផលចុងក្រោយគេលក់បានតម្លៃដល់ទៅទ្វេដងឯណោះ។ក្រុមអ្នកជំនាញការជឿថាFukangមានប្រភពដើមចេញពីផ្នែកខាងក្នុងនៃដុំអាចផ្កាយហើយវាត្រូវបានកកើតឡើងប្រមាណ៤,៥០០០លានឆ្នាំឆ្នាំមុន។នេះពិតជាសំណាងមើលពុំឃើញមែន៕
