និស្សិតស្រីអាយុ 20 ឆ្នាំម្នាក់នៅឥណ្ឌូណេស៊ីត្រូវបាន ស្លាប់នៅឯកន្លែងស្នាក់នៅរបស់នាងនៅ Singaraja កោះបាលី។ សពជនរងគ្រោះ ឈ្មោះ Serli Mahardika ត្រូវបានមិត្តភក្តិរបស់នាងបានឃើញបន្ទាប់ពីពួកគេបានកត់សម្គាល់ឃើញថានាងមិនបានចូលរៀនក្នុងថ្នាក់រៀនពីរបីថ្ងៃ។ សាព័ត៌មាន Coconuts Bali បានឲ្យដឹងថាអាជ្ញាធរឥណ្ឌូនេស៊ីបានចាប់ខ្លួនជនសង្ស័យអាយុ 21 ឆ្នាំ ឈ្មោះ "KI" បន្ទាប់សព ស្រីត្រូវបានរកឃើញ។ ក្នុងអំឡុងពេលសាកសួរ, KI ដែលជាមិត្តប្រុសរបស់សាកសពបានសារភាពប្រាប់ប៉ូលីសថាគាត់បានសម្លាប់នាងដោយសារកំហឹងភ្លើងប្រច័ណ្ឌ។
ប្រមុខប៉ូលីសទីក្រុង Singaraja ត្រូវបានដកស្រង់សម្តីថាៈ"វាត្រូវបានគេដឹងថាជនរងគ្រោះមានទំនាក់ទំនងស្នេហាជាមួយជនល្មើសហើយជនល្មើសបានប្រព្រឹត្តសកម្មភាពរបស់គាត់ដោយសារតែភ្លើងប្រច័ណ្ឌ ព្រោះតែជនរងគ្រោះបានជួបជាមួយមិត្តភក្តិនៅមហាវិទ្យាល័យរបស់នាង" ។យោងតាមកាសែតបាលីប៉ុស្តិ៍ បានរាយការណ៍ថា KI បានមកដល់កន្លែងស្នាក់នៅរបស់ជនរងគ្រោះនៅថ្ងៃច័ន្ទ ហើយ ជនល្មើសបានព្យាយាមសម្លាប់នាងដោយផ្ទប់ខ្នើយ ប៉ុន្តែដំបូងឡើយដោយសារតែការវាយតប់ ជនល្មើសបានចាប់ផ្ដើមវាយនាងម្ដងហើយម្ដងទៀតលើមុខនិងក រហូតដល់ជនរងគ្រោះបានស្លាប់។ដោយដឹងថានាងបានស្លាប់ KI បានលើកសពរបស់នាងដាក់នៅលើគ្រែរបស់នាងហើយយកភួយគ្របលើរាងកាយរបស់នាង ដើម្បីធ្វើឱ្យមើលទៅដូចជានាងដេកលក់មុនពេលគេចខ្លួនចេញពីកន្លែងកើតហេតុ។ ជនល្មើសបានបាននិយាយថា "
"ខ្ញុំពិតជាសោកស្តាយណាស់។ នៅពេលនោះខ្ញុំមិនអាចគ្រប់គ្រងអារម្មណ៍របស់ខ្លួនឯងបាន ហើយខ្ញុំមិនដឹងថាខ្ញុំបានធ្វើវានោះទេ៕ "
