..គ្រប់តែសាស្ត្រាចារ្យបង្រៀនសិស្សរមែងចង់ឲ្យសិស្សឆាប់យល់មេរៀនម្ល៉េះហើយសាស្ត្រាចារ្យម្នាក់ៗខំប្រឹងរិះរកពីវិធីសាស្ត្របង្រៀនសិស្សដោយឡែកៗពីគ្នា។តួយ៉ាងយោកសាស្ត្រាចារ្យម្នាក់នេះខណៈពេលកំពុងបង្រៀន គាត់ក៏ប្រៀបបានជាតួត្លុកម្នាក់គួរឲ្យផ្ទុះសំណើចក្រៃលែង។ លោកបណ្ឌិត David Wright អាយុ៦៩ឆ្នាំ ជាសាស្ត្រាចារ្យបង្រៀនខាងផ្នែករូបវិទ្យានៅមហាវិទ្យាល័យ Tidewater Community ក្នុងទីក្រុង Virginia Beach នៃរដ្ឋ Virginia សហរដ្ឋអាមេរិក។ លោកសាស្ត្រាចារ្យរូបនេះបានបង្រៀននៅមហាវិទ្យាល័យមួយនេះតាំងពីឆ្នាំ១៩៧៤មកម្ល៉េះ។
ពេលដែលគាត់នៅជាសិស្សមុខវិជ្ជារូបវិទ្យាបានធ្វើឲ្យសិស្សជាច្រើនមានការធុញទ្រាន់ទើបគាត់យល់ឃើញថាការដែលបង្កើតបរិយាកាសរីករាយនៅក្នុងថ្នាក់អាចធ្វើឲ្យការសិក្សាឈានទៅមុខមួយកម្រិត។ កាលពីកន្លងទៅនេះមានកូនសិស្សម្នាក់ឈ្មោះ Erica Churchដែលជាសិស្សរបស់លោកសាស្ត្រាចារ្យបានថតរាល់សកម្មភាពរបស់លោកគ្រូកន្លងមក រួចក៏បានចងក្រងសកម្មភាពមួយចំនួនធ្វើជាវីដេអូមួយ និងបានចែករំលែកទៅកាន់បណ្ដាញសង្គម Twitter។
នៅក្នុងវីដេអូលោកគ្រូតាបានធ្វើរឿងកំប្លែងមួយចំនួននៅពេលធ្វើពិសោធន៍ ដូចជាការហក់លោតក្នុងថ្នាក់ប្រៀបបាននឹងមនុស្សកំពុងពេញកម្លាំងម្នាក់អីចឹង។ វីដេអូមួយនេះមានអ្នកចុច Like និងទស្សនាវីដេអូនេះរាប់លាននាក់ហើយ៕
លោកសាស្ត្រាចារ្យ David Wright
