បុរសជាស្វាមីរូបនេះពិតជាមានទឹកចិត្តស្មោះសស្រឡាញ់ភរិយាពន់ពេកទើបបានជាគាត់បានចំណាយពេលដល់ទៅ៣០ឆ្នាំដាំផ្កាជុំវិញផ្ទះដែលមើលទៅស្រស់បំព្រងគួរឲ្យទាក់ទាញព្រោះវាជាមធ្យោបាយមួយដែលលោកបានសង្ឃឹមថាវាអាចជួយឲ្យភរិយារបស់គាត់មានសេចក្តីសុខឡើងវិញបន្ទាប់ពីត្រូវខូចចិត្តដោយសារពិកាភ្នែក។ផ្កាជាច្រើន ត្រូវបានដាំដោយលោក Kuroki ដែលបានចំណាយពេល ៣០ឆ្នាំដើម្បីដាំវា។ គាត់សម្រេចចិត្តដាំផ្កានេះដើម្បីហេតុផលមួយ នោះគឺដើម្បីធ្វើឲ្យប្រពន្ធរបស់គាត់អាចញញឹមម្តងទៀត។
លោកបានសម្រេចចិត្តឈប់ធ្វើការងារ និងបានដាំផ្កាជុំវិញផ្ទះ ក្រោយពេលប្រពន្ធរបស់គាត់ពិការ ភ្នែកដោយសារតែជំងឺទឹកនោមផ្អែម។ ព្រោះតែមើលមិនឃើញ ភរិយារបស់គាត់មានអារម្មណ៍មិនសប្បាយចិត្តនោះទេ ខណៈដែលពិភពលោកដ៏ស្រស់ស្អាតរបស់គាត់ ប្រែទៅជាងងឹតសូន្យសុង។ព្រោះតែមើលមិនឃើញ បានធ្វើឲ្យភរិយរបស់គាត់មិនអាចមានទំនាក់ទំនងជាមួយនរណាទាំងអស់ ហើយធ្វើឲ្យលោក Kurokiមានការព្រួយបារម្ភជាខ្លាំង។ដើម្បីធ្វើឲ្យប្រពន្ធរបស់គាត់មានអារម្មណ៍សប្បាយសារជាថ្មី លោក Kuroki បានសម្រេចចិត្តឈប់ធ្វើការ និងមកដាំផ្កាជុំវិញផ្ទះ។ គាត់សង្ឃឹមថា ផ្កាទាំងនោះនឹងធ្វើឲ្យប្រពន្ធរបស់គាត់អាចញញឹមបានម្តងទៀត។ហើយរឿងកើតឡើងហួសពីការរំពឹងទុកគឺ ដោយសារតែភ្នំផ្កាដ៏ស្រស់ស្អាតរបស់គាត់បានទាក់ទាញអ្នកមកទស្សនាជាច្រើន ហើយចំនួនអ្នកមកមើលចេះតែកើនឡើងឥតឈប់ ធ្វើឲ្យប្រពន្ធរបស់គាត់លែងមានអារម្មណ៍ឯការទៀត។បើទោះបីប្រពន្ធរបស់គាត់មិនអាចមើលឃើញផ្កាដ៏ស្រស់ស្អាតក៏ដោយ ប៉ុន្តែគាត់មានការសប្បាយចិត្ត និងអាចញញឹមម្តងទៀត ដោយសារតែមានអ្នកមកផ្ទះរបស់គាត់ច្រើននិងរាក់ទាក់គាត់ដោយចិត្តរីករាយ។
សូមបញ្ជាក់ថា លោក Kuroki បានចំណាយពេល ២ឆ្នាំដើម្បីរៀបចំដីរបស់គាត់។ គាត់បានកាប់ដើមឈើចោល និងចាប់ផ្តើមដាំផ្កា ហើយជាច្រើនឆ្នាំបន្ទាប់ ផ្ការាប់ពាន់ដើមបានដុះជុំវិញផ្ទះរបស់គាត់។ ផ្ទះរបស់គាត់បានក្លាយទៅជាសមុទ្រផ្កា ដែលមើលទៅស្រស់ស្អាតមែនទែន៕
