…គួរឲ្យសង្វេកពន់ពេកពេកណាស់ ស្ត្រីវ័យចំណាស់ម្នាក់ដែលមានបង្វេចកាន់ជាប់នឹងដីស្រាប់តែងងឹតមុខឈឹងដួលប្រូសបាត់បង់នៅមុខបន្ទប់ជួលដោយគ្មានសាច់ញាតិណាស្នាក់នៅក្នុងបន្ទប់ជួលនោះឡើយ។ ស្ត្រីរងគ្រោះម្នាក់នេះបានដេកស្លាប់នៅច្រកចូលមុខបន្ទប់ជួល បង្កឱ្យមានការភ្ញាក់ផ្អើលកាលពីវេលាម៉ោង ៩យប់ថ្ងៃ ទី២១ខែធ្នូត្រង់ចំណុចផ្លូវឌឿងហែមក្នុងសង្កាត់ផ្សារថ្មីទី៣ខណ្ឌដូនពេញ រាជធានីភ្នំពេញ។ស្ត្រីដែលស្លាប់ ឈ្មោះ តាំង ចិន្តា អាយុ៤៨ឆ្នាំ ជនជាតិខ្មែរ រស់នៅក្នុងភូមិព្រែកក្តី ឃុំព្រែកតារែន ស្រុកពញាឮ ខេត្តកណ្តាល នៅក្នុងខ្លួនសពមានសំបុត្រកំណើត ប័ណ្ណគ្រួសារ លិខិតបញ្ជាក់ទីលំនៅ និងខោអាវមួយបង្វិច។
តាមប្រភពពីប្រជាពលរដ្ឋម្នាក់បានឱ្យដឹងថា រូបគាត់បានដើរចេញមកប្រទះឃើញស្ត្រីដេកស្លាប់នៅនឹងកន្លែងកើតហេតុ ស្ត្រីរូបនេះមកដេកនៅកន្លែនេះតាំងពីព្រឹកមកម្ល៉េះតែមិនទាន់ដឹងថាមានជំងឺអ្វីនោះទេ។ ស្រាប់តែម៉ោងកើតហេតុខាងលើក៏ប្រទះឃើញគាត់ដេកស្លាប់ឡើងរឹងស្តូកហើយបង្កឱ្យមានការភ្ញាក់ផ្អើលដល់ប្រជាពលរដ្ឋ។ សមត្ថកិច្ចជំនាញធ្វើកោសល្យពិច័យរួចបានពិនិត្យឃើញថាជនរងគ្រោះដេកស្លាប់ដោយសារគាំងបេះដូង។
ក្រោយពីកើតហេតុសមត្ថកិច្ចធ្វើកំណត់ហេតុរួចបានដឹកយកទៅដម្កល់ទុកនៅវត្តទឹកថ្លារង់ចាំស្រាវជ្រាវរកសាច់ញាតិមកទទួលយកទៅធ្វើបុណ្យតាមប្រពៃណី៕
