ហ្សែនមនុស្សអាយុកាល៥.៧០០ឆ្នាំ ត្រូវបានយកចេញពីស្កកៅស៊ូបុរាណ។ ក្រុមអ្នកវិទ្យាសាស្ត្រ បានរកឃើញថា មនុស្សដែលបានទំពារស្កកៅស៊ូនេះ គឺជាក្មេងស្រីវ័យក្មេងម្នាក់ រស់នៅក្នុងប្រទេសដាណឺម៉ា ដែលមានស្បែកសម្បុរខ្មៅ និងភ្នែកពណ៌ខៀវ។វាមានន័យថា វិធីដែលក្រុមអ្នកវិទ្យាសាស្ត្រ ទទួលបាន DNAពីបុព្វបុរសរបស់ពួកយើង គឺមានលក្ខណៈទូលំទូលាយជាងអ្វីដែលយើងបានគិតកាលពីមុនទៅទៀត។
ស្កកៅស៊ូនេះ គ្រាន់តែជាចំណែកមួយនៃកៅស៊ូជ័រឈើប៉ុណ្ណោះ។ ស្កកៅស៊ូនេះ ធ្វើឡើងដោយការកម្តៅសំបកឈើមានជ័រ ហើយត្រូវបានប្រើប្រាស់ដោយបុព្វបុរសរបស់ពួកយើង ចាប់តាំងពីចន្លោះកាលពីរយៈពេល៧៦០.០០០ឆ្នាំ និង១២៦.០០០ឆ្នាំមុនម្ល៉េះ។ ប៉ុន្តែដុំតូចៗនៃស្កកៅស៊ូបែបនេះ ត្រូវបានរកឃើញផងដែរនៅលើទីតាំងតំបន់បុរាណវត្ថុវិទ្យា ដែលមានជាប់ស្នាមធ្មេញថែមទៀតផង។របកគំហើញនេះដែរ បង្ហាញថា ជ័រកៅស៊ូឈើ ត្រូវបានទំពារដោយបុព្វបុរសរបស់ពួកយើង។ក្រុមអ្នកជំនាញនៅឯសាកលវិទ្យាល័យ Copenhagen ប្រទេសដាណឺម៉ាក អាចរៀបចំតាមលំដាប់នូវ DNAដែលទទួលបានពីគំរូកៅស៊ូជ័រឈើ។ ចាប់ពីពេលនេះតទៅ ពួកគេអាចកំណត់បានថា អ្នកដែលបានទំពារស្កកៅស៊ី គឺជានារី។ដោយផ្អែកលើបម្រៃបម្រួលហ្សែន ពួកគេអាចស្រាយចម្ងល់ផងដែរថា ក្មេងស្រីម្នាក់នោះ មានសក់ខ្មៅ ស្បែកខ្មៅ និងភ្នែកខៀវ។DNAមួយនេះ នឹងផ្តល់ឲ្យពួកយើងនូវកែវបំភ្លឺមួយចំពោះអតីតកាល ហើយនិងអាចបញ្ជាក់ថា នាងមានដើមកំណើតពីអឺរ៉ុប ជាជាងនៅដាណឺម៉ាក់។
ក្រុមអ្នកស្រាវជ្រាវ បានពន្យល់នៅក្នុងការសិក្សាមួយដែលបានចុះផ្សាយនៅលើកាសែត Natureថា ហ្សែនរបស់នាងមានភាពស្និតស្នាលនឹងក្រុមប្រម៉ាញ់លោកខាងលិច មកពីអឺរ៉ុប ជាជាងក្រុមប្រម៉ាញ់មកពីតំបន់ភាគកណ្តាល Scandinavia ប្រទេសដាណឺម៉ាក៕
Home វិទ្យាសាស្ត្រ ក្រុមអ្នកស្រាវជ្រាវរកឃើញថាបុព្វបុរសយើងចូលចិត្តទំពារស្កកៅស៊ូជ័រឈើអំឡុងកាលពីរយៈពេល៥.៧០០ឆ្នាំមុន