…ចាញ់ល្បែបោសគូទខោ…ហើយថែមទាំងជំពាក់បំណុលគេថែមទៀតបានធ្វើឲ្យបុរសម្នាក់នេះទៅជាភ្លីភ្លើមួយពេលហើយទើបភ័យខ្លួនតាមក្រោយដែរ នេះគេហៅថា នៅមិននៅទៅយកជ័រព្នៅមកក្បៀកក្លៀក។បុរសជនជាតិចិនម្នាក់ បានប្រកាសតាមបណ្ដាញទំនាក់ទំនងសង្គមលក់កូនប្រុសរបស់ខ្លួនក្នុងតម្លៃត្រឹមតែប្រមាណ ៣.០០០ដុល្លារ ដើម្បីយកលុយសងបំណុលល្បែងដែលខ្លួនជំពាក់ក្រុមអ្នកចងការប្រាក់ខុសច្បាប់។
ឪពុករូបនេះបានបង្ហោះវីដេអូរូបកូនប្រុសក្នុងបណ្តាញសង្គម ហើយនិយាយថា “មានអ្នកណាចង់បានក្មេងនេះទេ។ ខ្ញុំសម្រេចចិត្តលក់វាក្នុងតម្លៃ ២០.០០០ យ័ន (ប្រមាណ ៣.០០០ ដុល្លារអាម៉េរិក)។ បើមេៗណាចង់បាន សូមទាក់ទំនងមកខ្ញុំភ្លាមៗ”។ បន្ទាប់ពីរងការស្ដីបន្ទោសធ្ងន់ៗពីសមាជិកជាច្រើននៅក្នុងក្រុម បុរសនេះបានសម្ដែងការសោកស្ដាយ និងសូមទោសចំពោះទង្វើរបស់ខ្លួន ហើយនិយាយថា រូបគេបង្ហោះវាមកពីខ្លួនមានអារម្មណ៍មិនល្អ។យោងតាមគេហទំព័រព័ត៌មានចិន Sina បានឱ្យដឹងថា បុរសដែលគេមិនបញ្ចេញអត្តសញ្ញាណ នេះរស់នៅខេត្តគ័ងតុង (Guangdong) ប្រទេសចិន ហើយបានប្រកាសលក់កូនតាមបណ្ដាញទំនាក់ទំនងសង្គមចិន WeChat កាលពីថ្ងៃចន្ទ ទី៦ ខែមករា។ សារនេះបានបែកធ្លាយសុសសាយយ៉ាងឆាប់រហ័ស បង្កឱ្យសាធារជនថ្កោលទោសធ្ងន់ៗ។ អ្នកប្រើប្រាស់បណ្ដាញសង្គមខ្លះថែមទាំងអំពាវនាវឱ្យអាជ្ញាធរមានសមត្ថកិច្ចចាត់វិធានការតាមផ្លួវច្បាប់លើជននេះទៀតផង។
យោងតាមសេចក្ដីរាយការណ៍ អាជ្ញាធរកំពុងការបើកស៊ើបអង្កេតលើករណីនេះ។ តាមច្បាប់ ប្រទេសចិន អ្នកដែលមានទោសពីបទរត់ពន្ធ និងលក់ដូរកុមារត្រូវមានទោសជាប់ពន្ធនាគារពី ៥ ឆ្នាំដល់ ១០ ឆ្នាំ ហើយក៏អាចឈានទៅដល់ការជាប់ពន្ធនាគារមួយជីវិត ឬទោសប្រហារជីវិត ផងដែរ៕
Home សង្គមប្លែកៗ គំរក់មែន…ចាញ់ល្បែងប្រកាសលក់កូនដូចទំនិញត្រូវគេជេរផ្អើលមេឃ…ថែមទាំងដេកភ័យខ្លាចប៉ូលិសចាប់