…ទោះបីជាកំពុងពេញស្រឡាញ់ស្ទើរតែបាត់មុខមួយភ្លែតមិនចង់បានក្តី ប៉ុន្តែនៅពេលដែលរឿង
អាស្រូវប្តីចុងចាប់រំលោភកូនស្រីដើមរបស់នាងបានបែកធ្លាយភ្លាមគឺនាងអត់នៅស្ងៀមធ្វើគ ធ្វើថ្លង់នោះទេគឺប្តឹងទៅប៉ូលិសឲ្យចាត់ការប្តីចុងដ៏គំរក់នោះភ្លាម។
ក្មេងស្រី អាយុ១១ឆ្នាំម្នាក់ ត្រូវឪចុងប្រើល្បិចនាំទៅធ្វើស្មៅចម្ការតែ២នាក់ លុះមានឱកាសល្អ ក៏ធ្វើសកម្មភាពចាប់រំលោភសេពសន្ថវៈនាងតែម្តង លុះរឿងអាស្រូវនេះ ត្រូវបែកធ្លាយម្តាយក្មេងស្រីរងគ្រោះបានទៅដាក់ពាក្យឲ្យសមត្ថកិច្ច ចាប់ខ្លួនប្តីដ៏គំរក់នេះ ចាត់ការតាមច្បាប់ កាលពីថ្ងៃទី២៤ ខែធ្នូ ឆ្នាំ២០១៩ ។ជនសង្ស័យ ឈ្មោះ ទេស រស្មី អាយុ ២៦ឆ្នាំ រស់នៅភូមិវាលកន្សែង ឃុំកំពង់ដំរី ស្រុកឆ្លូង ខេត្តក្រចេះ ចំណែកក្មេងស្រីរងគ្រោះអាយុ ១១ឆ្នាំ។លោកវរសេនីយ៍ឯក ឆុង តូរ៉ាន់ អធិការនគរបាលស្រុកឆ្លូង បានឲ្យដឹងថា ជនសង្ស័យរូបនេះ ត្រូវបានចាប់ខ្លួនភ្លាមៗ បន្ទាប់ពីទទួលបណ្តឹងពីម្តាយក្មេងស្រីរងគ្រោះ ។
នៅចំពោះមុខសមត្ថកិច្ច ជនសង្ស័យ បានសារភាពថា រូបគេពិតជាបានចាប់រំលោភក្មេងស្រីរងគ្រោះជាកូនចុងមែន នៅពេលដែលទៅធ្វើស្មៅចម្ការតែ២នាក់ កាលពីចុងខែវិច្ឆិកា ឆ្នាំ២០១៩កន្លងទៅ តែមិនស៊ីជម្រៅនោះទេ។ជនសង្ស័យត្រូវកម្លាំងសមត្ថកិច្ចកសាងសំណុំរឿងបញ្ជូនទៅកាន់សាលាដំបូងខេត្ត ដើម្បីចាត់ការតាមផ្លូវច្បាប់៕