ស្ត្រីម្នាក់ បានប្រកាសឲ្យដឹងពីការឈឺចាប់អស់រយៈពេល១០ឆ្នាំរបស់នាង ពីប្រតិកម្មអាឡែស៊ីស្បែកដោយសារតែថ្នាំលាបសក់ដែលស្ទើតែបានសម្លាប់គាត់ទៅហើយ។អ្នកស្រី Robyn Cherry មកពីស្រុក Gloucestershire ចក្រភពអង់គ្លេស មិនអាចមើលឃើញនោះទេ ហើយមុខរបស់គាត់ឡើងប៉ោងធំឡើងទ្វេដង ក្រោយលាបថ្នាំសក់ទៅជាពណ៌ត្នោតកាលពីឆ្នាំ២០១០ ថ្វីត្បិតតែគាត់បានធ្វើតេស្តមុននឹងលាបថ្នាំសក់ក៏ដោយ។
រយៈពេល១ទសវត្សរ៍មកនេះ នាង Robynមិនអាចចេញក្រៅឲ្យត្រូវពន្លឺព្រះអាទិត្យបានឡើយ ជាហេតុធ្វើឲ្យគាត់មិនអាចដើរលេងបាន ហើយនិងបោះបង់ចោលអាជីពក្នុងក្តីស្រមៃរបស់គាត់ជាកីឡាការិនីប្រឆាំងសេះ។អ្នកស្រី Robyn បាននិយាយថា ទៅហាងអត់សក់នៅថ្ងៃនោះ គឺជាកំហុសដ៏អាក្រក់បំផុតនៅក្នុងជីវិតរបស់គាត់។ ចាប់តាំងពីនោះមក ជីវិតរបស់គាត់ប្រៀបបាននឹងការរស់នៅក្នុងឋាននរគ។អ្នកស្រីបន្តទៀតថា អ្នកស្រីស្ទើតែស្លាប់ទៀតផង តែឥឡូវនេះ គាត់អាចមើលឃើញពិភពលោកជាថ្មីម្តងទៀតហើយ ហើយគាត់ក៏មិនចាំបាច់ទៅមន្ទីរពេទ្យទៀតដែរ។អ្នកស្រី Robynបាននិយាយទៀតថា តាមធម្មតា គាត់លាបថ្នាំសក់ទៅជាពណ៌ទង់ដែង២ដងក្នុង១ខែនៅផ្ទះរបស់គាត់។ គាត់តែងតែធ្វើតេស្ត និងរង់ចាំដល់៤៨ម៉ោង។ប៉ុន្តែក្រោយមក អ្នកស្រីក៏សម្រេចចិត្តប្តូរសក់មកបែបធម្មជាតិវិញ ដោយលាបពណ៌ត្នោត ។ ក្រោយពេលលាបភ្លាម គាត់ក៏បានចាកចេញពីហាងសាឡន ស្រាប់តែផ្ទៃមុខរបស់គាត់ចាប់ផ្តើមប្រតិកម្មឡើងក្តៅ តែគាត់មិនចាប់អារម្មណ៍នោះឡើយ។ នៅព្រឹកបន្ទាប់មុខរបស់គាត់ ឡើងប៉ោងធំឡើងទ្វេដង។
អ្នកស្រី Robyn បានបញ្ជាក់ថា ក្បាលរបស់គាត់ដូចផ្លែប៉េងប៉ោះចឹង ហើយគាត់ពិតជាខ្លាចខ្លាំងណាស់ ហើយការឈឺចាប់ក៏ចាប់ផ្តើមឡើង។ ភ្នែករបស់គាត់មើលមិនឃើញនោះទេ វាពិតជារឿងដែលអាក្រក់ខ្លាំងណាស់សម្រាប់ជីវិតរបស់គាត់។គួររំឭកថា កាលពីខែតុលា ឆ្នាំ២០១០ ដែលកាលនោះ អ្នកស្រី Robyn មានអាយុ២០ឆ្នាំ បានចំណាយលុយ១២០ផោន ដើម្បីលប់សក់របស់គាត់នៅហាងសាឡនក្នុងស្រុកមួយកន្លែង៕
Home សង្គមប្លែកៗ អ្នកចូលចិត្តប្តូរពណ៌សក់ត្រូវប្រុងប្រយ័ត្ន! ស្ត្រីម្នាក់ប្រតិកម្មថ្នាំសក់ធ្វើឲ្យនាងហើមមុខ និងពិការភ្នែកអស់រយៈពេល១០ឆ្នាំ