[wai id="5"]
[wai id="7"]
មិនថាប្រទេសដែលមានសីតុណ្ហភាពក្តៅ ឫ ត្រជាក់នោះទេ គឺសុទ្ធតែអាចប្រឈមនឹងការឆ្លងមេរោគ កូរ៉ូណាបានដូចគ្នា។ នេះជាការបញ្ជាក់យ៉ាងច្បាស់ ដើម្បីឆ្លើយតបការយល់ច្រលំ ដែលធ្លាប់មានការលើក ឡើងថា កូរ៉ូណាមិនកើតឡើងនៅក្នុងប្រទេសក្តៅនោះ ។ ជាក់ស្តែងណាស់គឺជំងឺកូរ៉ូណាបានឆ្លងរួចមកហើយនៅតាមបណ្តាប្រទេសដែលមានអាកាសធាតុក្តៅ ដូចជាប្រទេសអាហ្វ្រិក អ៊ឺរ៉ុង និងប្រទេសមួយចំនួនទៀត ។
ពាណិជ្ជកម្ម
យ៉ាងណាមិញថ្មីៗនេះ ក្រសួងធនធានទឹក និងឧតុនិយម នៅថ្ងៃទី១០ ខែមីនា ឆ្នាំ២០២០នេះ បានចេញសេចក្តីជូនដំណឹងថ្មីមួយ ស្តីពីស្ថានភាពធាតុអាកាសនៅកម្ពុជា ចាប់ពីថ្ងៃនេះដល់ថ្ងៃទី១៦ ខែមីនា ឆ្នាំ២០២០។
ក្រសួងធនធានទឹកបានឲ្យដឹងថា តាមរយៈការតាមដានស្ថានភាពអាកាសធាតុជាប់ជាបន្ត សង្កេតឃើញថា កម្រិតសម្ពាធទាបនៅលើផ្ទៃដី និងសម្ពាធខ្ពស់នៅរយៈកម្ពស់ គ្របដណ្តប់លើកម្ពុជា។
១. បណ្តាខេត្តនៅតំបន់វាលទំនាបកណ្តាល៖
-សីតុណ្ហភាពអប្បបរមា មានពី ២៦-២៨អង្សារសេ
-សីតុណ្ហភាពអតិបរមា មានពី ៣៧-៣៩ អង្សារសេ។
ផ្នែកខ្លះនៃបណ្តាខេត្តនៅតំបន់វាលទំនាបកណ្តាល អាចនឹងមានភ្លៀងខ្សោយទៅមធ្យម។ ដោយឡែក នៅថ្ងៃទី១៤-១៦ ខែមីនា ផ្នែកមួយចំនួននៃខេត្តឧត្តរមានជ័យ បន្ទាយមានជ័យ ពោធិ៍សាត់ បាត់ដំបង សៀមរាប និងខេត្តប៉ៃលិន នឹងអាចមានភ្លៀងពីតិចទៅមធ្យម។
២. បណ្តាខេត្តនៅខ្ពង់រាបឦសាន៖
-សីតុណ្ហភាពអប្បបរមា មានពី ២៦-២៨អង្សារសេ
-សីតុណ្ហភាពអតិបរមា មានពី ៣៤-៣៦អង្សារសេ។
៣. បណ្តាខេត្តនៅតំបន់មាត់សមុទ្រ៖
-សីតុណ្ហភាពអប្បបរមា មានពី ២៦-២៨អង្សារសេ
-សីតុណ្ហភាពអតិបរមា មានពី ៣៥-៣៧អង្សារសេ។
ចាប់ពីថ្ងៃទី១១-១៦ ខែមីនា នឹងអាចមានភ្លៀងខ្សោយ។
ជាមួយគ្នានោះ ក្រសួងអំពាវនាវឱ្យប្រុងប្រយ័ត្នចំពោះបាតុភូត ផ្គរ រន្ទះ ខ្យល់កន្ត្រាក់ និងថែរក្សាសុខភាពនៅក្នុងខណៈដែលធាតុអាកាសក្តៅនៅពេលថ្ងៃ ៕
[wai id="6"]