…ស្ត្រីជនជាតិថៃម្នាក់នេះពិតជាគួរឲ្យសរសើរពន់ពេកណាស់ក្រោយពីបានរួមរស់ជាមួយប្តីមិនសូវមានថ្ងៃសុខកាយសប្បាយចិត្តគឺពុំបាននស៊ូទ្រាំបៀមទុក្ខដេកយំ ជោគខ្នើយនោះឡើយ ដោយសម្រេចចិត្តលែងលះចោលហើយ ថែមទាំងលុយកាក់ដែលប្តីបានឲ្យទាំងប៉ុន្មានពីមុនៗមកនោះក៏នាងបានបង្វិលឲ្យទៅវិញដែរអត់ឲ្យជាប់កម្មស្ពាយជាតិមុខនោះឡើយ។
កាលពីពេលថ្មីៗនេះ ស្ត្រីម្ចាស់គណនីហ្វេសប៊ុកមួយឈ្មោះ Atiporn Pornchaipitinun បានបង្ហោះរូបថតលុយជាច្រើនដុំ ដែល មានចំនួន ៣លានបាតគឺ ជាង ៩ម៉ឺនដុល្លារ ហើយលុយទាំងនេះនាងបានយកទៅតុលាការដើម្បីជាសំណងសុំលែងលះប្ដីរបស់នាង ។ ស្ត្រីរូបនេះបានរៀបរាប់តាមរយៈគណនីហ្វេសប៊ុករបស់ខ្លួនថា «យកទៅចុះប្រសិនបើវាធ្វើឱ្យជីវិតអ្នកសប្បាយ រយៈពេល ៥ឆ្នាំមកនេះបានបញ្ចប់ហើយ» ។សម្រាប់ការសម្រេចចិត្ត ព្រមទាំងសំណងលុយជាច្រើននេះ បានធ្វើឱ្យអ្នកលេងហ្វេសប៊ុក ព្រមទាំងក្រុមអជ្ញាធរខេត្ត ភ្ញាក់ផ្អើលយ៉ាងខ្លាំង ព្រោះកន្លងមក ពុំដែលឃើញខាងស្រីសងសំណងទៅខាងប្រុសឡើយ ពេលលែងលះគ្នា ។
បើតាមការរៀបពីសំណាក់ ស្ត្រីរូបនេះបានឱ្យដឹង ថា ប្ដីរបស់នាង បានលែងលះជាមួយប្រពន្ធដើម ហើយមករៀបការជាមួយនាង ដែលគិតមកទល់ពេលនេះមានរយៈពេល ៥ឆ្នាំមកហើយ ដោយកាលនោះថ្លៃទឹកដោះរបស់នាងគឺផ្ទះមួយខ្នងមានតម្លៃ ៣លានបាតកន្លះ ប៉ុន្តែពេលនេះ នាងសម្រេចចិត្តសងទៅឱ្យប្ដីរបស់នាងវិញ ដើម្បីលែងលះគ្នាឱ្យបានដាច់ស្រឡះ ៕