កាលពីពេលថ្មីៗកន្លងទៅនេះ សម្តេចតេជោហ៊ុន សែន នាយករដ្ឋមន្ត្រីនៃកម្ពុជាបានប្រកាសមិនឱ្យវាយកម្ទេចស្ពានថ្មចាស់អាយុជាង ១០០ ឆ្នាំ ដែលសល់ពីសម័យបារាំងនៅក្នុងខេត្តបាត់ដំបងឡើយ។ ដោយសម្តេច ធ្វើការបញ្ចាក់ថាសំណង់ផ្សេងៗដែលមានអាយុកាលចាប់ពី ៥០ ឆ្នាំឡើងទៅត្រូវតែប្រឹងប្រែងថែរក្សាទុក ។
ការថ្លែងបែបនេះនៅក្នុងពិធីចែកសញ្ញាបត្រដល់និស្សិតសាកលវិទ្យាល័យភូមិន្ទនីតិសាស្ត្រ និង វិទ្យាសាស្ត្រសេដ្ឋកិច្ច កាលពីថ្ងៃទី ២៦ ខែធ្នូ ឆ្នាំ២០១៩ ។
សម្តេចតេជោ ហ៊ុន សែន មានប្រសាសន៍ថា៖ «កន្លងទៅស្រាប់តែនាំគ្នាផ្អើលឈុលថាយើងនាំគ្នាប្រុងវាយស្ពាននៅបាត់ដំបង ស្ពានសម័យបារាំងនៅបាត់ដំបង ផ្អើលឈុលពេញហ្វេសប៊ុក។ សូមបញ្ជាក់អារឿងអ្វីដែលបន្សល់ទុកលើសពី ៥០ ឆ្នាំទៅគឺខិតខំរក្សា។ អាហ្នឹងក្លាយទៅជាសមិទ្ធផល ហើយអានោះជាង ១០០ ឆ្នាំរឿងអីត្រូវទៅវាយ? ខិតខំរក្សាវា ជួសជុល ធ្វើម៉េចដើម្បីទប់កុំឲ្យវាបាក់»។
កាលពីថ្ងៃទី ១៣ ខែធ្នូ រដ្ឋបាលខេត្ដបាត់ដំបងបានសម្រេចផ្អាកការធ្វើចរាចរណ៍លើស្ពានចាស់ឆ្លងកាត់ស្ទឹងសង្កែដោយបញ្ជាក់ថាស្ពាននេះមានសភាពចាស់ទ្រុឌទ្រោម និងបែកប្រេះស្រាំមិនអាចប្រើប្រាស់បន្តទៀតបានឡើយ ហើយជាការចាំបាច់គឺត្រូវបញ្ឈប់ការធ្វើដំណើរឆ្លងកាត់ស្ពាននេះតែម្ដង។
គួររម្លឹកដែរថា កាលពីពេលកន្លងទៅរដ្ឋបាលខេត្តបាត់ដំបងមានបំណងចង់រុះរើស្ពានថ្ម នឹងបានហាមពលរដ្ឋធ្វើដំណើរឆ្លងកាត់ស្ពានថ្មចាស់មុខសាលាខេត្តដោយសារតែស្ពាននេះមានសភាពចាស់ទ្រុឌទ្រោមនិងការបែកប្រេះស្រាំកាលពីថ្ងៃទី ១៥ ធ្នូនេះ ការផ្អាកការធ្វើដំណើរនេះគឺដើម្បីចៀសវាងស្កាត់គ្រោះថ្នាក់ជាយថាហេតុដោយសារការពុកផុយរបស់ស្ពាន។
រដ្ឋមន្ត្រីក្រសួងវប្បធម៌ និង វិចិត្រសិល្បៈ លោកស្រី ភឿង សកុណា យល់ឃើញថាស្ពានថ្មចាស់សម័យបារាំងនេះពុំគួររុះរើចេញនោះទេ ។ មូលហេតុដែលរដ្ឋមន្ត្រីវប្បធម៌លើកឡើងបែបនេះដោយសារតែស្ពានថ្មចាស់នេះមានអាយុកាលជាង១០០ឆ្នាំមកហើយដែលបានកសាងនៅសម័យបារាំងជាសំណង់បេតិកភណ្ឌទីក្រុងនៅសល់តែមួយគត់ក្នុងខេត្តបាត់ដំបងនិងក្នុងប្រទេសកម្ពុជាហើយវាក៏មានតម្លៃជាប្រវត្តិសាស្ត្រលើផ្នែកស្ថាបត្យកម្ម នគរូបនីយកម្មនិងបរិស្ថានទៀតផង។
លិខិតរបស់ក្រសួងវប្បធម៌ដែលចុះហត្ថលេខាដោយរដ្ឋមន្ត្រី ភឿង សកុណា បានសរសេរថា៖ ដើម្បីការពារនិងអភិរក្សស្ពាននេះរដ្ឋមន្ត្រីវប្បធម៌បានស្នើឱ្យរដ្ឋមន្ត្រី ក្រសួងរៀបចំដែនដី នគរូបនីយកម្មនិងសំណង់ លោក ជា សុផារ៉ា សហការដោះស្រាយបញ្ហានេះតាមរយៈការចុះទៅត្រួតពិនិត្យនៅទីតាំងផ្ទាល់ដើម្បីអភិវឌ្ឍន៍ប្រកបដោយចីរភាព៕
សម្តេចតេជោ ៖ សំណង់ផ្សេងៗដែលមានអាយុកាលចាប់ពី ៥០ ឆ្នាំឡើងត្រូវរក្សាទុក
កាលពីពេលថ្មីៗកន្លងទៅនេះ សម្តេចតេជោហ៊ុន សែន នាយករដ្ឋមន្ត្រីនៃកម្ពុជាបានប្រកាសមិនឱ្យវាយកម្ទេចស្ពានថ្មចាស់អាយុជាង ១០០ ឆ្នាំ ដែលសល់ពីសម័យបារាំងនៅក្នុងខេត្តបាត់ដំបងឡើយ។ ដោយសម្តេច ធ្វើការបញ្ចាក់ថាសំណង់ផ្សេងៗដែលមានអាយុកាលចាប់ពី ៥០ ឆ្នាំឡើងទៅត្រូវតែប្រឹងប្រែងថែរក្សាទុក ។
ការថ្លែងបែបនេះនៅក្នុងពិធីចែកសញ្ញាបត្រដល់និស្សិតសាកលវិទ្យាល័យភូមិន្ទនីតិសាស្ត្រ និង វិទ្យាសាស្ត្រសេដ្ឋកិច្ច កាលពីថ្ងៃទី ២៦ ខែធ្នូ ឆ្នាំ២០១៩ ។
សម្តេចតេជោ ហ៊ុន សែន មានប្រសាសន៍ថា៖ «កន្លងទៅស្រាប់តែនាំគ្នាផ្អើលឈុលថាយើងនាំគ្នាប្រុងវាយស្ពាននៅបាត់ដំបង ស្ពានសម័យបារាំងនៅបាត់ដំបង ផ្អើលឈុលពេញហ្វេសប៊ុក។ សូមបញ្ជាក់អារឿងអ្វីដែលបន្សល់ទុកលើសពី ៥០ ឆ្នាំទៅគឺខិតខំរក្សា។ អាហ្នឹងក្លាយទៅជាសមិទ្ធផល ហើយអានោះជាង ១០០ ឆ្នាំរឿងអីត្រូវទៅវាយ? ខិតខំរក្សាវា ជួសជុល ធ្វើម៉េចដើម្បីទប់កុំឲ្យវាបាក់»។
កាលពីថ្ងៃទី ១៣ ខែធ្នូ រដ្ឋបាលខេត្ដបាត់ដំបងបានសម្រេចផ្អាកការធ្វើចរាចរណ៍លើស្ពានចាស់ឆ្លងកាត់ស្ទឹងសង្កែដោយបញ្ជាក់ថាស្ពាននេះមានសភាពចាស់ទ្រុឌទ្រោម និងបែកប្រេះស្រាំមិនអាចប្រើប្រាស់បន្តទៀតបានឡើយ ហើយជាការចាំបាច់គឺត្រូវបញ្ឈប់ការធ្វើដំណើរឆ្លងកាត់ស្ពាននេះតែម្ដង។
គួររម្លឹកដែរថា កាលពីពេលកន្លងទៅរដ្ឋបាលខេត្តបាត់ដំបងមានបំណងចង់រុះរើស្ពានថ្ម នឹងបានហាមពលរដ្ឋធ្វើដំណើរឆ្លងកាត់ស្ពានថ្មចាស់មុខសាលាខេត្តដោយសារតែស្ពាននេះមានសភាពចាស់ទ្រុឌទ្រោមនិងការបែកប្រេះស្រាំកាលពីថ្ងៃទី ១៥ ធ្នូនេះ ការផ្អាកការធ្វើដំណើរនេះគឺដើម្បីចៀសវាងស្កាត់គ្រោះថ្នាក់ជាយថាហេតុដោយសារការពុកផុយរបស់ស្ពាន។
រដ្ឋមន្ត្រីក្រសួងវប្បធម៌ និង វិចិត្រសិល្បៈ លោកស្រី ភឿង សកុណា យល់ឃើញថាស្ពានថ្មចាស់សម័យបារាំងនេះពុំគួររុះរើចេញនោះទេ ។ មូលហេតុដែលរដ្ឋមន្ត្រីវប្បធម៌លើកឡើងបែបនេះដោយសារតែស្ពានថ្មចាស់នេះមានអាយុកាលជាង១០០ឆ្នាំមកហើយដែលបានកសាងនៅសម័យបារាំងជាសំណង់បេតិកភណ្ឌទីក្រុងនៅសល់តែមួយគត់ក្នុងខេត្តបាត់ដំបងនិងក្នុងប្រទេសកម្ពុជាហើយវាក៏មានតម្លៃជាប្រវត្តិសាស្ត្រលើផ្នែកស្ថាបត្យកម្ម នគរូបនីយកម្មនិងបរិស្ថានទៀតផង។
លិខិតរបស់ក្រសួងវប្បធម៌ដែលចុះហត្ថលេខាដោយរដ្ឋមន្ត្រី ភឿង សកុណា បានសរសេរថា៖ ដើម្បីការពារនិងអភិរក្សស្ពាននេះរដ្ឋមន្ត្រីវប្បធម៌បានស្នើឱ្យរដ្ឋមន្ត្រី ក្រសួងរៀបចំដែនដី នគរូបនីយកម្មនិងសំណង់ លោក ជា សុផារ៉ា សហការដោះស្រាយបញ្ហានេះតាមរយៈការចុះទៅត្រួតពិនិត្យនៅទីតាំងផ្ទាល់ដើម្បីអភិវឌ្ឍន៍ប្រកបដោយចីរភាព៕
