…សមមុខហើយ អស់ការងារធ្វើហើយថែមទាំងដេកស៊ីបាយគុកអស់ប៉ុន្មានខែទៀតផង ទើបចេញមកដើរកាត់ខ្យល់ក៏ព្រោះតែមានភ្នែកអត់មារយាទឃើញស្រីៗស្លៀកសំពត់ខើចអត់បានទេ ស្ទុះភ្លែតទាញទូរស័ព្ទថតឆ្វាច់ៗពីក្រោមសំពត់ចង់ឃើញម៉ាកលីអូពណ៌ស្អីខ្លះ។
ថ្មីៗនេះ សន្ដិសុខម្នាក់ធ្វើការនៅឯស្ថានីយ៍រថភ្លើងមួយកន្លែងក្នុងទីក្រុង Guangzhou ប្រទេសចិន បានលួចថតរូបក្រោមសំពត់មនុស្សស្រីហើយបាបកម្មបានចូលមកដល់ក៏បានអ្នកដំណើរម្នាក់ ថតវីដេអូរួច បង្ហាញពីសកម្មភាពសន្ដិសុខដាក់កាមេរ៉ាទូរស័ព្ទនៅពីក្រោមសំពត់របស់នារីម្នាក់ដែលកំពុងឈរចុចទូរស័ព្ទមិនដឹងខ្លួន។ ក្រោយពីវីដេអូទទួលបានការចែករំលែកពាសពេញបណ្ដាញសង្គមរួចមក ខាងស្ថានីយ៍រថភ្លើងបានប្រកាសថា សន្ដិសុខនោះលែងជាបុគ្គលិកតទៅទៀតហើយ និងរាយការណ៍ទៅខាងប៉ូលិសឲ្យជួយដោះស្រាយបន្តតាមផ្លូវច្បាប់។
គួរឲ្យដឹងដែរថា ក្រុមបុរសខិលខូចនៅតាមទីសាធារណៈ នៅតែជាបញ្ហាធំមួយនៅក្នុងប្រទេសចិន។ កាលពីខែសីហាកន្លងទៅ ទីក្រុងសៀងហៃបានប្រកាសថា ជនខិលខូចណាដែលប្រព្រឹត្តអំពើស្មោគគ្រោកទៅលើមនុស្សស្រីនៅតាមទីសាធារណៈ នឹងត្រូវផ្តន្ទាទោស ហើយនៅខែបន្ទាប់ បុរសម្នាក់ត្រូវជាប់ពន្ធគារចំនួន៦ខែ ក្រោយពីបៀតបៀនកេរ្តិ៍ខ្មាសក្មេងស្រីពីរនាក់នៅលើរថភ្លើង៕
