ក្មេងប្រុសម្នាក់នេះមានបំណងប្រាថ្នាយ៉ាងមុតមាំចង់ក្លាយជា«គ្រូពេទ្យ»តែបំណងនេះពុំបានសម្រេចនោះទេពីព្រោះនៅពេលដែលគេអាយុ១១ឆ្នាំស្រាប់តែក្មេងប្រុសរូបនេះបានកើតនូវជម្ងឺម្យ៉ាងដែលក្រុមគ្រូពេទ្យគ្មានលទ្ធភាពធ្វើការព្យាបាល។
ដោយដឹងថាបំណងចង់ក្លាយជាគ្រូពេទ្យបានទទួលបរាជ័យទៅហើយនោះក្មេងប្រុសរូបនោះក៏ប្រគល់ឲ្យនូវសរីរាង្គរបស់ខ្លួនទៅគ្រូពេទ្យដើម្បីផ្តល់ទៅឲ្យអ្នកជម្ងឺ។ធ្វើបែបនេះក៏អាចចាត់ទុកថារូបគេសំរេចបានអាចបំណងដែរ...ពីព្រោះរូបគេចង់ក្លាយជាគ្រូពេទ្យក៏ដើម្បីជួយព្យាបាលសង្គ្រោះជីវិតមនុស្សតែបំណងនេះបរាជ័យទើបងាកមកបរិច្ចាកសរីរាង្គក៏មានឈ្មោះថាបានជួយសង្រោះជីវិតមនុស្សដែរ។ចំពោះរឿងនេះបានធ្វើអោយវេជ្ជបណ្ឌិតចិនមានការចាប់អារម្មណ៍យ៉ាងខ្លាំងចំពោះក្មេងម្នាក់ទើបតែអាយុ១១ឆ្នាំ ដែលបានស្លាប់បាត់បង់ជីវិតដោយសារដុំសាច់ក្នុងខួរក្បាលហើយ បន្ទាប់ពីក្មេងនេះបានស្លាប់បាត់បង់ជីវិតភ្លាម ម្នាក់ៗមានការគោរពក្មេងម្នាក់នេះដែលរូបគេមានទឹកចិត្តល្អកម្ររកបានខុសពីក្មេងដទៃ។
ក្មេងប្រុសរូបនេះ បានជួយសង្គ្រោះជីវិតមនុស្សជាច្រើននាក់ឲ្យរស់រានមានជីវិតដោយការបរិច្ចាគសរីរាង្គរបស់គាត់ ដោយមុនស្លាប់ក្មេងប្រុសនោះបាននិយាយថា ៖ “ខ្ញុំសូមបរិច្ចាគសរីរាង្គរបស់ខ្ញុំ ដើម្បីជាប្រយោជន៍ អាចទៅជួយសង្គ្រោះជីវិតមនុស្សបានច្រើននាក់ទៀត”។ គ្រួសាររបស់ក្មេងបានឲ្យដឹងថា នេះជាបំណងប្រាថ្នារបស់គាត់ដែលចង់ជួយសង្គ្រោះមនុស្សគ្រប់គ្នា ជីវិតគាត់មួយអាចជួយបានច្រើនជីវិត ៕
