[wai id="5"]
…ឪពុក-ម្តាយស្លាប់...ហើយការងារក៏គ្មានធ្វើគឺជីវិតពិតជាជួបនូវការលំបាកហើយ។ តួយ៉ាងបុរសម្នាក់នេះភាពក្រខ្សត់បានមកសង្កត់លើដើមទ្រូងធ្វើឲ្យរូបកាយត្រូវដេកក្រវៀនៗក្នុងទូរ ទូរស័ព្ទ។Stephen Pope មានអាយុ ៤២ឆ្នាំ ធ្លាប់បម្រើការងារជាកម្មករ វាយកំទេចសំណង់អគារ មុនពេលធ្លាក់ខ្លួន គ្មានទី ជម្រក។
ប្រភពបានឲ្យដឹងថា រាល់ពេលល្ងាចឡើងលោក Stephen តែងសម្រាកស្នាក់នៅ ក្នុងទូទូរស័ព្ទដ៏តូចចង្អៀតមួយ នៅក្បែរផ្សារទំនើប ALDI ស្ថិតនៅទីក្រុង Birmingham ដោយមានភួយរុំដណ្តប់ខ្លួន ការពារពីអាកាសធាតុត្រជាក់។ ដោយអាណិតដល់គាត់ពេក អ្នករស់នៅក្នុងតំបន់នោះ តែងតែនាំយកចំណីអាហារ និងភេសជ្ជៈមួយចំនួន ឲ្យគាត់ទទួលទានផងដែរ។លោក Stephen ជាមនុស្សដែលមានការខ្មាសអៀន និងមិនហ៊ានចេញសុំទាន ដូចមនុស្សគ្មានទីពឹងដទៃទៀតឡើយ។ គាត់រស់នៅសព្វថ្ងៃនេះ គឺពឹងផ្អែកទាំងស្រុង លើការផ្តល់ចំណីអាហារដោយផ្ទាល់ ពីសំណាក់ជនដែលមានចិត្តសប្បុរស។បន្ថែមពីលើនេះ Stephen ក៏មានមិត្តភក្តិ និងបងប្អូនប្រុសម្នាក់ផងដែរ។ ទោះជាយ៉ាងណាក្តី ដោយសារតែ មិនចង់នាំការលំបាក ដល់ពួកគេ គាត់គ្មានជម្រើសអ្វី ក្រៅពីស្នាក់នៅយ៉ាងកណ្តោចកណ្តែង ក្នុងទូទូរស័ព្ទ។លោក Stephen បានឲ្យដឹងថា៖ «ពេលយប់អាកាសធាតុ អាចចុះត្រជាក់ខ្លាំង ប៉ុន្តែទូទូរស័ព្ទនោះ ការពារខ្ញុំ ពីខ្យល់រងារ និងភ្លៀងធ្លាក់បាន ហើយខ្ញុំអាចទុកដាក់របរខ្លះនៅក្នុងនោះ ដើម្បីកុំឲ្យភ្លៀងទទឹក» ។
ពាណិជ្ជកម្ម
ពេលដែលមានគេចោទសួរ អំពីអនាគតរបស់គាត់ Stephen បាននិយាយថា គាត់ពិតជាចង់ត្រលប់មករកសភាពដើម របស់គាត់វិញណាស់ ដោយមានទីជម្រកស្នាក់នៅសមរម្យ ក៏ដូចជាមានការងារធ្វើ ដើម្បីផ្គត់ផ្គង់ជីវភាព៕
