…បើនិយាយពីរឿងសត្វចិញ្ចឹមមនុស្សម្នាក់ៗមានចំណង់ចំណូលចិត្តខុសៗគ្នា ប៉ុន្តែ ជាទូទៅមានមនុស្សមួយចំនួនធំតែងតែចូលចិត្តចញ្ចឹមសត្វ ក្នុងផ្ទះដូចជា ឆ្កែ ឆ្មា ជាដើមដោយឡែកសម្រាប់គ្រួសារមួយនេះបែជាស្រឡាញ់ និងចិញ្ចឹមក្រពើរស់នៅជាមួយគ្នារយៈពេល ២០ឆ្នាំមកហើយ ។
គ្រួសារខាងលើនេះ មានសមាជិក ៥នាក់ក្នុងនោះមានបុរសជាប្ដីឈ្មោះ Lrwan ប្រពន្ធរបស់គាត់ ព្រមទាំង កូន ៣នាក់ទៀត ហើយចំណែកសត្វក្រពើសំណព្វចិត្តមួយក្បាលនេះមានឈ្មោះថា Kojek។ គ្រួសារនេះរស់ក្នុងប្រទេសឥណ្ឌូនេស៊ី ។សត្វក្រពើមួយក្បាលដ៏គួរឱ្យខ្លាច នេះ មានប្រវែង ១.៨ម៉ែត្រ រីឯចំណីរបស់វាគឺស៊ីតែត្រីស្រស់ប៉ុណ្ណោះ ។
តាមការរៀបរាប់ពីសំណាក់ម្ចាស់ផ្ទះលោក Lrwan បានឱ្យដឹងថា ក្រពើរបស់គាត់មិនដែលផ្ដល់គ្រោះថ្នាក់អ្វីដល់សមាជិកគ្រួសារ និងអ្នកដទៃឡើយ ផ្ទុយទៅវិញវាស្លូត និងគួរឱ្យស្រឡាញ់ខ្លាំងណាស់ប្រៀបដូចជាសត្វឆ្មាយ៉ាងដូច្នេះដែរ ៕