…នៅបណ្តាប្រទេសមួយចំនួនមានរបៀបទាក់ទាញភ្ញៀវដោយឡែកៗពីគ្នាខ្លះប្រើសត្វត្រីម្យ៉ាងដែលចិញ្ចឹមក្នុងអាងឲ្យមកចោមរោមស៊ីកោសិការស្បែកចាស់ៗដែលភ្ញៀវត្រាំជើងក្នុងអាវ។ តែរូបភាពនេះពុំព្រឺព្រួតនោះទេ តែផ្ទុយទៅវិញនៅប្រទេសហ្វីលីពីនមានកន្លែងមួយបានប្រើរូបភាពព្រឺរព្រួចដោយឲ្យពស់ថ្លាន់ធ្វើសកម្មភាពម៉ាស្សាចំពោះភ្ញៀវណាដែលមិនញាក់សាច់។ សួនសត្វមួយកន្លែង នៅឯប្រទេសហ្វីលីពីន កំពុងតែទទួលបាននូវការចាប់អារម្មណ៍ជាខ្លាំង ពីសំណាក់ភ្ញៀវទេសចរគ្រប់មជ្ឈដ្ឋាន ក្រោយអនុញ្ញាតឲ្យភ្ញៀវអាចសម្រាកលំហែកាយបាន ដោយមានជំនួយការពិសេស គឺសត្វពស់ថ្លាន់ជួយម៉ាស្សា។សួនសត្វ Crocodile Park មានទីតាំងស្ថិតនៅក្នុងទីក្រុង Davao ប្រទេសហ្វីលីពីន។
ជាការពិតណាស់ សម្រាប់ភ្ញៀវទេសចរដែលមានភាពរឹងមាំ ក្លាហានមិនខ្លាចសត្វ អាចអញ្ជើញទៅសាកល្បងគេងម៉ាស្សាជាមួយនឹងសត្វពស់ថ្លន់ ដែលមានទម្ងន់ ៥០គីឡូក្រាម ដាក់ឲ្យវារពេញលើខ្លួនប្រាណគួរឲ្យស្រៀវឆ្អឹងខ្នង ប៉ុន្តែនៅទីនោះក៏មានការជួយតាមមើលពីបុគ្គលិក ដោយពុំចាំបាច់បារម្ភពីសុវត្ថិភាពឡើយ។បើយោងតាមប្រភពសារព័ត៌មាន និងតាមការអះអាងពីបុគ្គលិកនៅសួនសត្វ នេះ បានឲ្យដឹងថា ពស់ថ្លាន់ប្រភេទ Burmese Python នេះ វាពិតជារួសរាយរាក់ទាក់ខ្លាំងណាស់ ហើយវាក៏ដឹងយ៉ាងច្បាស់ពីមនុស្សយើងដែរ។ដោយសារតែ ពស់ថ្លាន់នេះ វាមានធាតុត្រជាក់ ដូច្នេះការដាក់ពួកវាឲ្យវារនៅលើខ្លួនប្រាណជាការម៉ាស្សានោះ នឹងធ្វើឲ្យយើងទទួលបាននូវអារម្មណ៍ល្អ និងជាពិសេស ជួយបញ្ចុះសីតុណ្ហភាព ឬកម្ដៅនៅក្នុងខ្លួនរបស់យើងបានថែមទៀតផង។Renalyn Jainga ជាភ្ញៀវទេសចរម្នាក់បាននិយាយថា បន្ទាប់ពីនាងបានគេងសម្រាកឲ្យពស់ថ្លាន់ម៉ាស្សាបានបន្តិចមក នាងមានអារម្មណ៍ថា ស្បែករបស់នាងត្រជាក់ខ្លាំងណាស់ ប៉ុន្តែយ៉ាងណានៅពេលដំបូងឡើយ នាងក៏មានអារម្មណ៍ថាស្ញើបៗ ស្រៀវនឹងវាផងដែរ។
គួរឲ្យដឹងផងដែរថា ពស់ថ្លាន់ Burmese Python មានដើមកំណើតនៅតំបន់អាស៊ីខាងត្បូង។ ពួកវាត្រូវបានគេរកឃើញនៅតាមតំបន់ត្រូពិច ជាធម្មតារស់នៅតាមដើមឈើ និងនៅក្បែរទឹក ៕
Home សង្គមប្លែកៗ ហ៊ានទេ…បើអត់ខ្លាចអាថ្លាន់ ឲ្យវាម៉ាស្សាលើខ្លួនប្រាណ សូមអញ្ជើញទៅហ្វីលីពីន