…បើមិនជឿក៏ពុំគួរពេបមាត់អីពីព្រោះរឿងរ៉ាវខ្មោចលងសុទ្ធតែមិនច្បាស់ដូចតែគ្នាដែរទេថាជារឿងពិតឬក៏ជារឿងប្រឌិតតែព្រឺរឆ្អឹងខ្នងនោះ!។មានគណនីហ្វេសប៊ុកអ្នកម៉ាក់មួយរូបឈ្មោះ Pen Timsocheata PG បានបង្ហោះរៀបរាប់រឿងរ៉ាវ ដ៏គួរឱ្យព្រឺសម្បុរមួយដែលបានកើតឡើងចំពោះគាត់បន្ទាប់ពីបានសម្រាលកូនរួច ។
ក្នុងនោះអ្នកស្រី បានសរសេរថា៖ «កាលពី៣ឆ្នាំមុន វេលា ទាបភ្លឺ នៅមន្ទីពេទ្យ រ៉ូយ៉ាល់នេះ ឯង យប់ថ្ងៃទី ៣ ខ្ញុំបានដើរទៅខាងក្រៅបន្ទប់សម្រាក សំដៅទៅមើលកូនស្រីដែលនៅក្នុងបន្ទប់ មើលថែទារក ដោយចិត្តនឹកកូនពេក ដោយគ្មានបានគិតដល់រឿងអាក្រក់អ្វីឡើយ រហូតពេលដែលខ្ញុំចូលទៅក្នុងបន្ទប់ សម្រាកវិញខ្ញុំក៏ប្រាសដេកវិញ រំពេចនោះស្រាប់តែមានស្រមោលដៃខ្មៅ ស្ទង់ៗ មកសង្កត់ ពីលើក្បាលខ្ញុំ ដល់ទៅ២ដង ហើយខ្ញុំប្រឹងស្រែក ហៅប្តីរបស់ខ្ញុំដេកកំដរខ្ញុំនៅលើ សាឡុងសតែគាត់មិនបានលឺឡើយ ហើយខ្ញុំខំរើបំរាស់មិនចង់រួចក៏វៀសដៃចំកាបូបលុយខ្ញុំដែលដាក់នៅលើតុ ចំហៀងខ្លួនទើបបាត់ស្រមោលដៃខ្មៅនោះបាត់ទៅ» ។ស្ត្រីខាងលើបន្តទៀតថា៖ «ក៏ប៉ុន្តែ ពេលនេះ ម៉ោងដដែល ៣ឆ្នាំក្រោយ ខ្ញុំមិនហ៊ានដើរចេញទៅក្រៅដើម្បីមើលកូនទៀតឡើយ ព្រោះ វាធ្លាប់ មានមកលើខ្ញុំរួចម្តង ហើយខ្ញុំមិនបណ្តោយទៀតទេហើយក៏មានរបស់ដើម្បីធ្វើអោយកក់ក្តៅក្នុងអារម្មណ៍នៅនិងដៃរបស់ខ្ញុំដែរ »។
ជាចុងក្រោយអ្នកម្ដាយរូបនេះរៀបរាប់ថា ៖ «សូមបញ្ចាក់ ខ្ញុំសរសេរនេះ ចង់ប្រាប់ដល់មនុស្សគ្រប់ទោះ ជាឆ្លងទន្លេ ដោយអ់ធម្មជាតិក្តី វះកាត់ក្តីក៏កុំ ដើរចេញទៅណាតែផ្តាស ខុសពីកន្លែងមូលហេតុ គឺគ្រប់មនុស្សស្រីពេលនឹងសុទ្ធតែមានធ្លាក់ឈាម ទាំងអស់ ត្រូវយល់ បើមិនជឿសូមកុំប្រមាថ ខ្ញុំ ជួបផ្ទាល់បានហ៊ានអះអាង» ។បន្ទាប់ពីការបង្ហោះនេះក៏មានអ្នកម្តាយជាច្រើនរូបដែលឆ្លងកាត់ការសម្រាលកូនរួចមកហើយនោះ បានបង្ហាញពីបទពិសោធន៍រៀងៗខ្លួន ដែលស្រដៀងគ្នានេះ ។ យ៉ាងណាមិញ ក៏មានអ្នកបញ្ចេញយោបល់មួយចំនួនថា នេះអាចមកពីការរវើរវាយរបស់អ្នកម្តាយដែលទើបសម្រាលកូនរួចក៏ថា បានព្រោះពេលសម្រាលពួកគាត់តែងតែមានអារម្មណ៍គិតច្រើន ។ ទោះបីជាយ៉ាងណាក៏ដោយ ក៏យើងមិនអាចដឹងច្បាស់ពីជំនឿបែបអរូបីមួយនេះឡើយ ៕
