...អណ្តូងរ៉ែមាសមួយនេះនៅក្នុងប្រទេសអូស្ត្រាលីបានធ្វើឲ្យអណ្តូងរ៉ែមាសឯទៀតក្នុងពិភពលោកមានការភ្ញាក់ផ្អើលជាខ្លាំងព្រោះតែជីកលោកដុំមាសយក្សទម្ងន់២០០ផោនមានតម្លៃមហាសាល។លោក Henry Dole បានរកឃើញដុំមាសដ៏ធំបំផុតនៅឯអណ្តូងរ៉ែបេតាហាន់ក្បែរ Kambalda នៅភាគខាងលិចប្រទេសអូស្ត្រាលី។ដុំថ្មដែលលាយលំជាមួយមាសដំបូងដែលលោក Dole បានរកឃើញមាន 14 ដុំទំងន់ (196 ផោន) ជាមួយនិងដុំថ្មចំនួន 10ដុំ ដែលគេជឿថាវាជារបស់ដ៏មានតម្លៃ។ វាត្រូវការបុរសបីនាក់ដើម្បីលើក ហើយវាមានតម្លៃ 2 លានផោន ។
ការរកឃើញនេះបានធ្វើឱ្យមានការភ្ញាក់ផ្អើលយ៉ាងខ្លាំងពីកម្មវីធី Welcome Stranger របស់ប្រទេសអូស្ត្រាលី។ ក្រោយមកលោក Dole បានរកឃើញដុំថ្មទី 2 ដែលមានទម្ងន់ប្រហែល 9,4 គីឡូក្រាម មុនពេលរកឃើញមាសផ្សេងៗទៀត។លោក Dole ដែលមានបទពិសោធជាង 16 ឆ្នាំបាននិយាយថានេះគឺជាលើកទី 1 ហើយដែលលោកបានជួបប្រទះនូវដុំមាសធំមួយ នៅក្នុងអាជីពរបស់គាត់ទាំងមូល។គាត់ បានបង្ហើបឱ្យដឹងថាគាត់បានជីកគាស់ហើយបានជួបអ្វីដែលមិនគួរឱ្យជឿនៅពេលដែលកំពុងធ្វើការនៅក្រោមដីជម្រៅ 500 ម៉ែត្រ ។ នាយកប្រតិបត្តិក្រុមហ៊ុនលោក Mark Selby បាននិយាយថាការរកឃើញដុំមាសដែលធំគឺពិតជា "១លើកក្នុងមួយឆាកជីវិត" ។ លោក Selby ក៏បាននិយាយ ថាការរកឃើញនេះបានបង្ហាញថា Beta Hunt អាចក្លាយទៅជា "អណ្តូងមាសដ៏ធំមួយ" ។
កងកម្លាំងប្រដាប់អាវុធបានត្រូវដាក់ពង្រាយដើម្បីការពារការដឹកជញ្ជូនដុំរ៉ែមាសទៅក្នុងឃ្លាំងនិងការពារសន្តិសុខនៅក្នុងតំបន់អណ្តូងរ៉ែ៕
